Рейтинг
+196.92

Maraqlı faktlar

159 üzv, 594 topik

Linkolna prezidentlikdə kömək edən 11 yaşlı qız

ABŞ-ın 16-cı prezidenti olmuş  Avraam Linkolnu, demək olar ki, hamı tanıyır.

Amma çox az adam bilir ki, ona saqqal saxlamağı  Nyu-York ştatının kiçik bir şəhərciyində yaşayan 11 yaşlı qız məsləhət görub.

15 oktyabr 1860-cı ildə ABŞ prezidenti Avraam Linkoln Qreys Bedel adlı 11 yaşlı  qızdan bir məktub alır. Bu qız Nyu-York ştatının Vestfild (Westlfield) şəhərciyində yaşayırdı və seçkilərdə Linkoln tərəfdarlarından idi. Linkolnun sifətinin çox arıq olduğunu düşünərək ona saqqal saxlamağı məsləhət görür və bunu məktubunda qeyd edir.

11 yaşlı qızın Linkolna yazdığı məktubun məzmunu belə olub:  “Mənim  4 qardaşım var. Onlardan biri seçkilər keçirilərkən sizə səs verəcək. Amma siz saqqal saxlasanız, mən digər qardaşlarımı da məcbur edərəm ki, sizə səs versinlər. Siz saqqal saxlasanız daha da təmkinli görünəcəksiz. Sifətiniz çox arıq olduğuna gorə saqqal sizi daha yaxşı göstərəcək. Saqqal bütün xanımların xoşuna gəldiyi üçün onlar öz yoldaşlarını və ya istəklilərini məcbur edəcəklər ki, sizə səs versinlər. Və beləliklə də siz prezident seçiləcəksiniz”.


Ardı →
 

Turistlər üçün Avropanın ən ucuz 20 şəhəri

Turistlər üçün Avropanın ən ucuz 20 şəhəri                                                  Bu il tətilini Avropada keçirmək istəyən, lakin çoxlu pul xərcləmək istəməyənlər üçün “Price of Travel” səyahət saytı Avropada gəzmək üçün ən ucuz şəhərlərin siyahısını tərtib edib. Siyahı tərtib olunarkən, mərkəzdə və yaxud mərkəzə çox yaxın olan 3 ulduzlu otellərin bir gecəlik qiymətləri əsas götürülüb. Bundan başqa, taksi qiymətləri, turistik ərazilərə giriş qiymətləri, gündəlik qidalanma xərcləri də nəzərə alınıb. “Üç Ulduzlu Səyahət İndeksi” adlandırılan siyahıya Avropanın 20 şəhəri daxil edilib.  
Ardı →
 

Luvrla 3 əsr

Tarixdə bir çox yollarnan iz qoymaq mümkündü. Kimi saraylar tikir, kimi onları sökür. Paris komunnasının inqilabçılarl olmasaydı, dünyanın ən məşhur muzeyi başqa cür görünərdi.

XVII əsr

XVI əsrə kimi Luvrun yerində əvvəl qala, sonra imarət olmuşdu. 1527ci ildə burda sarayın inşaasına başlanır. 37 ildən sonra isə Ekatirina Mediçanın əmri ilə yeni saray- Tyuiliri tikilir.(Luvrun pəncərələrindən mənzərə bu saraya açılır). Saray öz adını yerli çini material hazırlanan yerin adından götürmüşdü(tuile-çini). 1610cu ildə Sena boyunca Tyuilirinin cənub qanadını və Luvru birləşdirən yalnız bir qalera tikilmişdi. İki binanın bir qapalı kompleksə çevrilməsi haqqda memarlar iki yüz ilə qədər düşünmüşdülər.


Ardı →
 

Suya batmış şəhər - Heraklion

İki min il bundan əvvəllərə qədər Nil çayı sahilində, İsgəndəriyyənin 25 kilometrliyində yerləşən Heraklion şəhəri “Misirin qapısı” hesab edilirmiş.

