Bəxtiyar Vahabzadə yaradıcılığı vurğunlarından biri olaraq onun şeirlərini harda oxusam, altında imzası yazılmasa belə, o şeirə hopmuş Bəxtiyar ruhunun, Bəxtiyar çılğınlığının, Bəxtiyar duyğusunun, Bəxtiyar fəlsəfəsinin, ümumiyyətlə, Bəxtiyar baxışının dərinliyindən anlayıram ki, şeir ona məxsusdur. Və ya əksinə. Əgər o şeirin altında B. Vahabzadə adı yazılıbsa belə və ordakı misralar Bəxtiyar harayını mənə çağırışdırmırsa, şübhələnirəm.

Bu şeirdə də eləcə. Son 2 misraya qədər şeirin oxucuya aşıladığı mübarizlikdən, döyüşkənlik əzmindən, vətənə sevgi ehtirasından anlamaq olur ki, bu, əsl Bəxtiyar yaradıcılığına xas xüssiyyətlərdir. Amma sonuncu misralaırı oxuyanda bir az təəccübləndim.
Əvvəla Bəxtiyar poeziyasında mən heç vaxt nizamsızlığa rast gəlməmişəm. Onun sərbəst şeirlərində belə qafiyə duyumu, heca bölgüləri, ahəng düzümü öz səliqəsin, sırasın heç vaxt pozmur. Bu 2 misra isə həm dağınıqlığı, həm məna etibarı ilə Bəxtiyar ruhuna yaddır. İnanmıram ki, son 2 misra ona məxsus olsun.

Araşdırıb, doğrusun tapmaq, şairə aid deyilsə, ordan silmək lazımdır. Həmişə dediyim kimi, internetdə birinin səhvin təkrarlayıb yaymayaq. Doğrusun, düzgünün biz yazaq, yazaq ki, qoy bizdən kopiyalayıb, doğrunu yaysınlar.

Videonu necə yerləşdirim?