Рейтинг
+71.59

Bilirsinizmi?

89 üzv, 353 topik

Təbiətin hədiyyəsi- Böyük burun


Amerika mətbuatının yazdığına görə, yerli alimlər burnu böyük insanların daha çox təmiz hava ilə nəfəs aldıqlarını müəyyənləşdiriblər.

Araşdırmalar göstərib ki, böyük burunda havanı təmizləyən «süzgəc» daha yaxşı işləyir və bu səbəbdən həmin insanların ağciyərlərinə daha təmiz hava gedir.

Üstəlik, belə insanlar «fındıqburunlar»la müqayisədə müxtəlif allergiyalardan da daha az əziyyət çəkir.
 

OK

OKOK — amerika ifadəsidir, “hər şey yaxşıdır, hər şey qaydasındadır”  mənasını bildirir. Artıq international söz hesab olunur və demək olar ki, bütün dövlətlərdə bu kəlmə hədsiz dərəcədə çox işlənilir. Global Language Monitor  (GLM)  Assosiyasının müşahidələrinə görə OK planetdə ən çox yayılmış və hamının qəbul etdiyi sözdür.

   Hər gün işlətdiyimiz bu söz hardan meydana gəlib? Mənası nədir?

     O.K. ― Amerika Birləşmiş Ştatlarının 8-ci prezidenti olmuş Martin Van Byurenin ləqəbi olub. Old Kinderhook — onun doğulduğu holland qəsəbəsi bu cür adlanırdı. Prezident bu bənzəri olmayan adı özünə təxəllüs seçdi.

Seçki öncəsi nyu-yorklu demokratlar belə bir reklam sloqanı hazırladılar: “Old Kinderhook is O.K”. Seçkilərdə dəstək məqsədiylə Martin  “The OK Club” adlı siyası qrup yaradır. “OK” daim dildə fırlanmağa başladı. Bu sözün anadan olma tarixi 1839-cu il 22 mart hesab olunur. Amma ilk dəfə 1938-ci ildə boston qəzetlərinin birində işlədilib.


Ardı →
 

Qara pişiyin uğursuzluğu; həqiqət, yoxsa batil inanc?

qara pişikDünya tarixində pişiklərdən başqa fərqli dönəmlərdə fərqli dəyərləndirməyə məruz qalan ikinci bir canlı yoxdur, çünki əvvəl ilahiləşdirilən, sonra şeytanla eyniləşdirilib soyqırıma məruz qalan, sonra da təkrar evin baş küncünə yerləşdirilən  canlı növü məhz pişiklərdir.

Bir insanın qarşısından qara rəngli bir pişiyin keçdiyi zaman uğursuzluq gətirəcəyi ilə  bağlı inancın qaynağının miladdan əvvəl 3000 — ci illərə, qədim Misirlilərə bağlı olduğu qeyd edilir. O dövrdə pişiklər müqəddəs bir canlı olaraq qəbul edilirdi. Hətta qara dişi pişiklərin ilahiləşdirilməsini  qazıntı işləri nəticəsində  ortaya çıxan məlumatlar sayəsində görmək mümükündür.

O dövrdə Misirdə pişikləri xəstəlik və ölümdən qorumaq üçün qanunlar belə qəbul edilmişdi. Evin pişiyinin ölməsi isə  ailə üçün bir fəlakət idi.


Ardı →
 

Wi-Fi dalğalarını görmək istəyirsinizmi?

Hər kəs Wi-Fi əlaqəsini sevir, çünki, simsiz, sürətli və ən əhəmiyyətlisi hər yerdə pulsuzdur. Bəs Wi-Fi dalğalarını görə bilmək istərdinizmi?

Əgər Wi-Fi dalğaları görünə bilsəydi istifadəçilər harada Wi-Fi olduğunu bilər və buna əsasən də internetə girərdilər. Stanford Universitetindən Dr. Browning Vogel kiçik bir yardım ilə Vaşinqtonda çılpaq gözlə görünə bilən Wi-Fi dalğalarının necə görünəcəyini göstərən bəzi çox maraqlı görüntüləri nəşr edib.
Dr. Browning Vogel’a sənətçi Nickolay Lamm və MyDeals.com bu işdə yoldaşlıq edib. Bu işdə Wi-Fi dalğalarının göründüyü bir dünya necə olar deyə xəyal edildi.

