Faukariya

  • Flora
Faukariya latınca “faux”-heyvan ağzı, yunanca “ari”-çoxlu sözlərinin birləşməsindən əmələ gəlib. Zahirən vəhşi heyvanların ağzını xatırlatdığına görə ona belə bir ad verilib. Bitkinin 30-a yaxın növü məlumdur, əsasən Cənubi Afrika səhralarında bitir.

Bitkinin ətli yarpaqlarının kənarlarında yumşaq tikanlar mimikriyanın nümunəsidir və ona zərər vermək istəyən heyvanları ürküdür. Faukariya əsasən iyul-avqust aylarında çiçəkləyir, 6-7 santimetr diametrində olan çiçəkləri qızılı-sarı rəngdədir. Buludlu havada əsasən gecələr bitkinin qönçələri demək olar ki, bağlı qalır. Əsasən toxum vasitəsilə çoxalır.
Davamı →

Qoz yarpağının faydaları

  • Flora
Qoz yarpağının ən mühüm faydası odur ki, bədəndə olan toksinləri xaric edir. Bu bitkinin çayından mütəmadi olaraq istifadə bədəndə olan mikrob, bakteriya və toksinlərdən xilas olmağa kömək edir. Çay xüsusilə bağırsaqlarda olan qurdları tökmək üçün effektlidir.

Bütün xərçəng növlərinin alternativ müalicəsində də qoz yarpağından geniş istifadə edilir. Orqanizmdə sürətlə artan bədxassəli hüceyrələrin məhv edilməsi prosesində qoz yarpağının olduqca müsbət nəticələr verdiyi müşahidə olunub.

Qoz yarpağından hazırlanan məlhəm və məcunlar yaraların sağalma prosesini sürətləndirir. Qoz yarpağı saçların daha sağlam və sürətlə uzanmasına kömək edir. Bunun üçün qoz yarpaqlarını əzərək məcun halına gətirib şampuna əlavə edin.
Davamı →

Şam ağacı

  • Flora
Məhəmməd Möminə görə şam ağacının kökünün qabığı büzüşdürücü və quruducu qüvvəyə malikdir. Bu dərmandan 9 q qəbul еdilərsə, ishalda xеyirlidir, dəriyə sürtüldükdə isə – dərin olmayan yara və sıyrıntıları sağaldır. Kökün üyüdülmüş tozu mərhəm və ya toz şəklində isti sudan olan yanıqlarda, qançır və ya əzmələrdə xеyirlidir. Iynəyarpağının həlimi isə böyrək və ağ ciyər xəstəliklərində istifadə еdilir.

Ovxalanmış iynəyarpağının mərhəmi mərsin yağı ilə dəridəki xoralarda, qırmızı zağla (kuporosla) isə – irinli yaralarda xеyirlidir. Ciyərin şişlərində və xroniki xəstəliklərində 4,5 q şamağacı iynəyarpağını ballı su ilə içmək məsləhətdir. İynəyarpağın həlimi ilə vanna uşağlıq və düz bağırsaq xəstəliklərində xеyirlidir. O, həmçinin çirki, təri təmizləyir və bədəni təravətləndirir. Diş ağrısında ağızı iynəyarpaq həlimi və sirkə ilə yaxalamaq uğurlu nəticə vеrir. Iynəyarpaq buxarı ilə inhalyasiya еtmək aborta kömək еdir və aybaşının başlanmasına təkan vеrir. Iynəyarpağın tüstüsü qaş və kipriklərin tökülməsində, gözdən yaş gəldikdə və zəif görəmədə kömək еdir. Şərbətinin dozası – 10 q qədər, həliminin isə 30 q qədərdir. Bütün bunları Məhəmməd Mömin 1669-cü ildə qеyd еtmişdir.
Davamı →

Cincilim

  • Flora
Botaniki təsnifatı. Cincilim bitkisi Qərənfilçiçəklilər–Caryophllaceae fəsiləsindəndir. Azərbaycanda 5 növü yayılmışdır.Dünyada 100–dən çox,Qafqazda isə 8 növü məlumdur. Gövdəsinin hündürlüyü 10 – 30 sm olan birillik və yaxud ikiillik ot bitkisidir. Çiçəkləri xırda olub ağ, meyvəsinin toxumu isə tünd qəhvəyi rəngdədir. Çiçəklənməsi iyun ayından sentyabra kimi davam edir. Bitkinin ömrü 3 – 4 həftə çəkir. Cincilim yaşayış evlərinin yaxınlığında, bostanlar, bağçalar, kanalların ətraflarında, nəmişli yerlərdə,çay kənarları, yolların qıraqlarında bitir. Cincilimdən toyuq və donuzların yemlənməsində istifadə olunur. Təbabətdə ən çox istifadə olunan cincilim növü orta cincilimdir.

