Elektrik enerjisinə qənaət

Ailə büdcəsində xərc payı yüksək olan elektrik enerjisindən hansı üsullarla daha az istifadə etmək olar sualı demək olar ki, hamını düşündürür. Bu baxımdan enerji səmərəliliyi, enerjiyə qənaət istiqamətində bir sıra tövsiyələri təqdim edirik.

• İşıqlanmada 100, 75, 60 və 40 Vattlıq lampalarını 25 Vt və daha aşağı vattlıq LED (diod) lampaları əvəz edin. Bilin ki, lampaların dəyişdirilməsinə bir dəfə vəsait qoymaqla sərf olunan elektrik enerjisinin 80 faizə qədər qənaət etmək olar. Mütəxəssislərin fikrincə, enerjiyə qənaət edən və ekoloji baxımdan təhlükəsiz olan müasir işıqlandırma vasitələrinin tətbiqi və istifadəsi zərərli maddələrin, o cümlədən karbon-dioksid qazı tullantılarının faizinin azalmasına gətirib çıxarır. Deməli, bu dəyişiklik həm ailə büdcəsi, həm də ailə üzvlərinin saglamlığı üçün sərfəli və faydalıdır.

• Dəhlizlərdə, eyvanlarda səsə həsas olan işıqlandırma vasitələrindən istifadəyə üstünlük verin.

• Enerji yığan akumulyatorlu mobil telefonları və digər elektrik cihazlarını doldurarkən onları uzun müddət ştepseldən (razetka) asılı vəziyyətdə buraxmayın, şəbəkədən ayrılma zamanı isə kabeli bibaşa ştepseldən çıxarın. Mobil telefonlarınızı USB kabelləri vasitəsilə bilgisayarlardan doldurmağa üstünlük verin. Eenerji mənbəsinə qoşulan bilgisayda işləyərkən onu müəyyən müddətdən sonra ştepseldən ayırın. Batareya enerjisini qorumaq üçün telefonlarınızın Power saver və Sleep mode xüsusiyyətlərindən də istifadə edin.

• Məişətdə işlədilən enerji avadanlıqların iş rejimlərini yaxşılaşdırmaq məqsədilə enerjiyə qənaət edən A+++, A++, A+, ECO + enerji sinfinə aid edilən cihazların alınmasına üstünlük verin. Məişətdə işlədilən enerji avadanlıqları (paltaryuyan, qabyuyan və sair) normadan aşağı yükləməklə işlətməyin. Onları işlədərkən təlimatla tanış olun və enerji sərfi aşağı olan rejimlərdən istifadə edin. Elektroçaydandan istifadə edərkən onu lazım olan qədər su doldurub qaynadın. Artıq suyun qaynaması da çox enerji aparır.

• Kompüterlərdə işləyərkən, kitab oxuyarkən, yazı yazarkən otaqda bütün işıqlandırma sistemindən istifadə etməyin, imkan yarananda kənar işıqlandırma lampalarını söndürüb stolüstü elektrik işıqlandırma lampalarına üstünlük verin.

• Müstəqil enerji mənbələri yaradan və günəş enerjisi ilə işləyən elektrik avadanlıqlarının alınmasına üstünlük verin.
 

1 şərh

azadmamedov90
Enerji hesablamq üçün düstur ( bilməyənlər üçün) .
Hır bir istifadə olunan cihazın və ya lampanın üzərində və ya *Passportunda-istifadə kitabçasında- bu haqda qeyd olunur.
60 / 1000= 0.06 kW Əgər 60 Vattlıq bir lampa və ya 15 vattlıq hər hansı bir cihazı hesablayırıqsa, 1000-ə bölürük.
15 / 1000=0.015 kW
Gün ərzində təqribən 6 saat işlədiyini nəzərə alsaq onda bir ay ərzində;
30 gün/ay  * 6saat/ gün = 180 saat /ay
Və cihazın 0.06 kW olduğunu bilirik ;
0.06 kW * 180 saat /ay — 10.8 kWsaat / ay
Yəni 60 vattlıq bir cihaz bir ay ərzində təqribən 11 Kvatt saat işlədir, bunu da pula çvirsək;
11 Kvts*  0.11 manat = 1.21 manat kvts
1 manat 21 qəpik istifadə edir.
Əgər bir saçqurudan feni hesablasaq;
2500 Vatt = 2.5 kVtt
450kVt/saat /ay * 0.11 man=49 manat.( hər gün altı saat üçün )
Və ya hər gün 3 saat, həftədə 3 gün, ay ərzində 4 dəfə olarsa;
3saat/gün * 3gün/həftə * 4 həftə/ay = 28 saat /ay
2.5 kVt * 28 =7.7 man/ay