Рейтинг
+55.17

Turizm

46 üzv, 72 topik

Mehrac Mahmudov | Məşhur səyahətçi

  • Turizm
156 ölkə gəzmiş azərbaycanlı səyyah haqqında Facebookda qeydlərlə yəqin ki qarşılaşmısınız. Paylaşdığı foto və informasiyalarla bizi virtual olaraq dünyanın ən ucqar ölkələrinə aparan Mehrac Mahmudovla daha yaxından tanış olmaq qərarına gəldik.
— Sizi yaxından tanıyaq. Mehrac Mahmudov kimdir?
— Naxçıvanda anadan olmuşam, orta təhsilimi orda tamamlayıb Sankt-Peterburq (Leninqrad) şəhərinin Politexnik İnstitunun məzunu olmuşam. Hal-hazırda səyahətdən başqa Bakıda şəxsi biznesimlə məşğulam.
— 156 ölkə gəzmisiniz. İlk dəfə səyahətə çıxmaq qərarına necə gəldiniz?
— Səyahətə çıxmaq kimi ayrıca bir qərarım yox idi. Sadəcə mən hərdən işimlə əlaqədar, bəzən isə səyahət məqsədi ilə tez-tez səfərlərə gedirdim. Daha sonra isə maraq dairəmi genişləndirmək üçün səfərlərimin sayını artırmaq qərarına gəldim.
Davamı →

Şimal qütbünə səyahət | Mehrac Mahmudovun təəssüratları

Arktika, Şimal qütbü, ekspedisiya…. Bu sözlər Sovet dövrünün istənilən yeniyetməsini ovsunlayırdı. Qütbə səfər etmək şərəf sayılır. Planetin “başına”, 90 dərəcə şimal enliyinə çatmaq, əbədi buzları görmək bir çoxlarının arzusudur.
Bu baxımdan mənim bəxtim gətirdi – beynəlxalq Quark Expedition təşkilatından olan köhnə tanışlarım məni Arktikaya, Şimal qütbünə elmi ekspedisiyada iştiraka dəvət etdilər. Ekspedisiyanın məqsədi Arktika ilə tanışlıq və iqlim dəyişkənliyinin planetin ən ucqar şimal nöqtəsinə təsirini öyrənmək idi.
Davamı →

Turizmdə Qida Sektoru

  • Turizm

Turizmdə qida sənayesi

    Turizm məhsulunun tərkibində qidalanma vacib xidmət sayılmır, lakin insanın bioloji varlıq olduğunu nəzərə alsaq, onun olduğu hər yerdə bu fizioloji tələbatını ödənməlidir. Əksər mehmanxanaların öz şəxsi qida xidmətləri göstərən müəssisəsi olur. Lakin bəzilərində bu xidmətlər göstərilmir va ya yalnız səhər yeməyi ilə kifayətlənilir. Bu tip mehmanxanaların yaxınlığında mütləq qida müəssisələri fəaliyyət göstərməlidir.

   Aşağıda turistlərə daha çox xidmət göstərən qida müəssisələrə baxaq:

Restoran — (fransızca restaurer, bərpa etmək, yenilətmək deməkdir) sifariş əsasında hazır yemək və içki təqdim edən, yüksək xidmət səviyyəsinə malik qida müəssisəsidir. Burada müxtəlif çeşidli yeməklər təqdim olunur. Onlar qonaqlar üçün müxtəlif stollardan və ya otaqlardan ibarət olur. Oturacaqların sayına görə restoranlar kiçik (10-15 yer) və böyük (500 və daha çox) olur. Restoranlar həm də arxitektur görünüşünə, həm də interyerinə görə fərqlənirlər. Restoranlar ilk dəfə olaraq 18 əsrdə Fransada yaranmışdır. 1765-ci ildə Parisdə yaradılmış ilk restoranda Bulanje (Boulanger) adında şorba verilirdi. Bizə məlum olan restoran görünüşündə (qonaqlar ayrı-ayrı stollarda əyləşmir, yeməyi menyüdən seçir, işləmə vaxtı qaydaya əsasən aparılır) ilk yeməkxana 1782-ci ildə Bovilye (Beauvilliers)adında fəaliyyət göstrməyə başlamışdır.

