Рейтинг
+16.72

Avtomobil dünyası

24 üzv, 126 topik

Yanacağa necə qənaət etməli?

Benzinin qiymətinin artdığı vaxtlarda ona necə qənaət edilməsi barədə tez-tez düşünürük. Yanacağa qənaət etməyin yolu piyada gəzməkdən keçir. Əlbəttə, bu, bir zarafatdır.

Saz avtomobil qənaətin birinci şərtidir. Yanacağa qənaət etmək üçün avtomobilin hissələrinin yaxşı işlədiyinə daim diqqət etməlisiniz.

İkinci şərt avtomobillərin hava, yanacaq filtrlərini tez-tez yoxlamaqdır. Çirkli filtrlər 4 faiz artıq yanacaq sərfiyyatı deməkdir.

Davamı →
 

Avtomobil alanlara 8 məsləhət

Yeni avtomobil almağın sevinci alqı-satqı prosesində müştərilərə bəzən məqamları unutdurur. Bu hal daha sonra müştəri ilə avtomobil salonları arasında müəyyən problemlərə səbəb olur. Avtomobil ekspertləri bildirirlər ki, maşın alarkən bir sıra məqamlar var ki, onlara diqqət yetirilməlidir.

Avtomobili baha almamaq üçün məbləğ əvvəlcədən ödənilməlidir
Avtomobil eksperti Eldəniz Cəfərli bildirir ki, fevral ayı ərzində avtomobil almaq məqsədəuyğundur. Çünki yeni avtomobil modelləri adətən yaz aylarından etibarən satışa çıxır. Bu isə o deməkdir ki, yazda gətirilən maşınların qiyməti 5-7% bahalaşacaq. Ekspert hesab edir ki, yeni modelləri daha sərfəli qiymətə almaq istəyənlər sifariş üçün müqavilə bağlanan zaman avtomobilin dəyərini tam olaraq ödəməlidirlər. Məsələn, müştəri avtomobili 40 min manatlıq maşın üçün 1000 manat ödəyib sifariş edir. Məbləğin qalan hissəsini sifarişin yerinə yetirilməsindən sonraya saxlayır.
Davamı →
 

Üstünlük nişanları

Ölkəmizdə tətbiq olunan yol nişanlarının 2-ci qrupu üstünlük nişanlarıdır. Üstünlük nişanları nizamlanmayan yolayrıclarını, hərəkət hissələrinin kəsişmə yerlərini və yolun daralan yerlərini keçmə növbəliyini müəyyən edir. Bu nişanlar svetofor işləmədiyi təqdirdə keçmə növbəliliyini müəyyən etmək məqsədi ilə svetofor obyekti olan yolayrıclarına da quraşdırılır.

Lakin hər bir sürücü bilməlidir ki, üstünlük nişanları, svetofor siqnalları və nizamlayıcının siqnalları bir-birinin alternatividir. Ona görə də keçmə növbəliliyini müəyyən edən digər iki vasitədən – nizamlayıcının siqnallarından və ya svetoforun siqnallarından hər hansı biri olduqda, yəni yolayrıcı və ya hərəkət hissəsinin kəsişməsi, yaxud yolun dar sahəsi nizamlayıcı tərəfindən və ya svetoforla tənzimləndikdə üstünlük nişanları nəzərə alınmır. Bu barədə birbaşa norma «Yol hərəkəti haqqında» Konvensiyanın 5-ci maddəsinin 2-ci bəndində nəzərdə tutulub. Başqa sözlə, normal rejimdə işləyən svetofor və ya hərəkəti tənzimləyən nizamlayıcı (polis işçisi) varsa, üstünlük nişanları qüvvədə deyil.
Davamı →
 

Avtomobillər haqda maraqlı məlumatlar

Bir düşünək, bu gün avtomobillər olmadan yaşaya bilərikmi? Əlbəttə ki, yox! Çünki onlar həyatımızın tərkib hissəsinə çevriliblər. Müasir insanın bir növ köməkçisinə çevrilmiş avtomobillərin də maraqlı tarixi və inkişaf mərhələsi olub.

Elə bu “köməkçi” haqqında bilməyimiz lazım olan bəzi maraqlı faktlar da var:
İlk avtomobillərdə dairəvi sükan olmayıb – sürücülər avtomobili rıçaqın köməyi ilə idarə edib.* Təhlükəsizlik yastığının sürəti bir saniyədə 5000 km/saata çatır. Təhlükəsizlik yastıqları elə hazırlanıb ki, toqquşmadan sonra 40 millisaniyə ərzində açılırlar.

Ferrari bir gündə 14 avtomobil istehsal edir. Beləliklə, hər gün 14 Ferrari superkarı işıq üzü görür!

Tata Nano dünyada ən ucuz avtomobildir. 2500 ABŞ dollarına.
Davamı →
 

Avtomobil sürməyə yeni başlayanlara məsləhətlər

Hər gün yüzlərlə insan sürücülük vəsiqəsi alır və öz avtomobilinin sükanı arxasına keçəcəyi və yol hərəkətinin tam hüquqlu iştirakçısına çevriləcəyi anı həyəcanla gözləyir. Amma avtomobil məktəbindəki təlim gələcək sürücülər üçün zəruri olan biliklərin yalnız kiçik bir hissəsini verir.

 Avtomobil həvəskarının əsl avtomobil sürücüsü olması və sükan arxasında özünü inamlı hiss etməsi üçün o, bilavasitə yolda hərəkət zamanı çox şeylər öyrənməlidir. Bu məqalədə biz avtomobil sürməyə yeni başlayan sürücülərin işini bir qədər asanlaşdırmaq üçün onlara avtomobilin idarə olunması ilə bağlı bir neçə məsləhət verəcəyik.
Davamı →
 

Yol nişanları

Apardığımız araşdırma və müşahidələr göstərir ki, ölkəmizdə yol hərəkəti qaydaları ilə bağlı çox ciddi məlumatsızlıq problemi var. Özü də həm sürücülər, həm də ən kütləvi hərəkət iştirakçıları olan piyadalar arasında qaydalardan xəbərsizlər çoxdur.

