Рейтинг
+25.73

Kulinariya

25 üzv, 615 topik

Dietik pankek

Tərkibi:
2 yumurta
1 stəkan süd
1 xörək qaşığı bal 1 + 1/4 stəkan un
1 çay qaşığı soda
1 paket vanil və ya 1 xörək qaşığı vanil ekstraktı
1 xörək qaşığı darçın

Hazırlanma qaydası:
Bir qabda yumurta, süd və balı mikserlə qarışdırın. Un, soda, vanil və darçını ayrı bir qabda qarışdırıb yumurtalı qarışığa əlavə edin. Tavanı qızdırın, qarışıqdan 1 çömçə tökün və təxminən 2-3 dəqiqə ikitərəfli bişirin. İstəyə görə meyvələrlə və qızılağac siropu ilə xidmət edin. Nuş olsun!
 

Zefir

Tərkibi:
1 litr kefir
175 qr yağsız xama
1 stəkan şəkər tozu
2 x/q jelatin
2 stəkan su
yarım paket vanil

Hazırlanması:
Jelatini 2 stəkan ilıq suda 30-40 dəqiqə müddətində isladın. Sonra aşağı odda durmadan qarışdırıb, ocaqdan götürün. Soyumağını gözləyin. Bu müddətdə kefir, xama, vanil və şəkər tozunu mikserlə 5-6 dəqiqə qarışdırın. Jelatini kütləyə əlavə edib,5 dəqiqə də qarışdırmağa davam edin.

Hazır kütləni geniş siniyə töküb, soyuducuya qoyun. Tam soyuyub, bərkidikdən sonra, deserti ya bıçaqla ya da qurabiyə formaları ilə kəsib, süfrəyə verin. 
Davamı →
 

Çin börəyi

Lazım olan ərzaqlar.
1 ədəd lavaş
6 xörək qaşığı çox incə doğranmış kələm
1 ədəd soğan
1 ədəd kök
1,5 xörək qaşığı maye yağ
4 xörək qaşığı soya filizi
1 xörək qaşığı duz
 
Hazırlanması:
Bitki yağı geniş bir tavada qızdırın. Kələm, incə doğranmış soğan, rəndələnmiş yerkökü, soya sousu və duz əlavə edib 5 dəqiqə qovurun. Lavaşı dörd bərabər üçbucaq parçaya bölün. Hazırladığınız içliyi lavaşları geniş tərəfinə yayın. Qalın siqaret börəyi şəklində bükün. Börəklərin hər iki tərəfini də qızdırılmış bol bitki yağda qızardın. Süfrəyə isti təqdim edin. Nuş olsun!
 

Soğan mürəbbəsi

İnqridientlər:
2 kq soğan
2 stəkan şəkər tozu
1 stəkan zeytun yağı
1 çay qaşığı duz
3 xörək qaşığı alma sirkəsi
3 ədəd mixək.

Hazırlanması:
Soğanları ya əllə, ya da mətbəx robotunda kiçik şəkildə doğrayın. Qalın altı olan bir qazanın içərisində zeytun yağında soğanı öldürün və duz tökün. Soğanların rəngi şəffaflaşanda şəkər tozu əlavə edin və bir az qarışdırın. Mixək və sirkə əlavə edib, qazanın qapağı bağlayın və çox az odda bişirin. Bir boşqabın üzərinə bir çay qaşığı qədər qoyun, əgər axmırsa, demək, hazırdır.

Mürəbbə əvvəlcədən qaynadılaraq sterilizə edilən balonlara isti-isti yığılır və dərhal qapağı bağlanaraq soyuyana qədər tərs çevirilir. Nuş olsun!
 