Dünyada bir çox milli mətbəxlərə əsaslanan restoranlar mövcuddur. Onların arasında isveç, italyan, çin, hind, yapon, yunan, türk, fransız, alman, avstriya mətbəxləri daha məşhurdur. Adətən turistlər getdikləri ölkənin mətbəxi ilə tanış olmağa meylli olurlar. Son zamanlar hətta yalnız bir ölkənin mətbəxinə əsaslanan restoranlardan fərqli olaraq yalnız ekoloji, vegetarian, pəhriz yeməkləri təklif edən qida müəssisələri də yaranmağa başlayıb.

Restoranlar ixtisaslaşmalarına görə də bir-birindən fərqlənirlər. Məsələn, yalnız ət və ya balıq yeməkləri təklif edən restoranlar. Əlbəttə ki, bu tip istisaslaşmış restoranların menyusunda mütləq bir dənə də olsun başqa növ yemək olmalıdır.

“A lya kart” (A la Carte) – Bu növ menyuda göstərilmiş hər yeməyin qarşısında qiymət qeyd olunur. Bu menyudan adətən bahalı restoranlarda istifadə edilir. A lya kart” xidmət sistemində müştərilər menyuda göstərilən yeməklərdən azad seçim etmə imkanına malik olurlar.

“Tabldot”  (Seçməsiz yemək) – Fransızca «qonaq süfrəsi» mənasına gələn «Table d`hote» kəliməsinən götüülmüşdür. Menyuda olan bütün yeməklərə ümumi qiymət qoyulur. Bu qiymətə bir çox yemək çeşidi daxil edilir. Eyni zamanda müştərilərin uyğun seçimi üçün yemək yığımları bir neçə variantlarda və fərqli qiymətlərda  təklif edilir. “Tabldot” xidmət sistemində bütün müştərilər üçün yemək seçimi etmək imkanı qoymayan vahid menyu təklif edilir. Yəni bu yemək yığımlarının içərisində hansısa yemək müştərinin ürəyincə olmaya bilər.

Son zamanlar geniş yayılmış xidmət sistemlərindən biri “isveç stolu”dur. Bu xidmətin prinsipinə müştəri tərəfindən stol üzərində təqdim edilmiş fərqli yeməklər arasında dadından, qədərindən asılı olmayaraq müstəqil seçim edib özünəxidmət etməsidir.

Kafeteriya – müxtəlif içki növlərinin, xüsusilə də kofenin fərqli növlərinin təklif edildiyi müəssisədir. Kafeteriyalarda mütləq kofenin yanında likör, konyak kimi spirtli içkilər də təklif edilir. Bunun üçün çox vaxt “a lya kart” servis təqdim edilir. Menyuya soyuq və isti içkilərin yanında məhdudlaşdırılmış formada qənnadı və ya mətbəxdə hazırlanmış məmulatlar, isti yeməklər daxil edilə bilər. Burada xidmət ofisiant tərəfindən həyata keçirilir.

Kafe (fransızca Café) — ictimai yeməkxana və istirahət yeridir. Kiçik restorana oxşayan, ancaq məhsullarının çeşidi az olan bu müəssisə oraya gələn insan kontiqentinə görə gənclik, uşaq və s. bölünür. Bundan əlavə yemək çeşidinə görə dondurma kafesi, şirniyyat kafesi də olur. Qənnadı kafelərdə kofenin yanında geniş çeşiddə qənnadı məmulatları təklif edilir. Dondurma kafelərdə isə müxtəlif dondurma çeşidləri, isti içkilər, meyvə şirələri, mineral sular, spirtli içkilər təklif edilir. Kafelər ayrı-ayrı binalarda, əsasən restoranlardan fərqli olaraq binalara yaxın tiklilərdə yerləşirlər. Bəzən yolların kənarında da yerləşir. İqlimdən asılı olaraq dənizkənarı, çaykənarı kafelər fəaliyyət göstərir. Yay vaxtı kafelər yerləşən binaların kənarında açıq səma altında da kafelər işləyirlər.

