Рейтинг
+22.47

Evdarlıq

20 üzv, 117 topik

Jalüz pərdələrin təmizlənməsi

Həm tül, həm də günəşdən qoruyucu olaraq istifadə edilən jalüz pərdələr olduqca praktik ev əşyalarıdır. Hazırlandığı məhsuldan dolayı çox tez-tez kirlənməzlər. Toz tutmayan xüsusi ipliklərdən hazırlanır. Tez-tez hərəkət etdirildiyi üçün üzərində asanlıqla toz toplanmaz. Ancaq buna baxmayaraq, 2-3 həftədən bir üzərindəki tozu təmizləmək lazımdır.

Jalüz pərdənin üzərindəki tozu təmizləmək üçün tozsoranın nazik ucundan istifadə bilərsiniz. Bundan başqa spirtsiz nəm salfetlərdən istifadə edin. Spirt pərdənin rəngini aça bilər.

Pərdələrin istifadə edildiyi yerlərdən asılı olaraq kirlənməsi də fərqli olur. Mətbəxdə havalandırma olmadığından istifadə edilən jalüz pərdələr tez kirlənə bilər.

Noxudun tez hazırlanması


Noxud bizim gündəlik yeməklərimizdə tez-tez rast gəlinən məhsuldur. Və bir çoxları bilir ki noxudu bişirmək çox vaxt tələb edir. Lakin bəzi sadə məsləhətlərin köməyi ilə bu prosesləri bir qədər tezləşdirmək mümkündür.

1. Yarılmış noxud daha tez qabarır və bişir. Beləliklə, vaxta qənaət etmək üçün çalışın yarılmış noxudlardan istifadə edəsiniz. Müqaisə üçün: yarılmış noxudun bişmə vaxtı 45 dəqiqədən bir saata qədərdir, yarılmamış tam noxudun bişmə vaxtı isə bir saatdan iki saata qədər davam edə bilər.
Davamı →

Evin havasını təmizləməyin yolları

Soyuq fəsillərdə evin havasını mikrob və infeksiyalardan təmizləmək xüsusilə vacibdir. Bununla biz özünüzü bir çox soyuqdəymə və infeksion xəstəliklərdən qoruya bilərik. İlk növbədə evin havasını tez-tez dəyişin, evin bütün səthlərini, qapıların dəstələrini və s. hər gün nəm əski ilə silin.

Bu sadə vasitələr havada mikrobların və virusların azalmasına kömək edir. Bəzi təbii vasitələr var ki, onlar evin havasında olan mikrob və infeksiyalara öldürücü təsir edir, evin havasını zərərsizləşdirir. Bu vasitələr arasında:

1. Sarımsaq və soğan güclü antiseptik və mikrobəleyhinə təsirə malikdir. Sarımsaq və soğanın efir yağları havanı çox yaxşı təmizləyir. 2-3 diş sarımsaq və 1 kiçik soğanı xırda doğrayıb kiçik nimçələrdə evdə qoyun.
Davamı →

Yemək bişirərkən edilən 5 səhv

Yemək bişirərkən resept nə qədər asan olsa da, bəzi məqamlara diqqət etmək lazımdır. Ehtiyacınız olan ərzaqlar qədər istifadə edilən bıçaq, qazan, tava kimi vasitələr da yeməyin ləzzətini təyin edir.

1. Resepti oxumadan işə başlamayın
Hazırlayacağınız yemək gözəyarı edəcəyiniz qədər sıravi yeməklərdən deyilsə və reseptə əsasən edəcəksinizsə, əvvəlcə resepti oxumalısınız. Reseptin başlanğıcından bəhs etmirik. Səhv etməmək, zaman itirməmək üçün yemək bişirməyə başlamazdan əvvəl resepti başdan sona qədər oxumaq lazımdır.

2. Zibil qabı
Zibil qapının yanınızda olması mətbəxdə dağınıqlığın yaranmasına mane olar. İstifadə etdiyiniz hər vəsaitdən sonra zibilləri atmanız sizin daha rahat hərəkət edə bilməyinizi təmin edər.
Davamı →

Cücərmiş kartofu istifadə etmək olarmı?


Mətbəxdə saxlanmaqdan cücərən kartoflara çox rast gəlinir. Mütəxəssislər bu cür kartofaları yeyərkən ehtiyatlı olmağa çağırır.

Kartof işığa çox məruz qaldıqda kimyəvi maddə olan sola istehsalına səbəb olur. Bu səbəbdən də kartoflar qaranlıq və sərin mühitdə saxlanmalıdır.

