Son zamanlar “selfie” kimi tanıdığımız fotolar sosial şəbəkələrdə dəb halını alıb. “Selfie” sözünün mənası özü öz şəklini çəkmək, özü özünün fotoqrafı olmaq anlamına gəlir. Hamı tərəfindən böyük marağa, əyləncəyə səbəb olan “Selfie” fotolar daha çox “Instagram”, “Facebook”, “Twitter” ,“Google+”, “Linkedin”, “Foursquare”, “Picassa” və s. buna bənzər sosial şəbəkələrdə daha məşhurdur.

Sıravi insanlardan tutmuş, məşhur yerli və dünya siyasətçiləri, şou-biznes əhli “selfie” stilində şəkillər çəkir və onu sosial şəbəkələrdə paylaşırlar. Məsələn, çox danışılan “selfie”lərdən biri ABŞ prezidenti Barak Obamanın Afrika lideri Nelson Mandelanın anım mərasimində Danimarka və İngiltərə baş nazirləri ilə birgə çəkdiyi “selfie”si və həmin şəkilin sosial şəbəkədə paylaşması olub.

Əksər dillərdə elə “selfie” kimi deyilməsinə baxmayaraq, bununla bağlı Türkiyədə bu sözün Türkiyə türkcəsinə tərcümə olunması mövzusu da olmuşdur. Bunun üçün Türk Dil Qurumuna müraciət də olunmuşdu. Türk Dil Qurumu isə Qərb kökənli olan bu sözün Türkiyə türkcəsinə tərcümə olunması üçün heç bir təklif irəli sürmədi. Ancaq bununla bağlı Türk Dil Qurumu öz rəsmi facebook səhifəsində “selfie” sözünün tərcüməsi üçün insanlardan təkliflər gözlədilər. Təkliflər arasında e-hatırat, otofoto, kendintoplu, otoportre, kendimo və s. sözlər var idi. Bəziləri isə bu sözünü elə “selfie” sözü kimi qalmasını təklif etdi. Bu söz hətta Oxford İngilis Lüğətinin online versiyasına da keçən il salınmışdır.

Ardı →

1) Conatan Ceyms
Tutularkən yetkinliyə çatmamış yeganə haker. Ceyms 16 yaşında ABŞ müdafiə nazirliyinin kompüterlərindən birinə arxa qapı (backdoor) proqramı yerləşdirib, NASA-nın komputerlərindən 1,7 milyon dollarlıq proqram təminatı oğurlayıb. 10 il həbs cəzası alsa da, sonradan cəzası 6 aya düşürülüb və azad edilib. Kompüterlərə toxunması qadağan olunub.
2) Tsutomu Şimomura
«Ağ hakerlər» qrupuna daxildir. (Ağ hakerlər — hər cür proqramı, saytı, komputeri, şifrələri qıra bilən, lakin bundan sonra zəiflikləri sahibinə bildirərək, informasiyanın zərərli hakerlər qrupunun, məsələn, «qara hakerlər»in əlinə keçməsinə mane olurlar. «Qara hakerlər» qrupu isə ələ keçirdikləri məlumatları ya oğurlayır, ya da satırlar) Sıralamalarda ondan da öndə olan Kevin Mitniki hak etməsindən sonra məşhurlaşıb. Əslində Şimomura xeyli əvvəl ona qarşı eyni əməli törətmiş Mitnikdən intiqam alıb, bunu ABŞ Federal Təhqiqat Bürosunun (FTB) yardımı ilə gerçəkləşdirib. Hər cür telefonu modifikasiya etmək bacarığına sahibdir.

Ardı →

Sizin bu məqaləni oxuduğunuz zaman ərzində dünyanın müxtəlif yerlərində olan təxminən 300.000 insan öz sevimli sosial şəbəkəsində statusunu yeniləyəcək. Bu çox qəribədir. Bundan da qəribə olan isə, bu vaxt ərzində 8 milyona yaxın insanın bu statusları oxumasıdır. Biz 96% ehtimalla güman edirik ki, siz də hansısa sosial şəbəkədən istifadə edirsiniz. O zaman, sizi təbrik etmək olar, çünki bu sizi savadlandırır. Necə? Bu üsullarla:

1. Çox dost – çox ağıl
Beləliklə, nə qədər çox dostunuz varsa, siz o qədər ağıllısınız. Əsasən, sosial şəbəkələrdə çox dostu olan insanların beyin hissələri daha aktiv olur və onların ad və üzü yadda saxlamaq qabiliyyəti daha çox inkişaf edir.