Yeməkxana – şəxsi istehsala görə məhsullardan hazırlanan və realizə edilən qidalanma müəssisəsidir. Adətən birinci dərəcəli mehmanxanalarda, bəzən kurortlarda, təhsil ocaqlarında, müəssisələrdə bu tip qidalanma müəssisələri fəaliyyət göstərir.

Turistlər istehsalat ekskursiyası zamanı yeməkxanalara müraciət edə bilərlər.

Belə müəssisələrdə kompleks menyu, bəzən isə periodik menyular təklif edilə bilər.

Pizzacı – müxtəlif çeşiddə pizzaların təklif edildiyi müəssisədir. Burada mineral su, şirə və şərab da sifariş etmək olar.

Bufet müştərilərə tez xidmətin göstərilməsi üçün nəzərdə tutulur. Burada soyuq qəlyanaltılar, buterbrodlar, soyuq və isti içkilər, qənnadı məmulatları, bəzi asan hazırlana bilən isti yeməklər təklif edilir.

Bar müştərilərə əsasən alkoqollu içkilər (çox vaxt kokteyl şəklində) təqdim edilən, içində içki vermək üçün hündür stola və stullara malik guşə olan istirahət yeridir. Bar sözü ingilis mənşəli olub, baryer sözündən əmələ gəlmişdir. Burada içkilər saxlanılan şkaflar nəzərdə tutulur. Məqsəd Amerikanın məskunlaşmadırılması zamanı içkiləri qorumaq idi. Barların əksəriyyəti axşam və ya gecə açıqdır. Barlar ölçüsünə, təhcizatına görə bir-birindən fərqlənməklə pivə, şərab və kokteyl barlara ayrılırlar.

Tez xidmət göstərən qida müəssisələri tez hazırlana bilən yemək növü olub, xüsusi yeməkxanalarda verilir. Sifariş etmə və hazırlama arasında çox vaxt cəmi 10 dəqiqə vaxt olur. Çoxlu miqdarda fastfood restoranları mövcuddur. Onlardan “KFC”, “McDonalds”, “Burger King”,  pizza üzrə ixtisaslaşan «Dominos Pizza» “Pizza Hut” kimi “fast food”ları misal göstərmək olar.   

        

Dünyada ən çox «fast food» istifadə edən ölkələr:

Amerika Birləşmiş Ştatları «fast food»ların ən çox istifadə edildiyi ölkə hesab olunur. Ölkədə restoranlarda təqdim olunan qidaların 50 faizindən çoxunu hamburgerlər tutur. Bu səbəbdən «fast food» amerikalıların sevimli qidası hesab olunur. Ən böyük «fast food» restoranı isə «McDonalds» şəbəkəsidir.

Fransa özünə xas mətbəxi ilə tanınan ölkələrdən hesab olunur. Ancaq son illərdə qidaların 54 faizini «fast food»lar təşkil edib. Keçən zaman ərzində «Burger King» firması Fransada olan nümayəndəliklərini bağlayıb. Ancaq iş yerlərində nahar fasilələrinin azaldılması insanların «fast food» istifadəsini artırıb. 

Kanada  «fast food» istehlakının ən çox olduğu ölkələrdən biri hesab olunur. Qida  bazarın 25 faizinə ölkənin öz markası kimi «Tim Hortons» sahibdir. Dünya nəhəngi «McDonald» 11 faizlə qida bazarının ikinci böyük hissəsini təşkil edir. 

İngiltərə «fast food»un ən çox istifadə olunduğu 4-cü ölkə hesab olunur. Son illərdə ölkədə sağlam qidalanmanı artırmaq məqsədi ilə restoranlarda menyularda təqdim olunan yeməklərin qarşısına kalori miqdarları qeyd olunur. Beləliklə, insanlar hansı yeməyin nə qədər kaloriyə sahib olduğunu görüb, öz seçimlərini edə bilirlər. İngiltərə bazarında ən böyük paya sahib olan fastfood zəncirləri isə «McDonald», «KFC» və «Burger King»dir. 