Son illər bu məsələlərdə bir balaca tərpəniş müşahidə olunsa da, cəmiyyətimizdə yol hərəkəti qaydalarına kütləvi maraq hələ ki, qənətbəxh deyil. Məsələn, otuz il stajı olan sürücünün geniş yayılmış adi yol nişanının mənasını bilməməsi çox düşündürücüdür. Belə halları nəzərə alaraq, Avtosfer.az saytında silsilə şəkildə yol hərəkəti qaydalarının izahı ilə bağlı yazılar dərc etmək qərarına gəldik. Bu işi yol nişanlarından başlamağı məqbul sayırıq.

Bugünkü ilk yazımda yol nişanlarının mahiyyəti, əhəmiyyəti və tarixi barədə ümumi məlumatı nəzərinizə çatdırmaq istəyirəm. 

Davamı →
 

Maşınınızın rəngi nəyi bildirir?

Qara rəngli avtomobil
Qara rəng «statusun» göstəricisidir, qara avtomobili adətən öz möhkəmliyini və yüksək səviyyəsini göstərməyə çalışanlar idarə edir. Amma çox vaxt bu rəng onların xasiyyətinə heç də uyğun gəlmir, ona görə ola bilər ki, dünya ilə nifaqda olan və ya diqqət və sevgidən məhrum olanlar bu avtomobilləri seçsin.

Ağ rəngli avtomobil
Ağ rəngi mühafizəkarlar və qanundan çıxmayan vətəndaşlar seçirlər. Qadınlar bu halda hesab edirlər ki, ağ avtomobildə onlar daha gənc görünürlər. Ağ rəng heç kimdə qıcıqlanmaya səbəb olmur, bundan başqa istilər zamanı belə maşın daha az qızır. Çox vaxt belə maşınları başqa seçim olmadığı halda seçirlər və sonra heç də məyus olmurlar.

Boz və gümüşü rəngli avtomobil
Praktiklərin və pedantların rəngi sayılır. Gümüşü avtomobillərin sahibləri öz qaydaları üzrə yaşayır və heç vaxt onları pozmurlar. Onlar maşını həmişə saz vəziyyətdə saxlayırlar, daim texniki baxışdan keçirlər. Boz rəngi həmçinin nəzərə çarpmaq istəməyən insanlar seçir ki, özlərini dünyadan gümüş qalxan ilə qorusunlar. Həm də gümüşü avtomobillərdə toz və ləkələr gözə çarpmır!
Davamı →
 

Bakıdan rayonlara qədər məsafə

Paytaxtdan rayona gedəndə yolun uzunluğunu çox vaxt bilmirik.
Düzdür, Google Maps ilə dəqiq məsafəni tapmaq olur,amma bəzən internet olmur. Heç taksi şoferləri və maşın sürənlərin özü belə çox vaxt mesafeni deqiq bilmir.

Ağdam — 378 km
Ağdaş – 240 km
Ağcabədi – 360 km
Ağstafa – 457 km
Ağsu — 155 km
Astara – 313 km
Balakən – 419 km
Davamı →
 

Henri Ford

Dünyada ilk avtomobilin yaradıcısı Henri Ford 30 iyul 1863-cü ildə ABŞ-da, Miçiqan ştatında anadan olmuşdur. Atası Uilyam Ford İrlandiyalı emiqrantlardan idi. Henri Ford ilk təhsilini adi kənd məktəbində almışdır. Henri Fordun atası fermer idi. Lakin küçik Henrinin fermer işinə həvəsi yox idi. O daha çox texnika ilə maraqlanırdı. Atası Henrini öz davamçısı kimi görürdü. Henri Ford özünün «mənim həyatım və nəaliyyətlərim» kitabında xatırlayır: «Mən fermer işi ilə maraqlanmırdım, atam isə mənim texnikaya olan həvəsimi görsə də, bu fikirləri yaxın buraxmaq istəmirdi. 17 yaşımda məktəbi qurtarıb Draydok adlı qəsəbədə mexaniki emalatxanada usta yanında şagird kimi işə başladım».
Davamı →
 

Lui Reno

Luinin məktəb illərində böyük uğurlar qazandığını söyləmək olmaz, belə ki, onun gündəliyində “qeyri-kafi” qiymətlərinə heç də az-az təsadüf olunmurdu. Amma texniki sahədə o, çoxsaylı bacarıqlarını nümayiş etdirə bilirdi. Adətən Luini texniki işlərlə məşğul olmağa… tənbəllik vadar edirdi. Məsələn, o, kerosin lampasını yandırmaq üçün yatağından qalxmağa ərinirdi. Bina görə də qalvanik batareya düzəltmişdi. İndi yatağından qalxmadan ipi dartmaq kifayət idi ki, plastinlər turşu məhluluna daxil olsun və 4 şamlı lampa otağı işıqlandırmağa başlasın.
15 yaşında ikən Lui bir həftə dərsə getmədiyinə görə direktor onu bərk danladı, amma bu onu məyus etmədi. O, həmin müddəti Ruana yollanaraq tanışı olan ocaqçının köşkündə lokomotiv düzəltməyə sərf etmişdi. Bu, Luinin ocaqçılıq elmini mənimsəməsinə və buxar maşının iş prinsipini dərk etməsinə kifayət etdi.
Davamı →