Lakin alimlər hələ də bunun səbəbini dəqiq müəyyən edə bilməyiblər. Onların bəziləri Facebookda dostlarla ünsiyyətin beyin hissəciklərini inkişaf etdirdiyini, digərləri isə beyinlərinin bu hissəcikləri inkişaf etmiş insanların daha çox sosial olduğunu düşünür. Bunun üçün alimlər bir qrup Facebook istifadçisini uzun müddət ərzində izləyərək, onların beyinlərində olan dəyişiklikləri tədqiq edəcəklər.

Ardı →

Dünyada tüğyan edən sosial şəbəkələr arasında ölkəmizdə ən populyarlarının Facebook və Twitter olduğu danılmazdır. Facebook artıq kifayət qədər məhşurlaşsa da Twitter yeni dəbə gəlməyə başlayır.

Əksər insanlar isə Twitter və Facebookun təmamilə eyni, sadəcə dizayn və ad fərqliliyi olduğunu düşünür. Bəs görəsən Twitter və Facebookun nə kimi fərqi var? 

— Fikirlərinizi ifadə edə bilmək üçün Facebookda 420 olduğu halda Twitterdə 140 simvolluq imkanınız var.

— Facebookda tanınmayan bir qadının dostları o, gözəl xanım olduğu üçün çox ola bilər amma Twitter nə gözəllik, nə də yaraşıqlılıq təsir etmir.

— Facebookda fikirlərinizi “qeyd” vasitəsilə uzun-uzadı yaza bilərsiniz amma Twitterdə tam lakonik və intellektual olmalısınız.
Ardı →

1983-cü ildə Fred Koen adında bir tələbə Kaliforniya Universitetində proqramın yazılışıyla məşğul olurdu. Onun hədəfi proqramı yaratmaq idi, hansı ki, şəbəkələr üzrə parazitlər yayılacaqdı. Bu nailiyyət Fred Koendə çox tez baş tutdu.

  Və 11 noyabr tarixində o öz işinin nəticələrini öz rəhbərinə təqdim etdi.

   Ən birinci kompüter virusu UNİX-in nəzarəti altında VAX 11/750 sistemi idi. Bu sistemə  kompüter dünyasında məşhur olan Leonard Eldman rəhbərlik edirdi. Bu sadəcə olaraq bir nümunə forması idi. Eldman özü hazırda yayılmış kriptosistemin yaradıcısı idi, hansı ki, rəqəmli imzaların şifrləməsi üçün istifadə olunur. Amma sistemin strukturu amerika alimi Con fon Neyman tərəfindən yaradılmışdı.

Ardı →

«The Daily Mail» bildirir ki, 20 il əvvəl çəkilən foto internetə ilk dəfə yüklənmiş şəkildir. «Motherboard» saytı həmin fotonun tarixçəsini araşdırıb. Fotoqraf Silvano de Cennaronun çəkdiyi bu fotoda CERN-də çalışan xanımlar əks olunub.

 Qeyd edək ki, ilk saytı da CERN şirkətinin işçisi yaratmışdır. Sayt info.cern.ch adını daşıyır. O, 1991-cı il 6 avqustda tarixə düşərək ilk Web sayt yaradıcısı oldu.

"İnternetin atası" sayılan Tim Berners Li həmin dönəmdə CERN laboratoriyasında çalışırdı. Berns və onun qrupu internet şəbəkəsini yoxlamaq üçün bu fotonu ilk dəfə dünya veb şəbəkəsinə yükləmişdilər.

 Layihədə çalışmış Jan-Fransua Qroff danışır: «Rəhbərliyi CERN-in internetə qoşulmasına razı salmaq üçün virtual şəbəkənin nə qədər xeyirli olduğunu göstərməliydi. Bu səbəbdən də internetə yalnız ciddi kontent yükləmişdik. Lakin sonra qərara gəldik ki, əyləncəli nə isə edək».

