İnkişaf etmək istəyənlər üçün maraqlı məlumatlar olan kollektiv bloq servisi
Bütün günü oturanlar, işdən qayıdandan sonra yemək yeyəndən sonra hərəkətsiz qalanların nəzərinə. Gündə sadəcə 15 dəqiqə idmanla orta hesabla 3 il daha artıq yaşaya biləcəyinizi bilirsiniz? Türk mətbuatının verdiyi məlumata görə, Tayvanda 400 min insan ilə 8 il müddətində aparılan araşdırma belə deməyə əsas verir.
Ətrafınızdakı insanlardan hansısa idman hərəkətlərini öyrənib məlumatsız halda onları təkrarlamanız əsas səhvlərdən biridir.
Vücudunuza uyğun olmayan idman hərəkətlərini etməniz sizi istəyinizə qovuşdurmayacaq.
Yüngül hərəkətlərlə idmana başlamadan qəfildən ağırlıq hərəkətləri etməniz əzələ deşilməsi, liflərdə zədələnmə, hətta qopmalara da səbəb ola bilər.
Buna görə də vücudunuzun ağır hərəkətlərə öyrəşdiyinə əmin olun.
İdman zamanı hansı əzələni hərəkət elətdirmək istədiyinizə zehni cəhətdən özünüzü alışdırın.
Diqqətinizi sadəcə idmana yönəldin və başqa bir şey düşünməyin.
İdman zamanı önəmli bir həcmdə su itkisi yaşanılır
İdmanda susamamanız üçün əvvəlcədən su içməlisiniz. İdman edərkən itirə biləcəyiniz suyun əvəzini ödəmək üçün yanınzda su saxlayın və tez-tez su için. Bunun sizə ziyanı olmaz.
Yeni idmana başlayanlar idmandan çox şey gözləyirlər, ancaq buna nail ola bilmirlər. Hədəflərinizi qarşınıza qoymağınız xəyallarınızın puç olmasını əngəlləyəcək
Əgər hər gün yüksək əhval ruhiyyədə, enerjili və sağlam bir həyat 
yaşamaq istəyirsinizsə həkimlərin sizə ilk məsləhəti idmanla məşğul olmaq olacaq.
İdmanala məşğul olmağın bizə nə kimi xeyirləri var? ABŞ-ın elm adamlarının uzun müddətli araşdırmalarından sonra idmanın insan orqanizminə olan təsirlərinin ancaq müsbət yöndə olduğu aşkarlanmışdır.
Beləliklə sizə idmanın insan orqanizmi üçün 7 əsas xeyirini təqdim edirik.
1. İdman əhvalı yüksəldir — bele ki, idmandan sonra insan özünü əvəlkindən daha yaxşı hiss edir. İdman narahatlığı və gərginliyi aradan qaldırır.
2. İdman Xroniki xəstəliklərin qarşısını alır-müntəzəm idmanla məşğul olmaq yüksək qan təzyiqini və qanda xolesterinin miqdarını nizamlayır.
3. İdman çəkinizi qorumağa kömək edir-müntəzəm idmanla məşğul olan zaman insan kalori itirir ki, bu da artıq çəkilərdən xilas olmağa kömək edir.
4. İdman ürəyin və ağ ciyərin funksiyasını gücləndirir-müntəzəm idman vucudu oksigenlə tam təmin edir damarlarda qan dövranını artırır.
5. İdman yuxusuzluğu aradan qaldırır.
6. Müntəzəm idman intim həyatı aktivləşdirir.
7. İdman təngnəfəsliyi aradan qaldırır.
1. Üzgüçülük zamanla ürək-damar və tənəffüs sistemlərini gücləndirən aerobik idman növüdür.
Məlumata görə erkən saatlarda ac qarına idman etmək artıq çəkini azaltmağa kömək edir. Səhər qalxdıqda 8 — 12 saatlıq aclıqdan sonra qanda dolaşan sərbəst yağ turşuları yüksək səviyyədə olur. Bu səbəbdən də ac qarına edilən yüngül hərəkətlər, üzmə, qaçış və velosiped məşqləri artıq yağları əridir.
Eyni zamanda səhər edilən idmanla günə müsbət başlamaq və iştahı nizamlamaq olar.
Ağır məşq proqramları əvəzinə uzun və davamlı məşqlər seçilməlidir. Beləcə məşqə olan adaptasiya və motivasiya orqanizmə daha çox fayda verir.
Lakin, artıq çəkidən əziyyət çəkməyənlər üçün bu vəziyyət fərqlidir. Çünki, səhər erkən oyandıqda gecə enerjisiz qalan orqanizm ac olur.
Buda idman etməyə və qidalanmaya təsir göstərir. Başqa sözlə naharda insan daha çox acır və normaldan çox qida qəbul edir.
Daha çox maddələr mübadiləsinin hərəkətli olduğu saatlarda idman etmək məsləhətdir.
Deyək ki, bütün günü işlə məşğul olmusunuz və sizin idmana ayıracağınız 1 dəqiqəniz belə yoxdur.
O halda axşam saatlarında idman edə bilərsiniz. Tədqiqatlara görə axşam saatlarında idman maddələr mubadiləsini sürətləndirir.
Hər insanın özünə uyğun bədən ritmi var. Bu baxımdan özünü yaxşı hiss etdiyi vaxtlar seçilməlidir.
Məsələn nahar fasiləsindən 1.5 — 2 saat sonra idman etmək faydalıdır.
İdmana yeni başlayanlarda isinmə hərəkətləri vacibdir.
Çünki, idman zamanı boyun və bel ağrıları yarana bilər. Bunu Türkiyəli mütəxəssis Dr. İbrahim Sun da bildirib.
