Рейтинг
+25.73

Kulinariya

22 üzv, 519 topik

Bifişteks salatı

İnqridientlər:
120 qram dana əti
bir neçə ədəd kahı yarpağı
7-8 ədəd pomidor
2 ədəd xiyar
dərəotu
2 xörək qaşığı konserv qarğıdalı
duz
istiot
kəkotu.

Sous üçün: 
2 xörək qaşığı zeytun yağı
2 xörək qaşığı balzamik sirkə
1 çay qaşığı xardal (zövqə görə)
duz.

Hazırlanması:
Kahının yarpaqları yuyulub suyu süzülür, pomidor və xiyarla birlikdə doğranır. Yağsız dana əti duz və ədviyyatlarla dadlandırılıb qrildə bişirilir. Ətin hər iki üzü yaxşı qızarmalıdır. Ətlər bişərkən tərəvəzlər sousla qarışdırılır və bişmiş ətlər düzbucaqlı şəklində doğranıb salatın üzərinə düzülür. Bifişteks salatı süfrəyə isti-isti verilir. Nuş olsun!

Brokoli salatı

İnqridientlər:
500 qr brokoli
3-4 ədəd xiyar turşusu
200 qr konservləşdirilmiş qarğıdalı
3 ədəd közlənmiş qırmızı bibər
4 kol yaşıl soğan
2-3 diş sarımsaq
zeytun yağı
duz 1
ədəd limon

Hazırlanması:
Brokolini kiçik hissələrə ayırıb, suda 4 dəqiqə qaynadaraq suyunu süzün. Soyuduqdan sonra kiçik parçalara ayırıb bir qaba tökün. Soğanı, bibəri, xiyarı doğrayın. Daha sonra konservləşdirilmiş qarğıdalını, közlənmiş qırmızı bibəri, soğanı, xiyar turşusunu, sarımsaq və 1 limon suyunu əlavə edərək qarışdırın. Sonda duzu və zeytun yağını əlavə edərək qarışdırın.

Göbələkli krem-şorba

Tərkibi:
22 qr kərə yağı
85 qr baş soğan (orta ölçüdə)
22 qr kərəviz saplağı
500 qr göbələk (şampinyon)
1 litr velüte sousu
300-500 ml toyuq bulyonu (isti)
175 ml yağlı qaymaq (isti)
duz
istiot

Hazırlanma qaydası:
Kərəviz və soğan doğranılır. Soğan şəffaf və yumşaq olana qədər kərəvizlə birgə kərə yağında qızardılır. Yarı doğranmış göbələklər əlavə edilir. Göbələklər tam hazır olana qədər (suyu tam çəkilənə qədər) bişirilir. Bir neçə göbələk sonda şorbanı bəzəmək üçün kənarda saxlanılır. Hazır göbələklər qazana yerləşdirilir və üzərinə velüte sousu əlavə edilir.
Davamı →

Qvatemala salatı

İnqridientlər:
– 1 dəstə kahı
– 3 qırmızı pomidor
– 3 sarı bibər
– 3 yaşıl bibər
– 1 ovuc zeytun
– 3 xörək qaşığı zeytun yağı
– yarım stəkan xırda üzüm
– 1 limon zövqə görə duz.

Hazırlanma qaydası:
Kahı yarpaqları təmiz yuyulur, suyu quruduqdan sonra boşqabın kənarlarına düzülür.

Tərəvəzlər yuyulur, pomidorlar və bibərlər uzunsov doğranır. Üzərinə duz və zeytun yağı əlavə edilir. Sonra üzüm dənələri və limon şirəsi əlavə edilib süfrəyə verilir. Nuş olsun!

