Farid_Abdullah
Reytinq
+170.12
Güc
425.06

Farid_Abdullah

Fərid Abdullah

Dua haqqında düşüncәlәr


1. Dua problemin sözlәr vasitәsilә aydınlaşdırılması vә ifadә edilmәsidir. Biz dua edәrkәn nә istәdiyimizi özümüz üçün dә aydınlaşdırırıq. Dua edәrkәn problem qabardılır, onun hәlli yolları da insan üçün müәyyәnlәşir.

2. Dua etmәk bizim yalnız olmadığımızı göstәrir. Bilirik ki, danışarkәn bizi dinlәyәn var. Bizә danışmağa macal verir. Bu, insanda qәlbi rahatlıq bәxş edir. Bu hәm dә pulsuz ünsiyyәt vasitәsidir. Psixoloq bizdәn bunun әvәzindә pul istәyәcәk, başqa insanların isә bizlә dәrdlәşmәyә vaxtı çatmayacaqdır.

3. Dua insana enerji verir. Mütәmadi dua edәn şәxs mәqsәdi uğrunda cәhdlәrini dә intensivlәşdirir vә sәy göstәrir.

4. Dua etmәk insanın mәnfi yükünü azaldır, onu stresdәn qoruyur. Dәrdini paylaşa, dilә gәtirә bilmәyәn insan yüklәnmiş olur vә nә etdiyini bilmir.

5. Dua insanda özünәinam yaradır. Dua edәn şәxs arxasında böyük bir qüvvәnin durduğuna inanır vә ona arxalanır.

6. Dua insanı eqoistlik, xudpәsәndlikdәn çәkindirir. O, özünә yaxın olan, kömәyә ehtiyaclı insanları da dua etmәyә çalışır. Onlara bacardığı qәdәr maddi vә mәnәvi yardım edir. Gücü çatmadığını isә Allaha hәvalә edir.

7. Dua insanı günah vә çirkin işlәrdәn çәkindirir. Belә ki, ilahi dәrgaha üz tutmağa çalışan insan tәmiz olmağa çalışır.

Qeyd: Hәr kәsin dua etmәyә ehtiyacı var. Әslindә bütün dinlәrin әsas hәdәfi insanla Allah arasında olan rabitәni güclәndirmәk olmuşdur. Amma tәәssüf olsun ki, daha sonra bu müqәddәs amal pozulub, tәhrifә uğramışdır. İslam dininә görә dә, dua hәm dә ibadәt sayılır. İnsan Allahla yanaşı başqa bir kәsi yanaşı tutmamalıdır. Çünki bu, sәmimiyyәtsizlik vә Allahı qüdrәtsiz hesab etmәkdir.

Fәrid Abdullah.

Sәn hәlә dә özünü bәdbәxt sayırsan? (Psixoloji motivasiya)



Belә bir optimist hәyat tәrzi vardır. Bu günlә yaşamaq. Ay dostlar, gәlin siz dә, mәn qarışıq bir vәrәq götürәk. Orada sadalayacağım şeylәri yazaq vә әmәl edәk. Әgәr sizdә müәyyәn bir vaxtdan sonra (әn azı 40 gün) hәr hansı bir dәyişiklik olmasa mәnә nә deyirsiz, deyin. Proqramın adı «Mәhz bu gün»dür.

1. Mәhz bu gün mәn xoşbәxt olacağam. Linkolnun sözü olmasın, insanlar xoşbәxt olmaq üçün nә qәdәr qәrarlıdırlarsa, bir o qәdәr xoşbәxtdirlәr. Xoşbәxtlik bizim içimizdәdir. Onu kәnarda axtarmaq lazım deyil.

2. Bu gün mәn hәr şeyi olduğu kimi qәbul edәcәyәm. Yәni hәr şeyi öz arzu vә istәklәrim әsasında olmasını kәnara qoyacam. Ailәmi, dostlarımı olduqları kimi sevәcәyәm.

Ardı →

Bunları edərək özünüzü bədbəxt etməyin!

  

Gəlin, bu gündən yeni həyata başlayaq. Deyirlər ki, keçmişə qayıdaraq ötüb-keçənləri dəyişmək imtiyazı heç kəsə verilməmişdir. Amma hər birimiz aqibətimizi xeyirli və uğurlu edəcək yeni başlanğıc nöqtəsini seçə bilərik. Bunun üçün bəzi şeyləri həyatımızdan kənarlaşdırmalı, bizi durdura biləcək hərəkətləri etməkdən çəkinməliyik.