Onun sözlərindən aydın olur ki, isinmə həkətləri pataloji xəstəliklərin, bel yırtıqlarının və ağrıların yaranmasını önləyə bilər.
Məlumata görə bel və boyun ağrısı ilə xəstəxanaya müraciət edən 10 xəstədən birində əzələ ağrısı olur. Onurğada dözmə gücü insana görə dəyişgən olduğundan, bu gücün fərqində olmadan aşılması boyun-bel nahiyəsində patoloji xəstəliklərə, bel yırtığı kimi ciddi problemlərə yol açır. Onurğaların ətrafında olan bağların cırılması isə oynaq diskini məcbur edərək yırtıqları inkişaf etdirir. Bunların olmaması üçün idmandan əvvəl mütləq isinmə hərəkətləri etmək lazımdır.
Bu gün Rusiyanın Soçi şəhərində XXII Qış Olimpiyadasının rəsmi açılış mərasimi keçiriləcək. Mərasim Bakı vaxtı ilə saat 20:14-dən etibarən başlayacaq. Açılışın keçiriləcəyi məkan “Fişt” olimpiya stadionudur. Bu dəfəki Olimpiyadanın simvolları ağ ayı, dovşan və bəbirdir.
Mərasimin 3 müxtəlif səhnədə olacağı bildirilir. Birinci səhnədə “Çox insan – 1 millət” devizi ilə Rusiyanın müxtəlif regionlarının simvolları nümayiş ediləcək. Açılışda “Buz altında əfsanələr” adlı proqram da göstəriləcək. Bu hissə orta əsrlər Rusiyasına həsr olunacaq. Həmin zaman 9 kilsə qülləsi təsvir ediləcək, rus xalq nağıllarının qəhrəmanları diqqət mərkəzində olacaqlar. Açılış mərasiminin axırıncı hissəsində ölkənin son tarixinə ekskursiya ediləcək.
Fitnesin bu növü 90-cı illərdə məşhur idi. İndi o artıq yeniən dəbə qayıdır, çünki zaman onun effektivliyini və təhlükəsizliyini sübut edib.
Şeypinq (ingilis sözü olan shape-dən götürülüb, “forma”, “forma vermək” mənalarında işlənir) – çəkinin azaldılması üçün məşqlər sistemidir. Bu, uzunmüddətli, lakin intensivliyi az olan məşqlər yolu ilə yağların yandırılması ideyasına əsaslanır. Bunun üçün şeypinqdə bütün bədənə deyil, konkret olaraq problemli bölgələrə yönəldilmiş kompleks məşqlərdən istifadə olunur. Hər bir hərəkət müəyyən bir əzələ qrupunu (ayrıca olaraq budu öndən, arxadan, kənarlardan və s. buna oxşar şəkildə) işlədir.
Amma zaman keçdikcə şeypinq öz yerini fitnesin daha inkişaf etmiş formalarına – aerobika və məşq (trenajor) zallarına verdi. Onlarla müqayisədə şeypinq çox darıxdırıcı və birmənalı təsir bağışlayırdı. Eyni zamanda şeypinqdə məşqlər az intensiv olduğuna görə bu yolla yalnız sərt pəhrizə (dietaya) riayət etməklə arıqlamaq mümkün olardı.
Bütün bu amillərə baxmayaraq, indi də bəzi fitness-mütəxəssislər şeypinq prinsipi üzrə qurulmuş hərəkətlər təklif edirlər. İş ondadır ki, onun tərkibinə daxil olan məşqlər digərlərində istifadə olunanlardan daha təhlükəsizdir. Burda hərəkətlərin əksəriyyəti döşəmədə və ya dayaq vasitəsilə edilir ki, bu da onurğa sütununa və ayaq damarlarına düşən təzyiqi azaldır. Müvafiq olaraq da, şeypinq daha çox arıqlamağa yenicə başlayan və həddən artıq kök olan və ya yaşı artıq 40-ı adlamış insanlara daha uyğun gəlir.
Düzdür, idman orqanizmi xəstəliklərdən qorumaqla yanaşı, sağlam saxlayır və bədən daha möhkəm və daha müqavimətli olur.
Lakin düzgün idman etmədikdə, daha doğrusu, idman edərkən qaydalara düzgün əməl etmədikdə orqanizm sağlamlıq əvəzinə xəstəlik, hətta, belə demək mümkünsə, şikəstlik tapır. Bir sözlə, idman etdikdə müəyyən qaydalara əməl etmək lazımdır. Elə isə bunun üçün nə etməlisiniz?
1. İdmana başlamazdan ən azı yarım saat əvvəl yemək-içməyi dayandırmalısınız. Çünki məşq əsnasında mədənin dolu olması məsləhət deyil. Əgər vaxtınız yoxdursa, aclığı aradan qaldırmaq üçün alma, banan və s. yeyə bilərsiniz.
2. Salona daxil olarkən çantanızda sizin üçün daha rahat olan idman paltarı və ayaqqabı olmalıdır.
3. İdmana makiyajsız başlayın. Çünki hərəkət edərkən bədən hərarətinin artması ilə əlaqədar makiyaj tərlə birləşərək dəriyə zərər verə, allergik dəri xəstəliklərinə, hətta qaşınmalara səbəb ola bilər.
4. Əvvəlcə, kiçik hərəkətlərlə bədənin, necə deyərlər, qızmasına nail olun. Qaçış lentinin üzərində keçirəcəyiniz bir neçə dəqiqə və ardından bir neçə aktiv hərəkət sizin üçün həyati əhəmiyyət daşıyır. Əgər bunu etməsəniz, şikəstliklər meydana çıxa bilər.