Рейтинг
+138.94

Sevgi

92 üzv, 186 topik

Dostumsan, yoxsa sevgilim?

  • Sevgi
Çox xoşunuza gələn biri bəzən sizə dostdan da artıq, bəzən isə sadəcə dost kimi davranırsa və ağlınızı qarışdırırsa, münasibətinizi dəyərləndirməkdə fayda var. Çünki ağılda yaranan bu suallar heç kimi rahat buraxmaz. Dəqiqləşdirmək mütləqdir, əks təqdirdə sevgiliniz olmasını istədiyiniz şəxsin davranışlarını sadəcə özünüz görmək istədiyiniz şəkildə görər və xəyal qırıqlığı yaşayarsınız.

Xoşunuza gələn şəxsin dostunuz, yoxsa sevgiliniz olması ilə bağlı ağlınızda yaranan suallara bu yazıda cavab tapın.

— Əgər ağır iş rejiminə rəğmən, sizin üçün vaxt ayıra bilirsə, bu, sizə dəyər verdiyini və özəl hisslər keçirməyə başladığını göstərir.

— Ortaq dostlarınız var? Xoşlandığınız şəxs sizi dostları ilə tanış edibmi? Tanışlıq zamanı sizinlə necə davrandı? Onların yanında sizinlə necə davranması ipucu ola bilər. Əgər sizə də digər dostları kimi davranırsa, dost olma ehtimalınız yüksəkdir.
Davamı →
loading...
 

İlk görüşdə necə davranmalı?

  • Sevgi
Kişi və qadınların çoxunu online tanış olduğu biri ilə ilk görüşün nə qədər müddət sonra olması maraqlandırır. Araşdırmalar internetdə tanış olan kişilərin daha tələskən, qadınların isə daha təmkinli olduğunu ortaya çıxarıb.

Kişilərin 90%-i tanış olduqdan sonra görüşmək üçün 1 həftədən az müddət keçməsinin kafi olduğunu, qadınların 90%-i isə 1 aydan çox zaman keçməsi lazım olduğunu düşünür.

İlk görüşdə mənfi hiss yaradacaq 3 məqam soruşulduqda iştirakçıların yarısı qarşısındakının telefonu ilə maraqlanması, süni və çoxbilmiş rəftarlar sərgiləməsini deyib. Qalan 30%-i soyuq və səssiz rəftarlar, dar dünyagörüş və kaprizli şəxsiyyətin itələyici olduğunu dilə gətirib. 20% isə lazım olduğundan çox səmimiyyət, kobud danışıq üslubu və yemək yemə formasını nümunə gətirib.
Davamı →
loading...
 

Keçmiş sevgilimi necə geri qazanım?

  • Sevgi
Keçmiş sevgilinizə hələ də aşiqsiniz, lakin bir problem var: ayrılmısınız. Daha xoşbəxt ola biləcəyiniz birinin varlığına da şübhə edirsiniz. Elə isə nə etməli? Onu geri qaytarmaq lazımdır. 

İlk növbədə baxımlı olmağınız şərtdir. Əvvəlcə özünüzə əvvəlkindən daha çox diqqət göstərməlisiniz. Sizi gördükdə nə hala düşəcəyi, çaşacağı və nələri itirdiyinin fərqinə varmalıdır. Geyim tərzinizdən makiyajınıza qədər hər baxımdan özünüzə qarşı diqqətli olun.

Bağışlamağı öyrənin
Onu geri qazanmanın ikinci addımında bağışlamaq var. Bir-birinizi bağışlayacağınız təqdirdə yenidən bir araya gələ bilərsiniz. Onu bağışladığınızı hiss etdirin və buzları əridin.
Davamı →
loading...
 

Niyə onu əvvəlki kimi sevmirəm?

  • Sevgi
Vaxtilə dəlilər kimi aşiq olduğunuz insanı indi əvvəlki kimi sevmir və bu münasibəti artıq bitirmək istəyirsiniz. Bəs bu böyük sevginin bitməsinə nəyin səbəb olduğunu heç düşündünüzmü?

“Onsuz da mənimdir” düşüncəsi
İlk bir neçə ayı xoş keçirdikdən sonra bir çox cütlük “onsuz da mənimdir, mənə məxsusdur” kimi yanlış düşünməyə başlayar. Və bu da tərəflərdən birinin “birlikdə olmağımızın artıq mənası qalmadı” deyənə kimi davam edər. Ancaq münasibətinizi bir körpə kimi düşün. Körpənizə bir neçə il baxıb sonra “onsuz da öz-özünə böyüyəcək” deyib bir kənara atarsınız?

Sevginizə sahib çıxın və hər mərhələsində onun üçün nələrsə etməyə çalışın. Bir-birinizlə maraqlanın, bir-biriniz üçün darıxın, fikrilərinizi paylaşın, problemləri böyüyüb həllolunmaz hala gətirmədən oturub müzakirə edin. Bir sözlə, hər ikiniz də çalışın.
Davamı →
loading...
 

Qalina və Yesenin – ölümlə bitən sevgi

  • Sevgi
Sergey Yesenin həyatında çoxlu əyləncə və romanlar yaşayıb, ancaq onlardan birinin tarixçəsi ayrıca qeyd olunmağa dəyər.

Mənim üçün ən əziz olan hər şey bu qəbirdədir
1926-cı ilin bir dekabr səhəri açılar-açılmaz Moskvanın Vaqanskov qəbiristanlığının gözətçisi güclə eşidiləcək güllə səsinə oyandı. Sonra yenə daha bir güllə açıldı. Gözətçi komasından bayıra atılan kişi səs gələn səmtə — Sergey Yeseninin qəbrinə sarı qaçdı…
Davamı →
loading...
 