1.Sizə uyğun gəlməyən insanlara vaxtınızı sərf etməyin
Həyat çox qısadır. Enerjinizi tükədən, mənfəətləri üçün istifadə edən insanlara ömrünüzü sərf etməyə dəyərmi?! Kimsə sizi öz həyatında dəyərli biri kimi hesab edirsə, rahatlığınızı təmin edəcək hər bir şeyi edəcək. Daha kiminsə həyatında yer tutmağa bu qədər can atmağa ehtiyac qalmayacaq. Dəyərinizi aşağı salan, işinə yaramadıqda sizi alçaldıb, ehtiyac duyduqda üzr istəyərək yaltaqlanan insanlardan uzaq durun.

2.Sizi əhatə edən problemlərdən qaçmayın
Problemlə qarşılaşdıqda qaçmayın. Əksinə, onunla üz-üzə gəlin. Bilirəm, bu heç də asan deyil. Cəld reaksiya verərək çətinliyi anidən həll etmək iqtidarında deyilik. Çox vaxt çətinlik və problemlə qarşılaşdıqda kədərlənir, acı hiss edir, tənəzzülə uğrayır, depressiyaya düşürük. Həyatın bir mənası da məhz budur. Problemlə üzləşdikdə çıxış yolunu öyrənir, daxili potensialımızı kəşf edirik. Bizi insan edən də budur.


Ardı →

Nə üçün bir insan ona məhrəm sayılan birisi ilə evlənə bilməz?

   
   Nə üçün bir insan ona məhrəm sayılan birisi ilə evlənə bilməz?

Sual oluna bilər ki, nə üçün bir kişi və ya qadın ona məhrəm sayılacaq (ana, ata, bacı, qardaş, nənə və s.) kəslərlə evlənə bilməz? Bunun bir dəlil-sübutu varmı?

Sözsüz ki, hikmət sahibi olan Allahın bu iş üçün göstərişi vardır. Belə bir evlilik İslam dininə görə qəti qadağan edilmişdir. Bu hökmün dəlili isə «Nisa» surəsinin 23-cü ayəsidir. Belə ki, bu ayədə buyurulur:
«Sizə analarınız, qızlarınız, bacılarınız, bibiləriniz, xalalarınız, qardaş və bacılarınızın qızları, süd analarınız, süd bacılarınız, arvadlarınızın anaları və yaxınlıq etdiyiniz qadınlarınızın himayənizdə olan qızları (ögey qızlarınız) ilə evlənmək haram edildi. Cinsi əlaqədə olmadığınız qadınlarınızın qızları ilə evlənmək isə sizin üçün günah deyildir. Öz belinizdən gələn oğullarınızın arvadları ilə evlənmək və iki bacını birlikdə almaq da sizə haramdır. Yalnız keçmişdə (Cahiliyyət dövründə) olan bu cür işlər müstəsnadır. Həqiqətən, Allah bağışlayandır, rəhm edəndir!»
Bu ayəyə əsasən Allah-Taala kişilərə ana, bacı, bibi, xala, bacı qızı, qardaş qızı və s. ilə evliliyi əbədi haram etmişdir. Düzdür, bu hökmün həqiqəti, fəlsəfəsi bizim üçün aydın deyil. Lakin Quran təfsirçiləri bu ayə barədə bəzi fikirlər söyləmişlər:
1. Bütün insanlar təbii olaraq bu cür insest yaxınlığa nifrət edirlər. Buna görə də az bir dəstə istisna olmaqla bütün qövm və millətlər məharim ilə evliliyi qadağan etmişlər.
2. Məharim arasında ümumi qayda olaraq, cazibə, cinsi təhrikedicilik yoxdur. Çünki, öz aralarında bir-birilərinə qarşı hörmət və ehtiram göstərirlər. Onlar üçün əks cins adi sayılır. Psixoloji cəhətdən onlar qarşı tərəfi özləri üçün sərhədləmişlər. Amma ümumi hal budur ki, insanı əks cinsi ilə yaxınlığa cinsi cazibə təhrik etdirir. Əgər Allah etməsin, insest hadisə gerçəkləşsə belə, bu süst və hissiyyatsız olacaqdır.
3. Məharim olmayan birisi ilə evlilik, ictimai bağları bir-biri ilə bağlayır. İnsanlar doğru hesab edilmiş evlilik vasitəsilə nəsil artırır, digərləri ilə qohumluq əlaqələri qurur və insanlığın rabitəsini möhkəmləşdirirlər. Bir sözlə, özlərini «dörd divar arasında» görmək istəmirlər. (Şeyx Nasir Məkarim Şirazinin «Nümunə təfsiri»ndə bu barədə qeyd edilmişdir. Müraciət edə bilərsiz, c.3, s.327,328)