 Bu liman şəhərindən keçərək hər gün Misirə neçə-neçə gəmi daxil olar və ya Misiri tərk edərmiş. Artıq bu şəhər mövcud deyil. Bu qədim şəhər artıq 2000 ildən çoxdur ki, dənizin dibindədir.

  Qədim Heraklion şəhəri dəniz səviyyəsindən cəmi 1 metr hündürlüyündə olan bir sahədə salınmışdır. Təbii kataklizmlər, dəniz dalğaları bu şəhəri çox asanlıqla suya qərq etmişdir. İndi bu şəhər Abukir körfəzində, 6 metr dərinliyində dəniz dibindədir.

  Parisdə yerləşən Avropa Sualtı Arxeologiya İnstitunun təsisçisi Frenk Qoddionun rəhbərlik etdiyi arxeoloqlar qrupu dənizin dibində həmin şəhərin qalıqlarını tapmışlar. Suyun altında qalmış qədim şəhərin qalıqları içərisində məbəd və məbəddə qoyulmuş Yunan allahlarının qədim heykəllərinin qalıqları da aşkar edilmişdir.


Ardı →
 

Tütün qadağalarının pik həddə olduğu ölkələr

Butan
 
 Siqaretin çəkilməsi ilə ən sərt və çox güman ki, ən effektiv yolu Himalay dağlarının ətəklərində yerləşən kiçik Butan krallığı seçib. Butanda 2004cü ildən başlayaraq siqaretin satışına tamamilə qadağa qoyulub.  Düzdür, xaricdən siqaret idxalına heç bir qadağa qoyulmasa da, hər bir siqaret qutusuna görə onu idxal edən şəxs qutunun dəyərinin 200%i qədər aksiz vergisi verməli olacaq. Bu tarif yalnız dost olan Hindistan üçün 100% səviyyəsinə endirilib. Siqaret qaçaqmalçılığına görə 5 ilə qədər həbsxana cəzası gözləyir. Həm yerli vətəndaşları həm də xarici turistləri ictimai yerdə siqaret çəkməyə görə 175 avro cərimə cəzası gözləyir. Onu da qeyd edək ki, Butan korrupsiya səviyyəsinə görə dünyada ən aşağı yerlərdən birini tutur.
Ardı →
 

Üzü qırışmasın deyə 40 il gülmədi


Britaniyalı bir qadın üzündə qırışlar yaranmasın deyə 40 il gülməyib.

50 yaşlı Tess Kristian üzündə qırışların yaranmasından çox qorxurdu. Buna görə o, qırışların əmələ gəlməsinin qarşısını almaq üçün 40 il gülməyib. Tess gülmək istəyəndə dodaqlarına vurduğunu deyir. O hətta qızı doğulanda belə gülməməyi bacarıb. İndi o, heç vaxt botoks və s. kimyəvi və kosmetik vasitələrdən istifadə etməməsi ilə lovğalanır.
Ardı →
 

Dünyanın ən qəribə boşanma səbəbləri

Bəziləri evliliyi sevginin bitdiyi gün kimi qiymətləndirsələr də, psixoloqların sözlərinə görə cütlüklər arasında əsil sevgi evləndikdən sonra başlayır. Ümumiyyətlə, evlilik çox çətin qəbul edilən qərar hesab edilsə də, təəssüflər olsun ki, bəzən tərəflər “onu” tapana qədər nə qədər əziyyət çəkdiklərini unudub ən xırda bir səbəbə görə ayrılmağa qərar verirlər.

İndi sizə tarixə ən qəribə boşanma səbəbləri kimi yazılan bir neçə hadisə barədə məlumat vermək istəyirik. Oxuyun və ayrılmaq üçün bu səbəblərin nə dərəcə yetərli olduğuna özünüz qərar verin.

Qadını təmizlik düşkünü olduğu üçün hər cür ev işləri görməyə öyrəşən kişi evliliklərinin 15-ci ildönümündə həyat yoldaşı ondan mənzillərinin çirkli görünən divarını söküb yenisini tikməyini istədiyi gün boşanmaq haqqında ərizəylə məhkəməyə müraciət edib.