Cənubi Koreya «fast food»un ən çox istifadə olunduğu 5-ci ölkə hesab olunur. İqtisadi böhran səbəbi ilə cənubi koreyalılar qida sektoru xidmətlərindən daha ucuz faydalanma yoluna yönəliblər. Ölkədəki «fast food» mədəniyyəti, daha çox qəhvə və şirin menyuları təqdim edən markalar üzərində cəmlənib.

Əyləncə turizmi

Latınca “Entertain” sözündən götürülən əyləncə sözünün mənası “tutmaq” deməkdir. Əyləncə əsasən boş vaxtın parçasıdır. Dünyada hər gün bir çox insanın boş vaxtı var. İnsanlar bu zamanı aktiv keçirmək istəyirlər və çox vaxt əyləncə turizminə müraciət edirlər.
Əyləncə sənayesi XX əsrin əvvəllərindən etibarən meydana çıxmışdır. Onda əsas irəliləmə II Dünya müharibəsindən sonrakı dövrə təsadüf edir. 1930-1940-cı illərdəki ekonomik böhranı, o zaman keçirdikləri qaranlıq günləri unutmaq üçün adamlar müxtəlif əyləncə vasitələrindən istifadə etmişlər. Son illərdə də əyləncə turizmi daha da inkişaf etmişdir.
Davamı →

Ekzotik istirahət Şri-Lanka

Elə bir insan göstərin ki, səyahət etməyi, dünyanın dörd bir yanını gəzməyi arzulamasın. Üstəlik, gedəcəyin ölkənin adət-ənənəsi, arxitekturası və ən əsası milli mətbəxi hər kəs üçün maraqlıdır. Bu məqamda bir növ bələdçiniz olmaq istədik. 


Buddanın vətəni hesab olunan Şri-Lanka o qədər gözəl və əsrarəngizdir ki, hər yeri bir anda gəzmək istəyirsən. Ratnapura — dünyanın və Şri-Lankanın ən qiymətli yeri sayılır. Burada orta əsrlərdə inşa olunmuş və hər tərəfi zümrüd, yaqut, ametis, topazla bəzədilmiş sarayın işartısı adamın gözlərini hələ şəhərə girmədən qamaşdırır. Ratnapurda turistlərə qiymətli daşların emal olunduğu zavodları gəzməyə də icazə verirlər.


Ardı →

Sirli və uzaq Tasmaniya

Avstraliyanın cənubunda yerləşən Tasmaniya dünyanın ən qeyri-adi yeridir. Bakıdan Tasmaniyaya birbaşa uçuş olmadığından Bakı-Moskva-Melbrun-Xobart reysindən istifadə etməlisən.

Dəbdəbəli otellərdən çox taxta evləri ilə məşhur olan ada sənə əsl cənnət diyarını xatırladacaq.

Təmizliyə söz olan bilməz. 3 gün üçün 250 dollar ödəməlisən. Turistlərə bura iyundan sentyabra kimi gəlmək məsləhət görülür.

Flinders adasının narıncı-boz qayalıqları, Leminqton Milli Parkındakı ekzotik bitki örtüyü, 30 milyon yaşı olan Sent-Kleri mağarası, suyunda mələklərin çimdiyi Liffey şəlaləsi Tasmaniya adasının incisi hesab olunur.

Mətbəx
Tasmaniyada bütün dünya mətbəxinə rast gəlmək mümkündür. Milli mətbəx isə daha çox dəniz məhsullarından hazırlanan yeməklərdən ibarətdir. Tasmaniya səyahəti zamanı Straxan qəsəbəsində yerləşən “Franklin Manor” restoranına mütləq get.


Ardı →

Vatikana dadlı səhayət


Vatikan
 — müstəqil şəhər-dövlətdir. Hər birimizə Roma Papasının iqamətgahı yerləşən Roma katolik kilsəsinin mərkəzi kimi tanışdır. Bu kiçik dövlətin başçısı da Papadır.