Kartoflar cücərdikdə nə baş verir?
Kartofa yaxından baxdıqda üzərində kiçik nöqtələr olduğunu görərik. Bu nöqtələr kök bağlarıdır. Yer üstündəki bitkilərdə bu bağlardan yeni yarpaqlar və budaqlar çıxır. Əgər kartofu da işıqlı yerdə saxlasanız, vaxt keçdikcə bu nöqtələrdən cücərtilər çıxar. Evdəki istilik səbəbindən yetişməsində günəş işığı da rol oynayır.
Davamı →

Hamam otağı üçün bitkilər


Ağ divarlar arasında soyuq duş almaq yəqin ki, sıxıcıdır. Elə isə təbiətlə əlaqə qurmaq vaxtıdır. Bu fikir sizi həvəsləndirəcək. Nəzərə alın ki, hər cür ev çiçəyini hamam otağında yaşada bilməzsiniz. Ona görə də seçiminizdə diqqətli olmalısınız.

Aloe vera
Bir ev klassiki olan aloe vera hamam otağınızda da yaşaya bilər. Yanıqlar, kəsiklər, zədə, böcək dişləməsi kimi bir çox dəri probleminə yaxşı təsir edən tibbi bitkidir. Mövsümi olaraq suvarılan, işıqlı və isti məkanlarda yetişən bitki növdür. Qulluq edilməsi olduqca asan, solması bir o qədər çətindir.

Azalea
Həm özü, həm də qoxusu gözəl olan azalea hamam üçün ən uyğun bitkilərdən biridir. Rəngli çiçəkləri ilə hamam otağınıza rəngarənglik qatacaq. Saxsıda yetişən azaleaya qulluq etmək də olduqca sadədir, yalnız gözəl və baxımlı görünməsi üçün bir az səy tələb edir. Qismən kölgədə böyüyür, ancaq yenə də bir az günəş işığına ehtiyacı var.
Davamı →

Dadlı fri kartof hazırlamaq üçün məsləhətlər

Kartofu yağa batırmazdan əvvəl salfetlə tamamilə qurutmağınız yaxşıdır. Əks halda su ilə təmasa girən yağ qızdıqca çırtlayıb sizi yandıra bilər.

Fri kartofunu hazırlayarkən rafinə edilmiş bitki yağlarına üstünlük verin. Bu zaman günəbaxan, zeytun, pambıq, qarğıdalı yağlarından istifadə edə bilərsiniz. Unutmayın ki, kartofda bu yağların dadını hiss edəcəksiniz.

Yağın lazımi temperaturadək qızdığını təyin etmək üçün 1 dilim kartofu tavadakı yağa salın. Əgər dərhal üzə çıxır, kənarlarında da qovuqcuqlar yaranırsa, deməli, əsl vaxtıdır. Ancaq belə olmursa, demək ki, yağın qızmasını bir qədər də gözləmək lazımdır.

Fri kartofunu hazır olduqdan sonra duzlamaq lazımdır, əks halda o, xırt-xırt olmaz. Yaxşı olar ki, kartofu boşqaba çəkib süfrəyə verərkən duzlayasınız.

Yaxşı ət bişirməyin yolları

Hər kəs yumşaq ət yemək istəyir. Bəs bu cür ət necə bişirməliyik? Ətin suyunu itirmədən bişirməyin 6 üsulunu bilməklə mətbəxdə daha səriştəli olacaqsınız.

Qaynatma üsulu
Ən təsirli və dadı gözəl olan üsullardan biri qaynatmadır. Ətin qida dəyərini və dadını itirməməsi üçün çox təsirli bişirmə növüdür. Qaynatma digər bişirmə üsullarına nisbətən daha asan həzm olunur.
Əti qazanda qaynamış suya atın, zəif odda bir müddət qaynadın. İstiliyin çox yüksək olmamasına diqqət edin, əks halda ət bərkiyər. İstəsəniz içinə kök, kartof, soğan kimi sevdiyiniz tərəvəzlər və ədviyyatlar əlavə edə bilərsiniz.

Qızartma üsulu
Əti qızardaraq bişirmək çox yağlı olduğu üçün digər üsullara nisbətən sağlam hesab edilmir. İstər az yağda qızardın, istər bol yağda, yağı neytral və yüngül olmalıdır. Qızartmaq üçün ən ideal dərəcə isə 200-250 arasıdır.
Davamı →

Pomidorun müxtəlif üsullarla qışa saxlanılması


1.
Tam yetişmiş, sağlam pomidorların qabığı soyulur. Bunun üçün pomidorların üstünə əvvəlcədən qaynaq su töküb 20 dəqiqə saxlamaq lazımdır. Soyulmuş pomidorlar 1 litrlik bankalara yığılıb üzərinə 1 xörək qaşığı duz tökülür. Bankanın qapağı örtülüb qaynar suda 15-20 dəqiqə sterlizsiya olunur.

2. Pomidor və qırmızı bibər eyni miqdarda götürülüb yuyulub təmizlənir. Ət maşınından keçirilib dərin və qalın qazanda bişirilib bankalara doldurulur. Ehtiyat tədbirləri məqsədilə 5-10 dəqiqə sterlizasiya olunur.
Davamı →