Qeyd edək ki, bir çox xarici ölkələrdə bu cür insest hadisələri ara-sıra gözə dəyir. Bu da onun göstəricisidir ki, din və iman olmayan yerdə cinayət və fəsad törəyir. Nəzarətsiz qalmış insan vəhşi yırtıcı kimi saldırğan olur.

Hazırladı: Fərid Abdullah

Qısa zaman ərzində tam şəkildə yatmaq mümkündürmü? METODİKA

   
    Qısa zaman ərzində tam şəkildə yatmaq mümkündürmü? Yuxunu 4-5 saat qədər azaltmaq olarmı? METODİKA

Alimlərin araşdırmasına görə, insana yenidən güc verəcək, onu gümrah edəcək tamamlanmış yuxunu əldə etmək üçün adi insan orqanizminə gün ərzində 5 saat yuxu da kifayət edir. Amma bu 4-5 saatı yatmaq üçün yuxunun bir sıra prinsip və qanunlarına riayət etmək lazımdır. 

İndiki əsrdə həyat ritminin daha da yüksəldilməsi, onun daha da sürətləndirilməsi yolunda mütəxəssislər çoxlu səy göstərməkdədirlər. Bu alimlər elə bir üslub yaratmaq istəyir ki, insan gün ərzində 4-5 saat probemsiz şəkildə yatsın və bunun əvəzində gün ərzində özünü gümrah hiss etsin. Bunun üçün bir sıra əməllərə riayət etmək lazımdır. 

1. Yatmamışdan əvvəl özünü sakitləşdirmək, rahatlaşdırmaq gərəkdir. Belə ki, həyəcan və problemlərinizlə birlikdə yuxuya getməyə ehtiyac yoxdur. Buna görə də, yatmamışdan 10-15 dəqiqə əvvəl nəsə gözəl bir şey haqqında düşünməyə çalışın və ya sakitləşdirici musiqilərə qulaq asın.
Ardı →

Zilhiccə ayının 1-ci günü nə edək?

           Birinci gün: Çox mübarək bir gündür. Bu gün üçün bir neçə xüsusi əməl qeyd olunmuşdur.
1. Oruc tutmaq. Belə ki, bu gün oruc tutmaq 80 ay oruc tutmağın savabına bərabərdir.
2. Həzrət Fatimənin (s) namazını qılmaq. Şeyx buyurmuşdur: Rəvayət olunub, bu namaz 4 rəkətdir. Əmirəlmöminin namazı kimi iki salamı var. Hər rəkətdə bir «Fatihə» surəsi və 50 dəfə "İxlas" surəsi oxunulur. Namazdan sonra Həzrət Zəhranın təsbihatı (34 dəfə «Allahu əkbər», 33 dəfə "Əlhəmdulillah", 33 dəfə «Subhanəllah») deyilir, daha sonra bu dua oxunulur:
«Subhanə zil-izziş-şamixil-muniyfi, subhanə zil-cəlalil-bazixil-əziymi, subhanə zil-mulkil-faxiril-qədiymi, subhanə mən yəra əsərən-nəmləti fis-safa, subhanə mən yəra vəq`ət-tayri fil-həva`i, subhanə mən huvə həkəza və la həkəza ğəyruhu.
Ardı →

Zilhiccə ayının ilk ongünlüyü nə edək?