 Fotonun «Photoshop»da işlənmiş versiyasının üzərində "«Les Horribles Cernettes» (CERN-in qorxunc qızları) yazılmışdı.

Davamı →

Giriş əvəzi. «Tanya» adını «tanış» sözünə görə həmahəng olduğundan yazdım, əslinə qalanda bu sözün yerində dünyada mövcud olan bütün qız adlarını göz önünə gətirə bilərsiniz. Yəni bütün kişilər Məryəmlərin, Vasilisaların, Annaların, Nataşaların, Elladaların tanışı olur.
Hər şey isə deyilənə və bilinənə görə tanışlıqdan başlayır. Öncə «privet», «merhaba», «hi», «salam» sözləri tanış olmaq istədiyin insana deyilir, sonra isə başqa sözlər.
Ardı →

Peşəkar axtarış həyata keçirmək üçün 16 tovsiyyə

1. Google axtarışından çıxarmaq

 

Hansısa sözün, simvolun və ya ifadənin axtarış tapşırığından istisna edilməsi üçün, onun qarşısında "-” (minus) işarəsi qoymaq kifayətdir. Məsələn, mən axtarış xanasında «Bloomberg -com»  frazasını daxil etdim və axtarış səhifəsində ödənilmiş reklam elanları istisna olmaqla heç bir Azərbaycan saytı  (.com) çıxmadı.  Halbuki website özü *.com domain-nindədir.  

2.Sinonimlərlə axtarış

Axtardığınız sözə yaxın mənalı sözlər tapmaq istəyirsinizsə "~” simvolundan istifadə edin. Məsələn siz axtarış xanasında "ən ~yaxşı filmlər -yaxşı" ifadəsini daxil etsəniz, onda səhifədə sizə təqdim olunan keçidlərin hamısının məzmunundakı sözlərin «yaxşı»-nın sinonimləri olduğunu görəcəksiniz. Amma keçidlərin heç birində yaxşı sözünün özü olmayacaqdır.

3. Qeyri müəyyən axtarış

Əgər siz axtarış üçün konkret açar sözünü müəyyən etməmisinizsə onda sizə "*” operatoru kömək edəcək. Məsələn «yaxşı*təsvir redaktoru» frazasını daxil etsəniz, sayt sizin üçün bütün növ təsvir redaktorlarını seçəcək, istər rəqəmsal, istər rastr və ya vektor qrafikalı təsvirlər və s.

4. Variantlardan seçim  axtarışı

"|” operatorunu istifadə edərək, Google-da eyni zamanda bir neçə ifadə qrupları üzrə axtarış etmək olar. Bu sizə bir neçə sözü müxtəlif yerlərdə əvəz etmək imkanı verəcəkdir. 
 Məsələn, «qələm | ədyal almaq ifadəsini» axtarış xanasında daxil etsəniz, sizə təqdim edilən saytlarda ya «qələm almaq», ya da "ədyal almaqdan" söhbət açılacaq.

5. Sözün mənası

Bu və ya digər sözün mənasını bilmək üçün, axtarış xanasına «define:” kəlməsini və iki nöqtədən sonra isə mənasını axtardığınız sözü daxil etmək kifayətdir.

6. Dəqiq üst-üstə düşmə

Əgər məhz axtarışa yazdığınız cümlənin və ya ifadənin eynisini tapmaq istəyirsinizsə, daxil etdiyiniz açar sözləri dırnaq işarəsi daxilində yazmaq bunun üçün yetərlidir.

7. Müəyyən sayt üzrə axtarış

Açar sözlərin axtarışını yalnız bir sayt üzrə həyata keçirmək üçün axtarılan frazaya »site:” formulunu əlavə etmək kifayətdir.

8. Əks keçidlər

Sizi maraqlandıran saytla bağlı keçidlərin yerlərini öyrənmək üçün, növbəti formulu - «links:” və onun ardınca isə sizi  maraqlandıran saytın adını daxil etmək yetərlidir.

9.Ölçülər  çeviricisi

Google axtarış saytı həmçinin istifadəçinin sorğusu əsasında ölçülərin konvertasiyasını həyata  keçirə bilər.  Məsələn siz bir kiloqramın neçə funt etdiyini bilmək istəyirsiniz. Onda müvafiq sorğunu daxil etmək kifayət edir: „1kq funtlarla“(1 kg in pounds).

