Təbiətin 12 qanunu

 1. Sənə lazımdır — özün də icra et

Sənə zərrə qədər xeyir gətirməyəcək hər hansı bir şeyi görməyin nə mənası var? Bizim fəaliyyətimizin nəticəsi heç olmasa ya təşəkkür, ya da şəxsi dəyərin (ləyaqətin) hiss edilməsi olmalıdır. Enerji — hər zaman  bizlərə nə üçünsə verilmiş bir mükafatdır. Əgər başqaları öz qayğılarını (və ya dərdlərini) bizim üzərimizə yükləyirlərsə, heç vaxt onların işlərinin görülməsindən lazım olan həzzi və ya yeni işə uyğun (münasib) ruh yüksəkliyini (şövq) ala bilməyəcəyik. (Məqsəd insanların bir-birilərinə əl tutmaları və ya yardım edib, xeyirxah işlər görmələrini qadağan etmək deyil. Əksinə, kiminsə boynundakı məsuliyyəti və ya vəzifəni başqasının üzərinə atması və həmin şəxsin də başqasının işini görməsinin danlaq edilməsidir. — F.A)


2. Söz vermə! Söz verdinsə — yerinə yetir.

Əgər söz veririksə, məgər biz azad və ya dövlətli oluruq? Birdən, vədə əməl etməsək, bu kiminsə gözündə etibarı azaldır? Yoxsa, elə özümüzdə də? Burada söhət etibardan deyil, həyata keçirdiyimiz yalandan gedir. Ən ciddi qanunlardan biri yalanı izləmək qabiliyyətidir. Ən əsası da özünə qarşı. ( Bir sözlə, nə yalan danış (vəd verib, əməl etməmək də yalan danışmaqdandır), nə də yalana aldan. Ən əsası isə, yalanın bütün qapılarını üzərinə bağla — F.A)

3. Xahiş etmirlərsə — müdaxilə etmə

Adətən biz yaxşı niyyətləri (məqsədləri) əldə əsas tutaraq başqa insanların seçiminə, onların düşüncələrinə, hərəkətlərinə müdaxilə edirik. Çox vaxt da, gözlənildiyi kimi, cavabında heç bir minnətdarlıq almırıq, əksinə mühakimə ilə üz-üzə gəlirik. Başqalarının səhvləri üzərində öyrənmək (dərs almaq) mümkün deyil, hər kəs yolu öz (şəxsi) yoluyla  keçir.

4. Xahiş olunduqda rədd etmə

Bizdən xahiş etdikləri zaman, bu, hər hansı bir iş üçün təşəkkür anlamına gəlir. Bu təşəkkür şəxsi dəyəri hiss etməyə yardımçı olur ki, bizim üçün daxili özünəhörmət enerjisinin mənbəyinə xidmət edir (yardımçı olur).

5. Mövcudluğa görə yaşa (Keçmiş və ya gələcəyə görə yaşama)

Bu gün verilmiş enerjini bu günkü günə istiqamətləndirmək lazımdır. Keçmiş və gələcək üçün edəcəyimiz ən yaxşı şeyi, hər zaman fəqət indi etmək mümkündür. (İnsanın keçmişi də, gələcəyi də mövcud vəziyyətdən asılıdır. Biz nə etsək, o bizim keçmişimizə yazılıb, gələcəyimizi dəyişdirəcək. -F.A)

6. Düşmə! (Geri çəkilmə və ya batma!)

Görünür ki, bir şeyə bağlandığımız zaman, öz inkişafımızı əyləcləyirik (tormozlayırıq, durdururuq). Əgər bir yerdə addım atırıqsa (yerində saymaq), yeni enerji ala bilmirik. Ən çətin qanunlardan biri — Geri çəkilmək (düşmək) insana xas olan sifətdir. 

