Рейтинг
+71.59

Bilirsinizmi?

83 üzv, 315 topik

Daha müasir ev dekorasiyası üçün 4 məsləhət

Evinizdə müasir ab-hava yaratmağa nə deyirsiniz? Üstəlik bunun üçün köklü dəyişikliklərə ehtiyacınız yoxdur. Bir neçə xırda toxunuş evinizin qüsursuz görünməsi üçün bəs edəcək.

Müasir klassik mebellər
Qəribə səslənsə də, bir məkanı yeniləmək üçün atılacaq ilk addım onu zamansız əşyalarla doldurmaqdır. Müasir klassik mebelləri evin ən sevdiyiniz otağında qoruyun.

Dekorunuza metal əşyalar da əlavə edin
Metal toxunuşlar müasir dekorasiyanın əvəzedilməzidir. Mis, ya da qızılı rəngdə metal əşyalar dekorunuzda fərq yaratmanız üçün bəs edəcək. Ən yaxşı nəticə üçün hamısını birdən istifadə edə bilərsiniz.

Keçmiş naxışlı parçaları qarışdırın
Keçmişə dair parçaları müasir mebellərlə qarışdırın. Üstəlik bu parçaları almaq elə baha deyil.
Davamı →
 

Yuxuda danışmaq

Uşaqların 50 %-i, böyüklərin isə 5 %-i yuxusunda danışır. Mütəxəssislər hələ də tam səbəbi bilinməyən bu halın kişilərdə daha çox görüldüyünü deyir. Yaxşı, bəs gecənin bir yarısı yanınızdakı adam yuxusunda danışarsa, nə edəcəyinizi bilirsizmi?

Yuxuda danışmaq nədir?
Yuxuda danışmaq yuxunun hər hansı bir mərhələsindən dolayı yaranan narahatlıqdır. Anlaşılmayan dialoqlar, monoloqlar, tamamilə mənasız sözlər və mırıldanmaq şəklində olur. Yuxusunda danışan adamlar özləri bu hərəkətlərindən xəbərsiz olurlar.
Davamı →
 

Sarımsaq qoxusunun qarşısını necə almaq olar?


Sarımsaq sevənlər bilir, qoxusu uzun müddət bədəndə qalır. Yediyiniz sarımsaqlı yeməyin üstündən 24 saat keçsə də, qoxusu nəfəsinizdə və tərinizdə hiss edilir. Hətta, dodağınıza sarımsaq sürtsəniz belə, eyni nəticə ilə üzləşəcəksiniz.

1936-cı ildə Journal of the American Medical Association jurnalında dərc olunan bir məqalədə həkimlər, xortum ilə mədəsinə sarımsaqlı şorba verilən bir xəstənin nəfəsindən, bir neçə saat sonra sarımsaq qoxusu gəldiyini qeyd etmişdilər.

Başqa bir həkim isə, sarımsaq iyi verən hamilə bir qadının doğuşundan sonra, körpənin də eyni şəkildə qoxuduğunu yazmışdı.
Davamı →
 

Körpəni qucağa götürmək faydalıdır

Yeni araşdırmalara əsasən daha çox qucaqda olan körpələr böyüdükdə daha sağlam, daha məhsuldar, daha anlayışlı, mehriban və daha az depressiyaya meylli olurlar. Darcia Narvaez araşdırması əsasında 600 böyük adamı müşahidə etmişdir. Müşahidələrə əsasən məlum olmuşdur ki, körpəlikdə daha çox qucaqlananlar böyüdükdə daha sağlam psixikaya malik olaraq, daha az psixoloji narahatlıqlar keçirirlər. Həmçinin bu insanlar stresin öhdəsindən daha yaxşı gəlirlər. 

“Qucaqlamaq fərq edir” deyən həkimlər, bu araşdırmadan sonra köhnə yanaşma olan ” qucağa öyrəşdirmə” anlayışının tamamilə süquta yetdiyini qeyd edirlər. Qucağa götürməklə körpənizin tərbiyəsini korlaya bilməzsiniz, əksinə ağlayan və mızıldayan körpə hər istəyində qucağa götürülməlidir.
Davamı →
 

Dostluq və sevginin limitləri

Hesab olunur ki, orta statistik bir adamın 5-6 çox yaxın dostu ola bilər. Bu adamlarla demək olar hər gün görüşürük. Əlavə olaraq 12-15 adam var ki, onları da biz dost adlandırırıq, ayda bir dəfə görürürük ən azı. Onların ölümü bizə çox təsir edər.

Daha geniş bir yaxın tanış çevrəsi var ki, bu da 50 nəfərdir, bəzən 150 nəfərə kimi genişlənə bilər. Bu adamları biz yaxşı tanıyırıq.

Dunbar rəqəmlərinə (Dunbar's number) görə bir adam yalnız təxminən 150 nəfərlə davamlı mənalı sosial əlaqə saxlaya bilər. Hesab olunur ki, sevgi və dost ehtiyarı çox limitlidir. Yəni, bir sevgiliniz olduğu zaman iki ən yaxın dostunuzu itirə bilərsiniz. Sevgi digərləri ilə dostluğunuza böyük zərbə vurur.
 

Wi-Fi-ı söndürmədən yatmayın!

Müasir evləri Wi-Fi olmadan təsəvvür etmək mümkün deyil. İnternetə nəinki evdə, işdə, ticarət mərkəzlərində, təhsil müəssisələrində, ümumiyyətlə hər yerdə böyük ehtiyac var.