Vatikan şəhər-dövləti 7 iyun 1929-cu ildə imzalanmış “Lateran” müqaviləsi əsasında yaradılıb. Sahəsi 44 hektar, əhalisi isə cəmi 830 nəfərdir. Paytaxtı Vatikan şəhəridir. O, bütün dövlət atributlarına malikdir, dünyanın əksər ölkələri ilə diplomatik münasibətlər saxlayır. BMT-nin üzvü olmayan yeganə Avropa dövlətidir. Vatikan 134 nəfərlik İsveçrə qvardiyası tərəfindən mühafizə edilir. Bura hər il 17 milyondan artıq turist və zəvvar baş çəkir. Siz də onlardan biri ola bilərsiniz…


Ardı →

Qadınlar üçün ən qorxulu ölkələr

Ekzotik ölkələrə səyahət etmək hər bir insanın arzusudur. Lakin elə ölkələr var ki, qadınların oraya səyahət etməsi həyatları bahasına gələ bilər.

Yay aylarında səyahətə çıxmazdan öncə qadınlar getdiyi ölkənin təhlükəlilik göstəricisinə fikir verməlidir.

Hindistan
Hindistanda yerli və xarici qadınların zorlanması artıq adət halına çevrilib. Çoxmillətli ölkədə hər 20 dəqiqədən bir qadın zorakılığına rast gəlinir. Təqdim olunan hesabata əsasən, Hindistanda zorlama halları 2010-cu ildən bəri 7,1 faiz artıb. Həmçinin o da qeyd olunur ki, Hindistan  dünyada yeganə yerdir ki, bir qadın oraya getməzdən öncə iki dəfə düşünməlidir.


Ardı →

Dünyanın ən gözəl çayı - "Cano Cristales"

  • Turizm

Kolumbiyanın Sierra de la Macarena bölgəsində yerləşən,  xalq tərəfindən «5 Rəngin Çayı» olaraq adlandırılan Cano Cristales çayı «cənnətə doğru irəliləyən çay» və «dünyanın ən gözəl çayı» olaraq da bilinir.

İlin əksər vaxtı başqa çaylardan fərqi yoxdur, yaşıl yosunlarla örtülü daşları və masmavi suları vardır. Ancaq çay hər il qısa bir müddət üçün sanki çiçək açır və göyqurşağının bütün rənglərini özündə birləşdirir.

Kolombiyanın yağışlı mövsümü boyunca çayın su kütləsi daha sürətli və dərindən axır, çayın dibini qaraldaraq görünməz edir. Belə olduqda çaydakı yosunlar ehtiyac duyduqları günəş şüalarını ala bilmirlər.

Quraq mövsüm boyunca isə çaydakı həyatı bəsləyəcək qədər su tapılmaz. Ancaq yağışlı və quraq mövsüm arasında elə bir dövr də vardır ki, su səviyyəsi olması lazım olduğu kimi olur, onlarla növ yosun və alg mükəmməl bir rəng müxtəlifliyi nümayiş etdirir. Mavi, yaşıl, qara, qırmızı və çəhrayı rəngin minlərlə tonu çayın üzərini örtür.


Ardı →

Mədəniyyət və sənət mərkəzi Madrid - Fotolar

  • Turizm

Kayzen.az ailəsi olaraq Avropanın ən gözəl və tarixi şəhərlərindən biri hesab edilən Madridin gəzməli və görməli yerləri haqqında maraqlı məlumatları oxucularımızın diqqətinə çatdırırıq. İspaniyaya 1561-ci ildən paytaxtlıq edən bu şəhər Avropanın ən yüksək paytaxtlarından biridir və dəniz səviyyəsindən 651 metr yüksəklikdə salınmışdır. Hər il milyonlarla turistin ziyarət etdiyi bu şəhər tarixi tikililəri, muzeyləri, geniş meydanları və parkları ilə əyləncəli zaman keçirmək istəyənlər üçün əvəzedilməz məkandır.

Madrid Prado Muzeyi: Madridin görüləcək yerlər arasında ön sıralarda olan Prado Muzeyini ildə təxminən 2 milyon turist ziyarət edir. Picasso kimi məşhur rəssamların əsərləri burada sərgilənir.


Ardı →