Görüntülərdəki Wi-Fi siqnalları dalğa-dalğa və rəngarəngdir. Siz bu barədə nə düşünürsünüz? Azərbaycanda Wi-Fi siqnalları görünsəydi necə bir təsirə səbəb olardı?     /Texnopress


Ardı →
 

Heyvanlar da yuxu görürlərmi?

catAparılan tədqiqatlar bəzi heyvanların yuxu gördüklərini təsdiqləyir. Məməli heyvanların böyük bir hissəsinin yuxu gördüyü çoxdan məlumdur. Əgər pişik, ya da it saxlayırsınızsa, yatarkən onların gözlərində, ağızlarında (hətta bığlarında) yuxu gördüklərinin əlamətlərini müşahidə edə bilərsiniz. Çox güman ki, onlar yaddaşlarında saxladıqları müxtəlif «vizual informasiyalardan» meydana gələn yuxular görürlər. Məməli heyvanlarla yanaşı, bəzi quş növləri də yuxu görürlər. Hətta məməlilər arasında yexidnadan başqa bütün heyvanların yuxu gördükləri müəyyən edilmişdir. Sürünənlərin yuxu görməməsi isə yuxunun sabit bədən temperaturu ilə (və ya başqa sözlə, istiqanlılıqla) bağlı olaraq inkişaf etdiyini göstərir.

 

Ailəm jurnalı

 

Kəsilən dırnaqlar (və ya saçlar) hara gəldi atılmamalıdır

Allah insana böyük qiymət vermiş, onu ehtirama layiq yaratmışdır. Bununla bağlı Qurani-Kərimdə belə buyurulmaqdadır: «Biz Adəm oğlunu mükərrəm(yəni, möhtərəm) yaratdıq» (İsra, 17/70). İnsanın özü mötərəm sayıldığı kmi, onun orqanları da ehtirama layiqdir. Ona görə də, insanın hər hansı bir orqanının satılmasına icazə verilmir. İnsan orqanlarının pis yerə tullanması da ən azı özünə hörmətsizlikdir. Bu mənada insan öz bədənindən ayrılan hər parçaya ehtiram göstərməlidir. Kəsilən dırnaqlar, həmçinin kəsilən saçlar da hara gəldi atılmamalıdır. Əvvəllər belə bir qayda var idi ki, bu saydıqlarımızı həmişə əldən-ayaqdan uzaq bir yerdə basdırırdılar. Ancaq bu gün böyük şəhərlərdə yaşayan minlərlə, milyonlarla insan üçün bu işi görmək o qədər də asan deyil. Ona görə də, yaxşı olar ki, insanlar onları bir kağıza büksünlər və bir zibil qutusuna atsınlar. Yəni, saçı və ya dırnağı açıq şəkildə tullamaq düzgün deyil. İşin başqa bir tərəfinə də baxaq: ola bilsin ki, kiminsə saçı və ya dırnağı başqasına pis təsir göstərə bilər. Halbuki insanlara bu cür təsir göstərmək onların haqqını tapdalamaq deməkdir. Ona görə də, saç və ya dırnaq məsələsində həssas davranmaq lazımdır. Uca Peyğəmbərimiz (s.ə.s) dırnaqlarını müəyyən gün və günlərdə kəsər və heç kimin görmədiyi yerdə basdırardı. Bərbərxanalarda hər gün neçə-neçə insanın saçı qırxılır. Təbii ki, bərbərin hər gün yer qazıb saç basdırmaq imkanı yoxdur. Ancaq bərbərin o saçları «havaya sovurması» da insanlara qarşı haqsızlıqdır. Ona görə də, bərbər o kəsilmiş saçları bir kağıza bükməli (və ya bir torbaya yığmalı) və açılmayacağından əmin olduqdan sonra bir zibil qutusuna atmalıdır.

