Niyə şərh yazmırıq?

İnsanlar bir yazını oxuduqdan sonra o mövzu haqqında niyə şərh yazmaq istəməz?
Əslində şərhlər bir yazının təməlidir. Şərhlər sayəsində yazı dəyər qazanar. Şərhlər olmadan yazının da bir mənası olmaz. Yazıya dəyər qatan o yazıya bildirilmiş olan şərhlər, o mövzu  ilə bağlı açıqlanmış olan düşüncələrdir. Şərhlər yazının daha yaxşı başa düşülməsini təmin etməklə yanaşı, həmçinin yazının inkişaf etdirilməsi məqsədini də daşıyır. Təəssüf ki, Azərbaycanda şərh yazma və iştirak etmək nisbəti çox aşağıdır.
Yaxşı, insanlar niyə şərh yazmaq istəmir?  Psixoloji baxımdan bunun səbəblərini  bu şəkildə sıralaya bilərik:
* İnsanlar ümumiyyətlə yalnız mövzuya fokuslanarlar. Yazıda istədiklərini tapdıqlarında daha çox zaman itirmək istəməzlər.
*Bu bir psixoloji haldır. Belə ki, müzakirə etməyin, mövzuya genişlik qazandırmanın özlərinə bir fayda verməyəcəklərini düşünərlər. Qısacası özlərini yormaq  istəməzlər. Ancaq şərhlər yazını oxuyan digər insanlara mütləq fayda verər.
*Əgər yazıdakı mövzu çox yaxşı izah edilmişsə, əlavə edəcək ya da razılaşmayacaq bir məqam tapa bilməzlər.  Amma hər yazının mütləq əskiklikləri vardır.
* Fikir ifadə etmək, bunun üçün vaxt ayırmaq, müzakirə etmək özlərinə çətin gəldiyi üçün şərh bildirmək  istəməzlər.
* Yazı şərh yazmaq üçün yaxşı bir yazı olmaya bilər. Hər yazıya şərh bildirmək kimi bir məcburiyyətimiz də yoxdur. Bəzi yazılar sırf şərhsizdir, yəni şərhə ehiyacı yoxdur. Amma bu yazılarda belə əməyi keçənlərə şərh yazaraq təşəkkür etmək onları başqa yazılar yazmağa, fəaliyyətdə olmağa və fayda verməyə təşviq etmək üçün şərh yazılması yaxşı olar. (Kayzendə bunu + — sistemi əvəz edir)
* Yazının hamısını oxumayan insanlar da vardır və ümumiyyətlə bundan ötəri şərh yazmaq ağıllarına belə gəlmədən yazıdan çıxarlar. Çünki Azərbaycanda oxuma vərdişi təəssüf ki, çox inkişaf etməmişdir. Bu vərdişin olmaması da şərh yazmamanın əsas səbəblərindəndir.
* Yenə Azəbaycanda ümumiyyətlə iştirakçı və təşəbbüskar olmadıqlarından ötəri şərh yazmağı zaman itkisi olaraq qiymətləndirənlər az deyil. Xəbər, məqalə və ya digər yazı növləri 100 dəfə oxunmasına baxmayaraq, bir dəfə də şərh bildirilməz.
Şərh yazmamağın səbəbləri tək bunlarla məhdudlaşmır. Daha çox səbəblər var. Bəzən insanlar bir neçə şərh görər və şərh yazmaq istəyərlər. Kütlə psixologiyasıdır bu. Təbii ki, heç şərh bildirmədiklərində də şərh əlavə etmənin mənasız olduğunu düşünərlər.
Şərh yazmaq mədəni bir davranışdır və həm yazıya, həm yazara, həm də digər ziyarətçilərə dəyər və fayda  verər. Bunun üçün qarşılaşdığınız hər yazıyla əlaqədar öz düşüncələrinizi şərh yazaraq ifadə etməniz çox əhəmiyyətlidir. 

7 şərh

BaRLeLiTa
Şərh yazılsa hər bir mövzüya daha marağlı daha başa düşümlü olardı mövzü.Yazılan hər bir fikirlə razıyam ümümiyyətlə şərhlər haqqında yazmağ lap yerinə düşdü…
WinRar
Rusiyada, Türkiyədə şərh yazmaq mədəniyyəti formalaşıb. Bizdə isə belə mədəniyyət hələ yoxdur. Orada adi bir UCOZ sistemində açılan bir həvəskar saytda 1 xəbərdə olan rəylərin sayı bizim .Az domenli saytlarımızın 10 xəbərində olan rəylərindən daha çoxdur :)
_BUMERANQ_
Şərhlərin çox olmasındansa, keyfiyyətli, faydalı olmasının tərəfdarıyam. Kəmiyyət yox keyfiyyət!

Boş-boş şərhlər yazmağın heç kimə faydası yoxdu. Elə məqalələr olub ki, ordakı şərhlər yazıdan daha faydalı olub mənimçün. 
asel
vaxtım olduqca calışıram oxuyub şərh yazam. şərhlər mövzunun daha aydın  başa düşülməsinə komək edir
Kenan_Elxanoglu
şərh yazmaq doğrudan da yaxşıdır. Yazdığın yazıya şərh yazılanda sanki onun oxunduğunu hiss edirsən. Şərh yazmaq əziyyətinə qatlaşırlarsa demək yazın təsir göstərib, mənfi və yaxud müsbət, fərqi yoxdur, hər halda oxuyan adam tərpənib. Bu həm də hörmətli   _BUMERANQ_  sənin yazına və mənim oxumağıma da aiddir. — Yəni sən yazmısan ki, şərh yazmaq yaxşıdır, mən də oxuyub şərh yazmışam. :)
pascal
Bumeranq, post şəklində yazdığın bu mövzunu, bir dəfə mən m/bloqumda yazmışdım. Yazdıqların və burdakı şərhlərlə tamamilə razıyam. Çox az istifadəçi var ki, nəşrlərə şərh yazır. Əlbəttə, mən də gözəl şərh yazmağın tərəfdarıyam, amma, «yazıya görə təşəkkür» sözü   ətraflı şərh olmasa da, yenə də yazıçının əməyinə hörmət və onunçün ruhlandırıcı amildir. Maraqlı şərhlər həm nəşrə marağı artırır, həm də yazana hörmətdir. O ki, qaldı kəmiyyət — keyfiyyət məsələsinə, elə vaxt olub ki, bəyənmədiyim yazıya sadəcə şərh yazmamışam. Bəyəndiyimə, mənimçün maraqlı olana ətraflı, təkrar gördüklərimə isə «zəhmətə görə təşəkkür» yazmışam
Gülnar
Məni isə şərhin olmamasından çox şərhin məzmunsuz, vaxt alan olması narahat edir. Ən çox forumlara rast gəlinir. Müəyyən informasiya əldə etmək üçün sual, mövzu qoyulur və lazımsız, faydasız şərhləri oxuyanda ölmək istəyirsən.