"OSKAR" 2015

ABŞ-ın Los Anceles şəhərində ilin ən böyük kino hadisəsinə sona çatdı.

ANS PRESS-in məlumatına görə, “Dolby Theatre” zalında Amerika kinoakademisyasının təsis etdiyi 87-ci ”Oskar” mükafatının verilmə mərasimində Hollivudun məşhur ulduzlarının, demək olar ki, hamısı iştirak edib. 

Film dünyasının ulduzlarından başqa «Oskar»da Ledi Qaqa, Con Leqend, Anna Kendrik, Rita Ora, Maroon 5, Ceniffer Hudson, Adam Levin, Cek Blek kimi məşhur müğənnilər səhnə alıb.

Ən yaxşı film nominasiyasında “Oskar” kino mükafatına meksikalı Alexandro Qonsalies İnyarritunun “Berdmen” kinosu layiq görülüb. Öz növbəsində bu dilm ən yaxşı rejissor işinə görə də “Oskar”a layiq görülüb. Bundan əlavə kinonun operatoru Emmanuel Libeski öz profil kateqoriyasında mükafata layiq görülüb.

Ən yaxşı əcnəbi film mükafatına polşalı rejissor Pavel Pavlikovskinin “İda” filmi layiq görülüb.

87-ci “Oskar” mərasimində ən yaxşı kişi aktyor “Stiven Xokinqin aləmi” filmində baş rol ifaçısı Eddi Redmeyn oldu. Ən yaxşı aktrisa isə “Hələ də Elis” filmində Alsqeymer xəstəsi olduğunu öyrənən müəllimə rolu ilə Culiana Mur olur.

“Oskar” həmişəki kimi siyasətdən də kənara çıxmır. Belə ki, Lora Poytrasın Edvard Snouden haqqında çəkdiyi “Vətəndaş-4” filmi ən yaxşı tammetrajlı dokumental film elan olunur. Rejissor mükafatı alarkən öz nailiyyətini bütün jurnalist tətqiqatı ilə məşğul olanlara həsr etdiyini bildirir.

MƏNBƏ ANSPRESS.COM


loading...
 

0 şərh