Ailəm jurnalı

 

“Pi” günü (International π Day)

14 martda dünyada qeyri-adi bayramlardan biri olan beynəlxalq “Pi” günü (International π Day) qeyd edilir. İlkpi ədədi dəfə bu gün 1988-ci ildə San-Fransiskoda Eksploratorium elmi-kütləvi muzeyində qeyd edilib. 

Bu qeyri-adi rəqəm hələ orta məktəbin aşağı siniflərində çevrə və dairəni öyrənən zaman rast gəlinir. Pi kəmiyyəti çevrənin uzunluğunun diametrinə nisbətini ifadə edən riyazi sabitdir.

Pi kəmiyyəti 3,141592… və sonsuz uzunluğa malikdir.

Gündəlik hesablamalarda kəmiyyətin sadələşdirilmiş yazılışından istifadə edilir, yəni — 3,14. Bu ifadəyə nəzər yetirsək, «Pi» kəmiyyətinin niyə məhz bu gün qeyd edilməsi dərhal aşkar olur.

Diqqətəlayiqdir ki, beynəlxalq “Pi” günü görkəmli fizik Albert Eynşteynin doğum tarixinə təsadüf edir.

mənbə:  ict.az

 

 

"Yaşıl qutu"

Azərsun Holdinqin «Təbiəti qoruyaq» adlı layihəsiyaşıl qutu
Tamamilə ödənişsiz olaraq «Yaşıl qutu»nu sizin ofisdə yerləşdirir və istifadə etdiyiniz tullantı kağızları topalayıb onlara zəng edirsiz və onlar gəlib aparırlar. (1 gün avvəlcədən zəng etmək lazımdır)
Telefon: (050) 498 54 54 (Kamal müəllim)
Bu qədər asan.
PS: Bununla siz neçə-neçə ağacın kəsilməsinin qarşısını ala bilərsiniz.
Bir Yer kürrəmiz var. Hansı ki, ehtiyyatları tükənə bilər.
«Təbiəti qoruyaq»
Xırdalan Karton Fabriki
www.kartontara.az
Bakı Karton Tara Fabriki
 

Hansı iki dənizin suyu bir-birinə qarışmır?

Aralıq Dənizdə və Atlantik Okeanında güclü dalğalarla yanaşı, güclü axınlar və güclü qabarma-çəkilmələr var. GibraltarAralıq Dənizinin suyu, Cəbəllütariq Boğazında Atlantik Okeanı ilə qarşılaşır. Ancaq bu iki su bir-birinə qarışmır. Çünki suların hər birinin özünəməxsus temperaturu, sıxlığı, hətta duzluluğu var. Buna görə də, iki dəniz arasında gözəgörünməz bir sərhəd var. Allah (c.c.) isə bunu Quranda belə bəyan edir: "(Suları şirin və acı olan) iki dənizi O qovuşdurdu (bir-birinə qovuşmaq üçün açıb buraxdı). Amma onların arasında maneə var, bir-birinə qarışmazlar (onlar üçün müəyyən edilmiş həddi aşmazlar)".   (Rəhman/19-20)

 

"At gücü" nədir?

Traktorun və ya maşının gücünü göstərmək üçün «at gücü» ifadəsindən istifadə edirlər. Bu sözü artıq çoxumuzhorseeşitmişik, ancaq onun haradan gəldiyini çoxumuz bilmirik. Lap qədimlərdə, hələ maşınların səsinin -sorağının olmadığı vaxtlarda insanların yeganə köməkçisi atlar idilər. Atlar insan aparır, yer şumlayır, yük daşıyırdılar. Belə çıxırdı ki, insana tək «at gücü» kömək edir. Nə vaxt ki, maşınlar «işıq üzü gördülər», onlar bir atdan qat-qat çox iş görməyə başladılar. Dünyada hər şeyin bir ölçü vahidi var: vaxt — saniyə, dəqiqə və saatlarla, çəki — milliqram, qram və kiloqramla, məsafə — santimetr, metr və kilometrlərlə və s. hesablanır. Beləliklə, maşınların da işgörmə qabiliyyətini «at gücü» ilə ölçməyə başladılar.

 

 

Ailləm jurnalı