Youtube video sosial şəbəkəsində Masonlar, İlluminati haqqında axtarış edərkən qarşıma çox maraqlı serial videolar çıxdı -GƏLƏNLƏR (The Arrivals). Bir neçə bölümünü bir nəfəsə seyr etdikdən sonra, daha da maraqlı gəlməyə başladı və 50 hissəsinin hamısını izlədim. Video serialın adının nə üçün GƏLƏNLƏR olması yəqin ki sizi çox düşündürdü. Səbəb isə tək Allahlı dinlərdə — Yəhudilik, Xristianlıq və Müsəlmanlıqda Qiyamət günündən qabaq ədalətsizlik, zülm və nizamsızlıqla dolan dünyada bütün bunları bərpa etmək üçün XİLASKARLARIN — Hz.İsa(ə) və Hz.Mehdi(ə) zühur etməsi inancının bu video serialda işıqlandırılmasıdır. Təbii ki,XİLASKARLARIN DƏCCAL (Antichrist) kimi böyük düşməni  olacaqdır ki, bu filmdə onun peyda olması və «yer altından»  fəaliyyət göstərməsinin nişanələri göstərilir. Bir çox tarixi və dini mənbələrdə göstərildiyi kimi DƏCCAL özünə böyük ordu yığacaq vəXİLASKARLARIN inanclılardan ibarət ordusuna qarşı bəlkə də 3-cü dünya müharibəsi adlandırılacaq böyük bir müharibə — Xeyir və Şərin müharibəsi başlayacaqdır. GƏLƏNLƏR (The Arrivals) «Hashemsfilms» tərəfindən ABŞ və digər bir çox ölkələrdə sübutlar yığılaraq uzun müddətli araşdırmalar nəticəsində çəkilmişdir.

Dünyanı idarə edənlər adlandırılan - Masonların gizli fəaliyyətləri, siyasətləri, musiqi və kino ulduzlarından necə məharətlə istifadə etmələri məni heyrətə saldı. Hələ onların memari tikililəri haqqında olan hissəyə baxarkən  Bakıda yeni tikilən bir çox tikililər gözümün qabağına gəldi. Belə ki, hər bir sənətkar öz əsərində öz imzasını qoyduğu kimi bu masonlar da öz tikililərində müəyyən şifrələr ilə öz imzalarını qoyurlar. Hələ cizgi filmlərində uşaqların beynini yuyan və yaşlarına heç uyğun olmayan simvollar və şifrələnmiş səhnələrin yer alması məni çox dəhşətə gətirdi. Televiziya, demokratiya, hollywood, pop musiqisinin pərdə arxasında qalan bütün sirləri ilə tanış olmaq istəyirsinizsə mütləq bu video serialı izləyin. Video serialın bütün hissələrinə blogun youtube kanalında baxa bilərsiniz.

YOUTUBE KANALINDA baxa bilərsiniz.

Biraz qara günümüzdən danışaq.

Bu sual ətrafinda illərdir baş sındırıram, cavablar axtarıb tapır və praktik olaraq öz üzərimdə sınamağa çalışıram. Çox irəli getməmiş, bəziləriniz sual verə bilər ki: “Axı biz nə gündəyik ki?” .  Xırda bir xatırlatma edib, problemin həlli istiqamətində variantlar üzərində dayanacam. İlk olaraq ondan başlayaq ki, torpaqlarımızın 20 faizi – Qarabağımız işğal altındadır.  Əgər bir az da dərindən fikirləşsək, hələ Cənubi Azərbaycanımız, İrəvanımız, Göyçəmiz də əlimizdən çıxıb. Bu yerdə nə romantizm və nə də ağlaşma qurmaq fikrim yoxdur, problemin həlli yolların axtarıram. Nə gündə olmağımızı anlamaq üçün davam edək, torpaq problemindən sonra, ölkədə insanlarımızın maddi vəziyyəti elə də ürəkaçan deyil, sübut kimi 4 milyondan çox həmyerlimizin Rusiya bazarlarına üz tutmasını göstərmək olar. Ölkədə qalan vətəndaşlarımızın da vəziyyəti elə də ürəkaçan deyil, bəzilərimiz ya rüşvət veririk, ya da rüşvət alırıq.