Dahilər və şahmat
Firdovsi, Nizami, Məhsəti Gəncəvi, Ömər Xəyyam, Dante, Höte, Volter, Puşkin, Turgenev, Brext, Hemenquey, Qaliley, Nyuton, Leybnits, Mendeleyev, R.Ştraus, E.Karuzo, Rimski-Korsakov, Lenin və başqaları çılğın şahmat həvəskarı idilər.
Məlumdur ki, görkəmli fizika alimi L.O.Landau şahmat oyununu sevir və oynamağı bacarırdı. Buna baxmayaraq, onu şahmat oynamağa dəvət edənlərin təklifindən imtina edirdi. O eşidəndə ki, məşhur ingilis fiziki Zommerfald öz tələbələrinə şahmat oynamağı qadağan etmişdir, bunu xüsusi rəğbət hissi ilə alqışladı. Yəqin ki, bu elmi işlə məşğul olanların əsas işlərindən yayınmaları ilə əlaqədardır.
Məşhur şahmatçı Morfi yazı taxtasına baxmadan eyni zamanda 3 oyunçu ilə, rus şahmatçısı Alyoxin 32 nəfərlə, Argentina qrossmeysteri Miquel Naydorf 45 oyunçu ilə oynamışdı.1960-cı ildə macar şahmatçısı idman ustası Yanoş Freş şahmat taxtasına baxmadan 52 oyunçu ilə oynamışdır. Ona qarşı 4 nəfər ustalığa namizəd, 12 nəfər birinci dərəcəli, digərləri isə 2-ci və 3-cü dərəcəli şahmatçılar oynamışlar. Yanoş Freş bu oyunlardan 31-ni udmuş, 18-ni heç-heçə qurtarmış, yalnız 3 oyunu uduzmuşdur. Bu seans 13 saata yaxın bir müddət ərzində keçirilmiş, cəmi 4 dəfə 10 dəqiqəlik tənəffüs verilmişdir. Bu oyun zamanı o, 6 kq qədər çəkisini itirmişdir.
D.İ.Mendeleyev çox ehtiraslı şahmat pərəstişkarı və oyunçusu idi. O, yazırdı: «Mənim üçün elm - şahmat oynamaq kimidir. Odur ki, vaxtı bu cür əyləncələrlə keçirmək xoşuma gəlir.»
Fransa kralı XIV Lüdovik (1638-1715) bir dəfə şahmat oynadığı zaman üzünü hersoq Qrammona tutaraq demişdir: «Siz hakim olun, oyunun vəziyyətini müəyyən edin. - Əlahəzrət, siz oyunu uduzmuşsunuz» - deyə hersoq oyun taxtasına baxmadan cavab vermişdir. Kral ona: «Siz oyun taxtasına baxmadan, hökm yürüdürsünüz» - deyə etiraz edərkən. Hersoq: «Əlahəzrət, baxıb-baxmamağın fərqi yoxdur. Siz uduzmuşsunuz. İnandıraram sizi ki, əgər bir balaca sizin xeyrinizə olsaydı indi hamı vəcdə gələrək, sizi qabiliyyət münasibətilə təbrik edərdilər!» - demişdir.
23 şərh
Online, Live ya da VC (Vote Chess) — Şahmat oynamaq istəyənləri chess.com saytına dəvət edirəm. Qeydiyyatdan keçmək o qədər çətin olmamalıdır, sonra da məni — BayBak tapmağa çalışın ya da mən özüm sizi tapacağam :)
Nizami, Məhsəti Gəncəvi şahmat oynamağı sevdiklərini bilirdim, ancaq daha çox məlumat istərdim. Hər halda bu sayt da nadir hallarda göründüyü kimi çox savadlı hazırlandığı üçün bəyəndim!
Teymur Rəcəbovun şahmat fonunda verilmiş şəklini tapın qoyum.İnanmıram ki,bu şəkildən gözəl birisini tapasınız.
Arzt,tapmısansa şəkli yerləşdir şərhdə. Kasparovun bir tərəfinin erməni olması onun dahi olmadığı demək deyil. Şəkil uğurlu alınıb. Kayzen insanlardan qarşılıqlı hörmət tələb edir,onsuz da az olan istifadəçilər bir-birini qırmasın.
Şahmatçı kimi güclü ola bilər.Amma dahi deyil.Onun haqqında vikipediya belə yazır:O bütün dövrlərin ən güclü şahmat ustalarından biridir. Yəni ən güclüsü deyil. Botyvinniki və ya Fişeri dahi saysaydız razılaşardım! Amma Qarik dahi deyil.Dahi adam özünü alçaldıb, bizim müxalifət kimi çöllərə düşməz və mitinqlərdə əli ətə çatmayan pişiklər kimi Rusiyanı pisləməzdi!
+ Rekordlar kitabında da onun daı yalnız ən uzun matç və ən cavan çempion(lakin Ruslan Ponomaryov ondan 4-yaş cavan olub). Yeganə olaraq məğlub olmayan şahmat ustası Alyexin sayılır. Ən çox dünya çempionu olmauş şəxs Botvinnik!
Kayzenin ən aktiv 20 yuzerinə şəhərin ən yaxşı restoranında yiyib-işmək məndən))
Bizimkilərin FİDe-də reytinqi güclüdür,amma özləri nəsə mühüm bir şeyə nail ola bilmir.
Yeri gəlmişkən,Levon Aronyan reytinqdə bizimkilərdən üstündür:-(((
Hal- hazır ki Amber çempionatında Vüqarın 8.5 xalı var. bu hələlik çox gözəl nəticədir. Aronianın isə 7 xalı var. Bu cür çempionatlarda fidenin çox da önəmi yoxdu
O ki qaldı Amber chempionatına,elə dediyinz Aronyanla bir görüş heç-heçə,birisini isə uduzub! Keçən il də hansısa bir çempionatda 15-ci yer tutmuşdu. Vüqar artıq üidləri doğrultmur.