Ailə həyatı qurarkən həyat yoldaşına 24 yaşı olduğunu deyən qadının sirri 10 ildən sonra açılıb. Onunla evlənərkən əslində xanımının 30 yaşı olduğunu öyrənən kişi elə həmin gün onunla yollarını ayırmaq qərarına gəlib.
Ardı →
 

Daniel Swarovskinin uğur yolu

Özünün romantik arzu və niyyətlərini həyata keçirmək üçün Daniel Svarovskinin ən yaxın adamları bilirdi ki, o, necə çətinliklərlə üzləşmiş, hansı risklərə getmişdir.

Yeniyetmə yaşlarından onun bir romantik arzusu vardı: maddiyyat baxımından, varlı və kasıblar arasındakı böyük bir “uçurumu”  aradan qaldırmaq məqsədilə hamının ala biləcəyi brilyant yaratmaq.

Digər həmkəndliləri kimi Danielin atası da Şimali Bohemiyanın kiçik bir  Georgiental kəndində zərgərlik firması üçün şüşəsdən bəzək əşyaları cilalamaqla məşğul idi və qəpik-quruş qazanırdı. Belə zənn edirdilər ki, 24 oktyabr 1862-ci ildə dünyaya gəlmiş oğlu da atasının yolu ilə gedəcək. Amma bu heç də elə olmadı. Bu yeniyetməni atasının bu  cür yorucu  işi əsəbləşdirir və qıcıqlandırırdı. Yeniyetmə Daniel heç də pis skripka çalmırdı. O, özünün skripkaçı peşəsini artırmaq və məşhur skripkaçı olmaq arzusunda idi. Öz həmkəndlisi olan gözəl bir qıza  aşıq olmuşdu, qız isə bu kasıb skripkaçının üzünə belə baxmırdı. Belə olan halda Daniel bütün gücünü oxuyub təhsil almağa sərf edir.

Daniel  təhsil almaq məqsədilə Parisə yollanır. O,  kamil bir mühəndis ixtisasına yiyələnməkdən ötrü, kimyanı, fizikanı, mexanikanı və s. mükəmməl öyrənir. Qoca atası həmişə Danieli danlayardı ki, nahaqdan o təhsilə o qədər vaxt və pul sərf edir. Bu zaman Daniel gülümsəyərdi; onu hansısa bir gözəgörünməz qüvvə naməlun bir mərama tərəf aparırdı.


Ardı →
 

Buket qatili

Toyda gül çələngini atmaq artıq ənənə halını alıb. Adətən, gül buketini ərə getmək istəyən gənc qızlar tutur.

Yuta ştatının sakini 37 yaşlı Cemi Cekson isə bu vaxta kimi nə az nə çox, düz 46 dəfə gül buketini tutsa da, hələ də subaydır. “Buket qatili” adı verilmiş qadın 1996-cı ildən bəri gül çələnglərini tutub. Hələ də, subay həyat tərzi sürən qadın gül buketini tutmağı idmanla müqayisə edir və ərdə olmadığına görə narahatlıq keçirmir.

Hər şey 1996-cı ildə Ceminin əmisi qızının toyundan başlayıb. O deyib: “Mən təbiətən rəqabət aparan insanam. Ona görə də təzə gəlin gülü atanda onu tutmağı özümə borc bildim. Bəzi subay qızlar gülü tutmaqdan utanır, lakin mən utanmadım. Toydan sonra belə qərara gəldim ki, gül buketini hər zaman tuta bilərəm”.


Ardı →
 

Heykəllərdən tikilən məbəd | Minakşi


Minakşi məbədi Hindistanın Tamilnad ştatında yerləşir. 1310-cu ildə tikilmiş məbəd dəfələrlə işğalçıların hücumuna məruz qalsa da, dövrümüzə qədər gəlib çata bilib. Məbədin xarici görünüşü turistlərin diqqətini xüsusilə cəlb edir. Bu da əbəs deyil. Belə ki, məbəd xaricdən biri digərindən tamamilə fərqlənən minə yaxın kiçik heykəllərlə bəzədilib.


Ardı →