Praqa tortu

Biskivit üçün lazım olanlar:
170 qram un
40 qram kərə yağı
25 qram kakao
170 qram şəkər tozu
8 ədəd yumurta

Krem üçün:
300 qram qatılaşdırılmış süd
5 ədəd yumurta sarısı
150 ml su
340 qram kərə yağı
45 qram kakao
5 qram vanil
500 ml sirop
Davamı →

Gül kələmi kotleti

Lazım olan ərzaqlar:
– 500 qr gül kələmi
– 2 yumurta
– 3 dolu xörək qaşığı un
– yarım stəkan süd
– 1 fal çörək
– duz
– istiot
– qızardılması üçün bitki yağı

Hazırlanması:
Gül kələmini kiçik hissələrə ayırıb, duzlu suda yumşalana qədər qaynadırıq. Püre əzən alət ilə əzdiyimiz gül kələminin üzərinə süddə isladılmış çörəyi, yumurtaları, un, duz və istiotu əlavə edib yaxşıca qarışdırırıq. Tavada bitki yağını qızdırıb, hazırladığınız qarışımdan kotletler hazırlayıb orta odda hər iki üzünü qızardırıq. Nuş Olsun!

Yunan mətbəxi


Yunan mətbəxinin sirri yeməyin birgə yeyilməsindədir. Məhz bu səbəbdən Yunanıstanda süfrəyə çoxlu miqdarda cürbəcür xörəklərdən verilir ki, masanın arxasında əyləşən hər kəs onlardan yesin.

Yunan mətbəxinin dörd dayağı var: təzə inqrediyentlər, göyərti və ədviyatların məharətli istifadəsi (dağda və kənd yerlərindən yığılmış), füsunkar zeytun yağı və xörəklərin sadəliyi. Təsadüfi deyil ki, dünya ölkələrin arasında Yunanıstanın ən aşağı ürək və ürək-damar xəstəliklərin göstəricisi var.
Davamı →

Fransa mətbəxi

Yeməyi yaxşı bilənlərin bir çoxlarının fikrinə görə, fransız mətbəxi dünyada ən yaxşılardan biridir.

Bu mətbəx millətin mədəniyyəti ilə ayrılmaz olaraq bağlıdır. Fransız mətbəxi aşpazlığın beşiyi və aşpazlar üçün bir cənnətdir. Bu mətbəxin bütün dünyadakı şöhrəti onu göstərir ki, təhsil səviyyəsindən və sosial mənşəsindən asılı olmayaraq bütün fransız xalqı yemək mövzuları haqqında ətraflı danışa bilər.

Adi fransız üçün aşpazlıq gündəlik həyatın ayrılmaz elementidir və nəzakət qaydalarının məhz fransızlar tərəfindən yaradılması sadə bir təsadüf deyil.

Davamı →

Maki suşi

Yapon mətbəxinin bütün dünyanı ovsunlayan yeməyi ənənəvi olaraq, üzüm sirkəsi, balıq, dəniz məhsulları, tərəvəz və digər yerli delikateslərlə tamlandırılmış düyüdən ibarət olur.

İnqrediyentlər:
9 xörək qaşığı suşi düyüsü
9 zolaq noru yosunu — 10x4 sm
3 çay qaşığı qara kürü
3 çay qaşığı qırmızı kürü
3 çay qaşığı sarı kürü
1 çay qaşığı vasabi — qıtığotu

Hazırlanması:
Düyü rollu hazırlayın və onu vasabi ilə yayın Hər bir suşi rollunu nori yosununa bükün, yosunun 1 santimetrini bükülməmiş saxlayın Rolla bir qədər kürü əlavə edin. 

Süfrəyə verilmə:
Suşini yaşıl yarpaq ilə bəzəyin və taxta qabda servis edin.

Suşi düyüsü

Düzgün hazırlandığı zaman suşi düyüsü dənəli qalır və bişdikdən sonra azca yapışqan olur.

İnqrediyentlər:
2 ½ fincan su
2 ½ fincan düyü

Ədviyyat:
4 xörək qaşığı çox sərt olmayan üzüm sirkəsi
3 xörək qaşığı şəkər
2 ½ çay qaşığı duz
2 xörək qaşığı mirin (düyü şərabı)

Hazırlanması:
Düyünü yuyun, 30 dəqiqə isladın. Qaynatmaq üçün su gətirin, 1-2 dəqiqə qaynadın Düyünü əlavə edin və düyü suyu özünə çəkənə qədər, 15 dəqiqə az istilikdə bişirin. Ədviyyat əlavə edin və qarışdırın.
Davamı →