Eyni anda neçə nəfərə aşiq olmaq olar?

  • Sevgi
Türkiyəli psixoloq Kamal Yücesoy “Rəqəmsal dünyada eşq” mövzusunda maraqlı çıxış edib. Psixoloq bildirib ki, depressiyadan tutmuş bir çox psixoloji problemlərin yaranmasına səbəb insanların çox olduğu cəmiyyətdə yaşamaqdır. Məhz bu psixoloji çətinliklər səbəbindən də böyük şəhərlərdə bir çox insanın sevməsi, aşiq olması çətinləşib.

Psixoloqun sözlərinə görə, aşiq olmaq üçün ilk növbədə limbik sistemin xəbərdar edilməsi lazımdır. Limbik sistemin bizim 5 hissimizdən yalnız qoxuyla əlaqəsi var, digər duyğularımızla təsirlənmir: “Bu səbəbdən də təkcə görmək, toxunmaq heç bir şeyi həll etmir, mütləq o qoxunu almaq lazımdır.
Davamı →
loading...
 

Sevginin fəsilləri | Con Grey

  • Sevgi
Sevgimiz bağa bənzəyir. Bağımızın gül, çiçəyə bürünməsi üçün həmişə ona qulluq etməliyik. Fəsilləri, dəyişkən havanı nəzərə almalıyıq. Yeni toxumlar basdırmalı, alaq otlarını təmizləməliyik. Bağımızda olduğu kimi sevgimizin də sehrini qorumaq lazımdır. Sevgimizin də fəsilləri var. Biz sevgimizdəki ehtiyacları anlamalıyıq.

Sevginin baharı
Aşiq olmaq bahar fəslinə bənzəyir. Biz elə düşünürük ki, bundan sonra yalnız xoşbəxt olacağıq. Öz yarımızı nə vaxtsa sevməyəcəyimizi heç ağlımıza da gətirmirik. Məsum duyğular fəslini yaşayırıq. Sehirli aləmdə yaşayırıq – hər şeyin mükəmməl olduğu sehirli aləmdə. Bizim üçün yarımız dünyadakı ən mükəmməl insandır. Sanki almanın o biri yarısını tapmışıq. Həyatımız birgəliyin harmoniyasında həzin-həzin axıb keçir. Bəxtimizin gətirdiyini düşünürük.


Davamı →
loading...
 

Sevgilinizi doğru seçmisiniz?

  • Sevgi
Sevgi ən gözəl duyğulardan biri olsa da təəssüf ki, bəzən duyğular qarşılıqlı olmaya bilir və ya zamanla azala bilir. Sizin üçün doğru adam ailənizə hörmət edəcək və onları qəbul edəcək şəxsdir. Lakin unutmayın, hörmət və sevgi bir-birindən fərqli iki duyğudur.

Hər sevən insan kimi sevdiyiniz adamın yanında bir az axmaqlaya bilərsiniz. Bu hər kəsin başına gələ bilər. Lakin doğru şəxs bunu əhəmiyyətli hesab etməz və sizdən əsla utanmaz.
Davamı →
loading...
 

Ömrü uzatmağın ən pozitiv yolu

  • Sevgi
Sevgi həm ruha, həm ürəyə, həm də sağlamlığa faydalıdır. Başqa cür desək, bu qısa ömrü sevgisiz yaşamayın. Kimisə sevəndə ürəyimiz daha tez-tez döyünür, nəfəs alıb-verməmiz sürətlənir və damarlara qan daha çox toplanır. Beləliklə, beyin və digər orqanlar daha məhsuldar işləyir. Sevgi insanı gəncləşdirir.

Sevgi yaşa baxmır: yaşlı bir insan da sevəndə eyni reaksiyalar baş verir, daha yavaş işləyən ürək sürətlənməyə başlayır.

Sevginin yaxşılaşdırcı gücü: sevgi əvvəl sadəcə bir duyğu olaraq bilinirdi. Ancaq araşdırmalar sevginin bioloji və kimyəvi sirlərinin olduğunu açıqlayıb. Hətta aşiqlər xəstələndiyində daha tez sağala bilirlər. Səbəbi sevən ürəyin bədəndə daha çox qan toplaması və immunitetin güclənməsidir. İnsanın sevdiyi ilə əl-ələ gəzintisinin idmandan geri qalan bir tərəfi yoxdur.
Davamı →
loading...
 

Sevginin unudulmaz anları

  • Sevgi
Ağılınızı başınızdan alan ilk gülüş
Birinə aşiq olduqda həyatımız demək olar ki, yaxşı mənada tamamilə dəyişir. Onu ilk gördüyümüz anda gülümsəməsi isə heç vaxt yadımızdan çıxmır. Həmişə xatırlayırıq ki, ona baxdığımızda gözləri necə parlayırdı və sanki dunyanı yandıracaq. Bu, unudulmaz bir şeydir, bəlkə də zehnimizə qazdığımız ən gözəl andır.

Dünyadakı yeganə insan
Bu, çox adi bir anda baş verə bilər. Nəsə olur və birdən kimisə həyatında ən əhəmiyyətli şəxs kimi hiss edirsən. Heç kim səni maraqlandırmır. Hətta həmin şəxsi dünyadakı yeganə insan kimi hiss edirsən. Bəli, bu insanın həyatındakı ən əhəmiyyətli anlarından biri halına gəlir.
Davamı →
loading...