10. Valyuta Çeviricisi

Rəsmi məzənnəyə əsasən valyuta kursunu öyrənmək üçün, axtarış xanasında növbəti sorğu formulunu yığırıq:  „1 [valyuta] in [valyuta]”

11. Şəhər üzrə vaxt

Əgər hansısa şəhərdə indi saat neçə olduğunu öyrənmək istəyirsinizsə, onda “time” formulundan istifadə edin və ardınca şəhərin adını yazın (bunu digər əcnəbi dillərdə də etmək olur).

12. Google kalkulyator

Google onlayn hesablama aparmağı da bacarır. Nümunəni axtarış xanasında daxil etmək kifayətdir və o, sizə cavabı hesablayaraq verəcəkdir.

13. Fayl növünə görə axtarış

Əgər sizə nəyisə məhz konkret fayl növü üzrə axtarmaq lazım gələrsə, onda Google-un xüsusi „filetype:” operatoru vardır bu faylın məhz həmin genişlənmə üzrə axtarışını təmin edir.

14. Keşlənmiş (yaddaşa salınmış) səhifənin axtarışı

Google-un özünün serverləri vardır ki,  burda o keş yaddaşına salınmış səhifələri saxlayır. Əgər sizə məhz bu lazımdırsa, “cached:” operatorundan  istifadə edə bilərsiniz.

15. Şəhər üzrə hava proqnozu

Google axtarış saytının təqdim etdiyi xidmətlərdən daha biri isə hava operatorudur. „weather” sözünü və həmin şəhərin adını daxil etmək kifayətdir ki, bu gün yağış yağmayacağından xəbər tutasınız.

16. Tərcüməçi

Sözü dərhal, axtarış saytından uzaqlaşmadan tərcümə etmək olar. Tərcüməyə görə aşağıdakı formula cavabdehdir: “translate [söz] into [dil]”

 

Mənbə: banker.az

eGo

Davamı →

Veb Server (en. Web-server) – istifadəçilərin Internetdəki Veb səhifələrə və digər verilənlərə daxil olmasına şərait yaradan xüsusi proqramlarla təmin olunmuş kompyuterdir. Veb-server informasiyaların saxlanılmasını, təşkilini və göndərilməsini təmin edir. Veb-server Veb-brauzerdən qəbul etdiyi sorğu əsasında soruşulan sənədin elektron surətini istifadəçiyə ğondərir. Belə sorğuların emal edilməsi və yerinə yetirilmə ardıcıllığı HTTP protokolu vasitəsilə yerinə yetirilir. Sənəd yüklənən zaman server həmin sənədin hər bir hissəsi ilə (mətn, ayrı-ayrı təsvirlər və multimediya obyektləri) ayrı-ayrılıqda birləşmə yaradır. Bu da Veb-serverin eyni vaxtda yüzlərlə brauzerdən sorğu qəbul etməsinə imkan verir. Veb-serverin əsas funksiyalarından biri sistemin təhlükəsizliyini təmin etməkdir. Veb-server ona daxil olan əvvəlki sorğular haqqında heç bir informasiya saxlamır.

Ardı →

İnternet şəbəkəsində istifadəçilərə mü əy yən informasiya xidməti göstərən vasitələr İnternet xidmətləri adlandırılır. Bu xidmət ləri iki qrupa bölmək olar: kommunikasiya xidmətləri və informasiya xidmətləri. Ən geniş istifadə olunan kommunikasiya xidmətləri ilə tanış olaq.
Elektron poçt. Elektron poçt ən geniş yayılmış şəbəkə xidmətidir. Elektron poçtun iş prinsipi adi poçtdan istifadə etmiş hər bir kəsə intuitiv olaraq aydındır. Şəbəkənin hostkompüterini məktubların çeşidləndiyi və poçt şöbələrinə paylandığı mərkəzi poçtamtla müqayisə etmək olar. Poçt şöbələrində hər bir abonent üçün poçt “qutusu” olur və ona ünvanlanmış göndərişlər həmin “qutuya” daxil olur. Elektron poçtun üstünlüyü onun ope rativliyində və rabitənin yüksək keyfiyyətindədir.
Ardı →