“Patoloji qısqanclıq” və ya “Otello sindromu”

Qısqanclıq insanlıq tarixi qədər çox qədim məsələdir və bir çox insanların münasibətlərinə dərindən təsir edərək, ciddi problemlərə yol açır.

Birinin sevdiyi insana qarşı bu hissi yaşaması və həddini aşması “patoloji qısqanclıq” və ya “Otello sindromu” adlanır.

Bir çox qadın və kişilər qısqanclığı sevginin ifadəsi kimi qəbul edirlər. Əslində, bu, yalnış düşüncədir. Sevdiyinə sevgini ifadə etmənin başqa normal yolları da var.

Özünə güvənən insanlar qarşısındakı insanı xəstəlikli formada qısqanmırlar. İnsanlardan niyə qısqandıqlarını soruşanda “çünki onu itirməkdən qorxuram” cavabıyla tez-tez rastlaşırıq. Qadınların əksəriyyəti çox qısqanılmaqdan sıxıldığı halda, bəziləri bunu sevir. Onlar düşünür ki, əgər kişi qısqanırsa, deməli sevir. Ən çox qısqanılan tərəf də hər zaman qadın olub.

Başqasına güvənə bilmək üçün öncə özünə güvənmək lazımdır.

Güvənsiz yaşanan bir sevgi içindən çıxmaq mümkün olmayan bir çuxurdur. “Qısqanmağım mənim sevgilimə, həyat yoldaşıma, ərimə güvənmirəm demək deyil, mən ona güvənirəm, ancaq ətrafdakı qadın və kişilərə güvənmirəm". Yəqin ki, qısqanc adamlardan ən çox eşitdiyiniz cavab məhz budu.

Həddən çox qısqanan insanların sədaqətsizlik göstərmə ehtimalı çox yüksəkdir. Bir insanı sevmək üçün ilk öncə özünüzə güvənməlisiniz. O sizin uşağınız, ata-ananız deyil ki, ona güvənmədən onu sevirsiniz.

Qısqanc insanlar yenə də bu deyilənlərlə razı olmayıb, qısqanmalarını sevgilərinin ifadəsi kimi qəbul edib, özlərinə haqq qazandırmağa çalışırlar.  

 

Yazar: Fərizə Əhmədova

1 şərh

miribabaell
Qısqanclıq hissi çox və az olması ilə fərqlənir. Bu yazdıqlarınız sadəcə sizə görə doğru olanlardır. Amma məncə bu mövzuya biraz başqalarının gözü ilə də baxmağa çalışın. 
Bir insanın qarşısındakına qarşı olan daimi şüphələri və irəli sürdüyü mühakimələri qısqanclıq hissi deyil. Güvənsizliyin qısqanclıq hissi ilə heç bir əlaqəsi yoxdur. Güvənsizlik sadəcə həmin şəxsin həyatında yaşadıqları, aldığı psixoloji tramvaların nəticəsindən irəli gəlir. Qısqanclıq sadəcə olaraq bir insanın sevdiyi şəxsə qarşı olan bağlılığı və paylaşmama hissidir.