Bəs bizi gecə-gündüz əhatə edən Wi-Fi sistemi insana necə təsir edir?
Alimlərin çoxu Wi-Fi-ı əsl qatil adlandırır. Belə ki, elmi tədqiqatlarda elektromaqnit dalğalarının xüsusiyyətləri və onların insan beyninə mənfi təsir etdiyi məlum olub. Tədqiqatın nəticələrinə görə, Wi-Fi şüaları nəticəsində hüceyrə səviyyəsində dəyişikliklər baş verir, insan beyinin fəaliyyətini zəifləyir, həmçinin bitkilərin böyüməsinin qarşısı alınır. Wi-Fi avadanlıqları ilə işləyən adamlar şüaların orqanizminə mənfi təsirini azaltmaq üçün təhlükəsizlik texnikası üzrə dəqiq göstərişlər alır.
Davamı →
 

Allüminium qablar təhlükəlidir

Son araşdırmalar göstərib ki, allüminiumdan hazırlanmış qablar çox ziyanlıdır. Ekspertlərin fikrinə görə, bu qablar insanların, xüsusilə uşaqların sağlamlığına ciddi ziyan vura bilər. Belə ki, araşdırmalar göstərib ki, allüminium qablar İQ səviyyəsinin düşməsinə və ürək-damar sistemində pozulmaların inkişafına səbəb ola bilər.

Bundan əvvəlki araşdırmalar göstərib ki, allüminiumla Alsgeymer xəstəliyi arasında əlaqə var. Zee News xəbər verir ki, ABŞ alimləri 10 müxtəlif ölkədə istehal olunmuş allüminium qabların tərkibini yoxladıqdan sonra belə nəticəyə gəliblər ki, bu növ qablarda bişirilmiş qidaya allüminiumdan əlavə digər toksiki maddalər keçir və sonra insan orqanizminə daxil olur. Orqanizmdə toplanaraq bu maddələr müxtəlif pozulmalara səbəb olur.

Alimlər allüminium qablarından imtina etməyi, daha ekoloji qablara (poladdan, şüşədən və s. hazırlanmış) üstünlük verməyi tövsiyə edirlər.
 

Münasibətlərinizdə problem olduğunu göstərən 10 işarə

1. Birlikdə daha az vaxt keçirirsiniz
Tərəf müqabiliniz xoşbəxt deyilsə, vərdişlərini və sizinlə keçirdiyi zaman miqdarını dəyişdirməyə başlayın. Bu, son zamanda tez-tez baş verirsə, təlaşlanmayın. Ancaq vəziyyətdən asılı olaraq tədbirlər görün. Hər cür münasibətdə belə dəyişikliklər labüddür. Lakin bu, bir uyğunsuzluq işarəsi də ola bilər.

2. Tərəf müqabiliniz tənha qalır
Onun davranışında dəyişiklik görsəniz, demək, burada nəsə var. Və bu dəyişiklik sizi kənarda qoyursa, sizi xoşagəlməz sürpriz gözləyir. O, sizinləykən özünü xoşbəxt hiss etmədiyi üçün sizdən uzaqda vaxt keçirir. Hər şey üçün çox gec olmadan, onunla söhbət edin.

3. Qəzəbinə hakim ola bilmir
Əvvəlki vaxtlara nisbətən daha tez əsəbiləşməyə başlayıbsa, bu, bir problem ola bilər. Səbr mövzusunda dəyişiklik hiss edirsinizsə, demək, o, sizinlə xoşbəxt deyil. Bir insan münasibətində xoşbəxt deyilsə, əsəbləşməklə hirsini çıxarır. Belə halla rastlaşmısınızsa, vaxt keçmədən onunla danışın.
Davamı →
 

İt hücumu zamanı nə etməli?

Əgər bir it aqressiv davranırsa, ya insanlardan zərər görüb, ya da xəstəliyi var. Aqressiv itlə qarşılaşdığımızda hücum edəcək deyə çoxumuz qorxub qaçırıq. Amma qaçmaq da doğru deyil. Bunlara diqqət etsəniz, sizə zərər verməyəcək.

Təşvişə düşməyin
İt və digər heyvanlar qorxunu hiss edir. Sizə doğru hürən, hücum edən bir iti görəndə çətin də olsa, sakitləşməyə çalışın. Əgər qışqırıb əl-qol atsanız, yaxud da qaçmağa başlasanız, it sizi ov kimi görəcək və sizə hücum edəcək.

Yavaşlayın
Qaçarkən aqressiv bir itlə qarşılaşmısınızsa, addımlarınızı yavaşladın. İtin bir yanından yavaş-yavaş gedərək bir gözünüzlə də ona nəzarət edin. Dik şəkildə durmaq itin sizə diqqətini dağıdacaq.
Davamı →
 

Ölkələrin ənənəvi içkiləri

Çika – Perunun evdə hazırlanan qarğıdalı pivəsidir. Perunun kiçik kəndlərində qapısına süpürgə və ucuna qırmızı torba asılan evlər görsəniz, bilin ki, içəriyə girib ləzzətli Peru Çikası içə bilərsiniz.

Klub Mate – Argentina, Boliviya, Peru, Çili kimi ölkələrdə “soyuq çay” kimi içilən Mate gecə həyatı mədəniyyətinin ən vacib parçasıdır. Kafein kimi oyandırıcı təsiri olan soyuq çayı gecə klublarında verərkən, vodka üçün yer açacaq qədər içirsiniz, sonra üzərinə alkol əlavə edilir.

Fernet Kola (Argentina) – Həzmə kömək edən, ədviyyatlı Fernet Kola çox məşhurdu və ən çox kola ilə içilir.
Davamı →