7. Hədəf qoyma! ( Hədəf mayak rolunu oynamalıdır)

Hədəf — bənd olası (dəyiləsi) bir şey deyil. Hədəf — fəaliyyətin istiqamətidir. Əgər siz, hədəfi hər hansı yekun bir nöqtə kimi görsəniz, o nöqtəyə çatdığınız zaman fəlakət (dağıdıcılıq) hiss edə bilərsiniz. Ən yaxşı hədəflər — sonsuz hədəflərdir. Misal üçün özünü inkişaf etdirmə hədəfi. (Bu da sonsuz hədəf silsiləsindəndir. Çünki, bu yolun özü bir neçə hədəfdən ibarətdir. Kamilliyə çatmaq isə, bəz
ən bir insan həyatına da sığmır — F.A) 



8. Heç kəsə mane olma!

Sizi dinləməyə hazır olduqları zaman danışın. Özünüzü insanlara bağlamayın. Belə bir halda siz, daim özünüz üçün «sıfırlanmış müsbət» nəticə alacaqsız, həmçinin əbəs yerə enerjini işlətmiş olacaqsız.

9. Təbiətin pis havası yoxdur

Əgər uğursuz cəhdlərdə sonuncu mümkün olanı deyil, yoxlanılmış və uyğun gəlməyən variantı,  çətin şəraitlərdə isə, şəxsi inkaşaf üçün zəmin (şərait) görməyi öyrənsəniz, o zaman biz enerjimizi boş yerə ağlamağa (təəssüf etməyə, ah-vay etməyə) sərf etməyəcək, irəli gedəcəyik. 

10. Mühakimə, tənqid etmə!

Tənqid etmək adəti — şəxsi alçaldılmış öz-özünə qiymət verməyin əlamətidir. Başqalarını tənqid edərək biz, əks mənfi reaksiya göstərmələrinə çağırış edirik. (Sözsüz ki, sağlam tənqid və tənqid etməyə aludə olmaq arasında fərq vardır. Düzgün və sağlam bir tənqidi normal ağıl qəbul edir və bəyənilmiş cəhəti də alternativ göstərərək olunan tənqiddir. Alternativsiz tənqid cəmiyyətdə ikrahla qarşılaşır — F.A)

11. Özününkü etmədən, bir informasiyanı ötürmə! (Bu informasiyanı təcrübə, bacarıq, vərdiş etmədən) 

Başqalarına şəxsi hədəf və niyyətlərinizi açıqlayarkən ehtiyatlı olun. Bəzən mənasız məzəmmətlər və ya alçaq  düşüncə qanadlarınızı kəsə (qıra) bilər və hədəflər bitmiş bir mənaya (daha məna kəsb etməz — F,A) çevrilər. Üzərində dadmadığın bir şeyi, başqalarına məsləhət verməyə dəyməz. Əgər sizin sözləriniz, əməlləriniz üzərində qərar tapsa, insanlar buna dəyər verəcəkdir.

12. Hər yerdə və hər zaman icazə istə

Başqalarının mülkiyətinə qarşı intelektual və fiziki hörmət bəsləyin, Əks halda özünüzü müdafiə etməkdə (bəraət qazandırmaqda) enerjinizi sərf etməyə hazır olun. 

"ЭГО| Психология, эзотерика"Çevirdi: Fərid Abdullah

7 şərh

seyidova
Şekil superdi.Yazınıda oxuyub şerhimi bildirecem.
Ferbara
Elə ilk cümlədən rus mentalitetinin qoxusunu duydum və sonda mənbəyi görüb əmin oldum. :)
Tərcümə etdiyiniz və paylaşdığınız faydalı məlumatlara görə təşəkkür edirəm. 
pascal
Əla. Əsl bu saytlıq topikdir.
4. Xahiş olunduqda rədd etmə — bəzən buna məcbur oluruq.
11. Özününkü etmədən, bir informasiyanı ötürmə! (Bu informasiyanı təcrübə, bacarıq, vərdiş etmədən) — bunu lap çox sevdim. 
Ferbara
5-ci bəndə də çoxları əməl etmir.
pascal
Ümumiyyətlə, burda yazılanlara az əməl edirik, təəssüflər olsun.
seyidova
MÜHAKİME,TENQİD ETME.beli kimse kimise mühakime etmeye haqqı yoxdu.Ruslar demiş Только Бог может судить нас.Heç kim geleceyinde siğortalanmayıb.mövzu çox yaxşıdı teşekkürler.