Narlı tort

Lazım olanlar:
1 stəkan kərə yağı
2 stəkan rəndələnmiş tünd şokolad
5 ədəd yumurta
1 stəkan şəkər tozu
Yarım stəkan üyüdülmüş badam
Yarım stəkan un
1 çimdik duz

Kremi üçün:
150 ml hazır krem
100 qram tünd şokolad (xırda-xırda doğranmış)
1 yemək qaşığı şəkər tozu

Üzəri üçün:
Təzə nar dənələri.
Davamı →
 

Toyuq dolması

Lazım olanlar:
1 ədəd toyuq
 
İçi üçün:
1 stəkan yarım düyü
2 ədəd soğan
2 stəkan isti su
2 yemək qaşığı kərə yağı
1 yemək qaşığı dolmalıq fıstıq
1 çay qaşığı darçın
1 çay qaşığı duz
1 çay qaşığı istiot
Davamı →
 

Limonlu qurabiyə

Ərzaqlar:
1 ədəd limon
100 qr kəpəkli un
üyüdülmüş yulaf
2 ədəd yumurta
200 ml yağsız qatıq
şəkər əvəzləyicisi və qabartma tozu (zövqə görə)

Hazırlanma qaydası:
Yulaf və kəpəkli unu qarışdırıb, zövqə görə şəkərəvəzləyici və qabartma tozu əlavə edin. Qatıq və yumurtaları da qarışıma əlavə edin. Üzərinə qabığı ilə birgə blenderlə püre halına gətirilmiş limon da əlavə edin.

Xəmiri qarışdırıb, qoz böyülüyündə kündələr qopardın. Əlinizlə üzərinə basaraq qurabiyə formasını verin. Qurabiyələri perqament kağızı sərilmiş soba sinisinə düzüb, 200 dərəcə isidilmiş sobada 15 dəqiqə üzəri tündləşənədək bişirin. Nuş olsun!
 

Ekspress sıyıq

Hər bir valideynə məlumdur ki, uşaqlar eynilikdən tez yorulur və müxtəlifliyi çox sevirlər. Hər səhər eyni qəhvəaltıları etmək hətta böyüklər üçün də cansıxıcı təəssürat verir. Yəqin ki, bu səbəbdən insanların çoxu səhərlər nə yeyəcəklərinə qərar vermədiklərindən qəhvəaltını ötürməyə üstünlük verirlər.

Əksər ailələr “səhərlər tez və sağlam nə yeyək?” sualı ilə üzləşirlər. Faydalı, rəngarəng, tez və asan ərsəyə gələn səhər yeməyi bütün ailəni sevindirəcəkdir. Hazırlanması asan və az vaxt tələb etdiyindən bunu hətta atalar da edə bilərlər. Stəkanda lay-lay hazırlanan sıyıq istənilən ailə üzvünün zövqünü oxşayacaqdır.
Davamı →
 

Folqada bişirilmiş ət

Dietoloqların fikirinə görə, ətin bu üsulla bişirilməsi ən düzgün sayılır. Bu üsulla bişirilmiş ət bütün öz faydalı xüsusiyyətlərini saxlayır, bişirilmə zamanı yağdan istifadə olunmur.

Folqada bişirilmiş ət həm dadlı, həm də faydalıdır. Bu ət həm isti, həm də soyuq şəkildə (qəlyanaltı kimi) masaya verilə bilər.

Lazım olan məhsullar:
— Sümüksüz mal əti (yumşaq olmalıdır, heyvanın kürək hissəsi ən uyğun sayılır) — 700-800 qr.
Davamı →
 

Şəkərsiz mürəbbə

Pəhrizdə oturanlar və şəkər xəstələri xüsusən bu mürəbbədən rahatlıqla istifadə edə bilərlər. Mürəbbədə süni şəkər yoxdur.

Şəkərsiz mürəbbə hazırlamaq üçün lazım olan ərzaqlar:
  • 2 kq çox sulu olmayan meyvə (tumu çıxarılmış),
  • 2 stəkan alma şirəsi (evdə sıxılmış),
  • 3 yemək qaşığı bəhməz,
  • 2 çay qaşığı limon duzu.

Davamı →