   
 Zilhiccə ayı çox şərif aylardan hesab olunur. Bu ay yetişdikdə, peyğəmbərimizin nümunəvi səhabələri, tabeinlər, ibadət etməkdə daha çox səy göstərərdilər. Bu ayın birinci ongünlüyü Qurani-məciddə «məlum günlər» kimi qeyd edilmişdir. Allah Rəsulundan rəvayət olunmuşdur ki, bu on günlükdə edilən ibadət və yaxşı işlər Allahın yanında daha sevilən və daha bəyəniləndir. Bu ongünlüyün xüsusi əməlləri vardır: 
1. Oruc tutmaq. Belə ki, bu ongünlükdə oruc tutmaq bütün ömür boyu oruc tutmağa bərabərdir.
2. Həmin bu on gün ərzində məğrib və işa namazı arasında iki rəkət namaz qılmaq. Hər bir rəkətdə «Fatihə» surəsindən sonra "İxlas" surəsi, daha sonra aşağıdakı ayə oxunulur:
«Və və`ədna Musa səlasiynə ləylətən və ətməmnahə bi`əşrin. Fətəmmə miyqatu rəbbihi ərbəiynə ləylətən və qalə Musa liəxiyhi Harunə-xlufni fi qaumi və əslih və la təttəbi` səbiyləl-mufsidin.»
Tərcüməsi: Musa ilə otuz gecə (oruc tutub dua edəcəyi, bunun müqabilində ona Tövratı nazil edəcəyimiz və özü ilə danışacağımız) barədə vədələşdik, sonra ona daha bir on gün də əlavə etdik. Beləliklə, Rəbbinin (ibadət üçün) təyin etdiyi müddət tam qırx gecə (gün) oldu. Musa qardaşı Haruna dedi: “Sən tayfam içində mənim xəlifəm ol, (camaatı) islah etməyə çalış və (yer üzündə) fitnə-fəsad törədənlərin yolu ilə getmə!” ("Əraf", 142)
Bu namazı qılan şəxs hacıların əldə etdiyi savaba şərik olar. 
Ardı →

Nə üçün qızların elçiliyə getmə haqqı yoxudur? Nə üçün həmişə seçilməlidirlər?

  
 Nə üçün qadın ehtiyac simvoludur? Nə üçün qızların elçiliyə getmə haqqı yoxudur? Nə üçün həmişə seçilməlidirlər?

Təbii psixologiyasına əsasən, ehtiyaclı olan bir varlıq seçir. Seçilən bir kəs seçən kəsin istəyini təmin edir. Buna əsasən deyilə bilər ki, qadın evlilik və yaşayış məsələsində zənginliyin simvoludur. Onun misalı yalnız varlığını göstərən gül kimidir. Kişi isə ehtiyac simvoludur ki, həyat ehtiyacını təmin etmək üçün bu gülün ətrafında dövrə vurur.

Bu arada qadının seçilməsi məcburi bir məsələ deyil. O, bəzi seçicilərini rədd edə bilər. (Əlbəttə, məsumlardan (Allahın salamı olsun onlara) nəql olunan rəvayətlərə əsasən, bu ehtiyacı oğlanlara və o zənginliyi qızlara vermiş olan Allah, zənginlik vasitəsindən istifadə edərək, heç bir dəlili olmadan ehtiyaclı olan elçini özündən uzaqlaşdırmağı qıza münasib bilmir.)

Ardı →

Hamiləliyini yarıda kəsmək istəyən ananın hekayəsi

       Bir qadın narahat olmuş halda ginekoloqun yanına gəlib deyir:
— Həkim, mənim ciddi bir problemim var, ümidsiz vəziyyətdəyəm və mənə sizin yardımınız lazımdır! Uşağımın hələ bir yaşı yoxdur, amma mən yenə də hamiləyəm! İstəmirəm ki, uşaqlarım demək olar ki, eyni yaşda olsun. 
Həkim soruşdu: «Yaxşı, indi siz mənə nə təklif edirsiz?»
Ardı →

"Toyuq mənşəli" qartalın hekayəti

  

Bir dəfə insan qartal yumurtası tapdı və onu toyuğun altına qoydu.

Qartal balası cücələrlə bir yerə böyüdü və onlara oxşadı: Onlar kimi qaqqıldayır, soxulcan axtarmaq üçün torpaqda eşələnir, qanadlarını çalır və uçmağa cəhd edirdi.

İllər keçdi. Artıq böyümüş qartal bir dəfə göydə qürurlu bir quş gördü.

Qeyri-adi incəliklə o, küləyin ani şiddətini məğlub edir, yalnız nadir halda böyük qanadlarını çırpıb-çalırdı.


Ardı →