20 sual,20 cavab..

1-İnsanların ən varlısı olmaq üçün nə etmək lazımdır?

-Qənaətkar olsan,insanların ən varlısı olarsan.

2-Ən xeyirli insan kimdir?

-İnsanların ən xeyirlisi,insanlara ən faydalı olandır.

3-Kimə ən ədalətli insan demək olar?

-Özü üçün istədiyini başqaları üçün də istəyənə.

4-Allahın ən sevimli bəndəsi olmaq üçün nə etmək lazımdır?

-Allahı ən çox zikr edən insan Allahın ən sevimli bəndəsidir.

5-Ehsan sahibi (yaxşı əməl sahibi) olmaq üçün nə etmək lazımdır?

-Allaha Onu görürmüş kimi ibadət etsən,ehsan sahibi (yaxşı əməl sahibi olarsan)

6-Kamil iman sahibi olmaq istəyən nə etməlidir?

-Gözəl əxlaqlı olmalıdır.

7-Nur içində həşr olmaq (dirilmək) üçün nə etmək lazımdır?

-Heç kimə zülm etməyən nur içində həşr olar (dirilər).

8-Kərəm sahibi (hörmət sahibi) olmaq istəyən nə etməlidir?

-Allaha qullarını şikayət etməsən,kərəm sahibi(hörmət sahibi) olarsan.

9-Ruzinin bol olması üçün nə etmək lazımdır?

-Təmizliyinə riayət edənin ruzisi bol olar.

10-Başqalarının yanında alçalmaq istəməyən nə etməlidir?

-Namusunu qoruyan başqalarının yanında alçalmaz.

11-İnsanların ən mərhmətlisi olmaq üçün nə etmək lazımdır?

-Özünə və insanlara mərhəmət et ki,Allah da sənə mərhəmət etsin.

12-Allah və Peyğəmbər tərəfindən sevilmək istəyən nə etməlidir?

-Allah və Peyğəmbərin sevdiklərini sevməli,sevmədiklərini sevməməli.

13-Günahların azalması üçün nə etmək lazımdır?

-Günahların bağışlanması üçün Allaha tövbə edənin və yalvaranın günahları azalar.

14-Duaların qəbul olunmasını istəyən nə etməlidir?

-Haramlardan çəkinənin duaları qəbul olar.

15-Ayıbların gizli qalması üçün nə etmək lazımdır?

-Din qardaşlarının ayıblarını örtsən,Allah da sənin ayıblarını örtər.

16-Günahları nə silər?

-Göz yaşları və xəstəliklər.

17.-Hansı yaxşılıq daha fəzilətlidir?

-Gözəl əxlaq,təvazö,bəlaya səbr,qəzaya riza...

18-Allahın qəzəbindən xilas olmaq üçün nə etmək lazımdır?

-Heç kimə qəzəb bəsləməyənə Allah da qəzəb bəsləməz.

19-Allahın qəzəbini nə söndürər?

-Sədəqə vermək və qohumları ziyarət etmək.

20-Ən böyük günah nədir?

-Pis əxlaq.


P.S.Cavablar Hədisi-Şəriflərdən götürülmüşdür...

6 şərh

ORIGINAL
Başa düşmədim!öz əllərimlə jurnaldan yazdığım bu yazıya kim nə haqqla minus verib?!
ORIGINAL
Əsdəfurullah,adi şərhimə də minus verildi.Kimdisə yazsın please."Öz əllərimlə yazmışam" deməkdə məqsədim copy-paste-dan istifadə etmədiyimi bildirməkçündü.Bu şərhimə də naməlum adam minus versə təəccüblənmərəm…
lala_askerova
Nə gözəl məqalədir )) Original qəm eləmə 1 minusdan sənə heç nə olmaz fakt məqalələrin çox maraqlıdır və seciləndir))
ORIGINAL
lala_askerova,diqqətinə görə təşəkkürlər.Çox sağol))
burla xatun

Mən minus verməmişəm amma aşağıdakı suallara minus verməmək mümkün deyil:


9-Ruzinin bol olması üçün nə etmək lazımdır?


-Təmizliyinə riayət edənin ruzisi bol olar.


16-Günahları nə silər?


>-Göz yaşları və xəstəliklər.

ayxansevda
9 və 16 yazılanlar hədisdəndir, belə hədis oxumuşam təmizlik ruzini artırır, xəstəlik günahların kəffarəsidir.