Orta cincilim – Stellaria media. Birillik və yaxud ikiillik ot bitkisi olub, 10 – 30 sm hündürlüyündədir. Yarpaqları qarşı – qarşıya düzülən yumurtavari formadadır. 1,5 – 3 sm uzunluğunda yuxarıda yerləşənləri oturacaq, aşağıda yerləşən yarpaqları saplaqlıdır. Hamaşçiçəkləri yalançı – dixotomdur. Qutucuğu yumurtavari və yaxud uzunsovdur. Xırda, ağ rəngli çiçəklərinin ləçəkləri sərbəstdir, erkəkciyi 3 – 5, yumurtalığı üstəndir. Bitki aprel ayından sentyabra kimi çiçəkləyir.
Davamı →

Kaktus

  • Flora

Kaktus bitkisi müxtəlif formalı və tikanları bol bir bitki növüdür. Kaktusa qulluq etmək olduqca asandır və şəraitə dərhal uyğunlaşan bir bitki növüdür. Qeyd edək ki, kaktus bitkilər arasında yetişdirilməsi ən asan və baxıma ən az ehtiyacı olan bitkilərdən biridir.

Amma kaktusunuzun çiçək açmaması sizin ona qulluq edə bilməməyinizin bariz göstəricisidir. Əgər kaktusunuzun çiçək açmasını istəyirsinizsə, ona öz təbii şəraitini yaratmaq lazımdır. Beləliklə, siz də evinizdə çiçək açan sağlam kaktuslar yetişdirə bilərsiniz.
Davamı →

Orxideya gülünə qulluq

  • Flora
Əvvəlcə orxideyalara uyğun köklərinin də işıq ala biləcəyi şəffaf saxsı bir qab seçin.

Orxideyalar həftədə iki dəfə sulanmalıdır. Təmiz, ilıq və bir stəkan ölçüsündə su orxideya üçün idealdır. Yenə həftədə bir, ya iki dəfə orxideyanın yarpaqlarına su püskürtmək də çiçəyin ehtiyacını qarşılamasına yardım edər. Sulamaq üçün saf su qaynağından istifadə edin.

Orxideyanın nəmi azaldığında çiçəklərini itirməmək üçün özünü müdafiəyə başlayar və çiçək çıxarmazlar. Buna görə orxideyalar 40-70% arası nəmliyi olan məkanlarda saxlanmalıdır.

Təbiətdə yetişən orxideyalar 8-10 dərəcəlik gecə-gündüz istilik fərqində yaşayarlar. Buna görə gecə və gündüz istiliyi nizamlı olmalıdır.

Orxideyanın yarpaqları çəmən yaşılı tonlarında olmalıdır. Əgər çox tünddürsə, deməli, yetəri qədər işıq almayıb.
Davamı →

Gicitkənin faydaları

  • Flora
Gicitkən qədim zamanlardan faydalı müalicəvi bitki kimi tanınır. Həmçinin təzə gicitkən qiymətli qidalı məhsuldur. Yazda təzə gicitkəndən çox dadlı və faydalı sup, borş bişirmək, salatlara, gutablara əlavə etmək, digər göyərtilərlə birlikdə qovurmaq olar.

— Təzə gicitkən C vitamini ilə olduqca zəngindir. Bu vitamin immun sistemini möhkəmləndirir, damarların sağlamlığını və elastikliyini qoruyur, orqanizmi cavanlaşdırır.

— A vitamini ilə zəngin olan təzə gicitkən dərinin vəziyyətinə müsbət təsir edir, görmə üçün faydalıdır.

— Təzə gicitkən qanazlığı zamanı da çox faydalıdır. Qədim zamanlarda təzə gicitkəni ağır doğuş keçirmiş və çoxlu qan itirmiş qadınlara verirdilər. Bu onlara daha tez ayağa qalxmağa kömək edirdi.
Davamı →

Daykon

  • Flora
Turpun yaxın «qohumu» olan daykon çox dadlı və faydalı tərəvəzdir. Uzunömürlülüklə məşhur olan yaponlar bi tərəvəzi çox xoşlayır və bişmiş, qızarmış, marinada qoyulmuş və çiy halda çox geniş istifadə edirlər. Həmçinin daykon digər Asiya ölkələrində də çox populyardır. Çiy daykonun dadı kələmə bənzəyir, çox sulu və dadlıdır.

— Daykon həzm sistemi üçün çox faydalıdır. Onun tərkibində olan qidalı liflər bağırsaqların fəaliyyətini yaxşılaşdırır, bağırsaqları ziyanlı maddələrdən təmizləyir, qəbizlik zamanı kömək edir, bağırsaqların mikroflorasına müsbət təsir edir.
Davamı →

Yasəmən

  • Flora
Bir çox ölkələrin öz milli gülləri olduğu kimi yasəmən gülü də Filippin adalarına aid gül hesab olunur. Düz başa düşdünüz, yasəmən gülünün vətəni Filippin adalarıdır. 1937-ci ildə Filippin hökuməti yasəmən gülünü dövlətin milli gülü kimi təsdiq edbi. Bu ölkədə ən əziz qonaq əldə yasəmən gülü ilə qarşılanır.

Yasəmən gülü həm də Lənkəran dağlarında bitir. Bu gülün məhlulu ilə kompres etdikdə üzdə olan qara ləkələr solur və çox vaxt taməmilə təmizlənir. Yasəmən gülünün suyu ilə saçları yaxaladıqda saçlara parlaqlıq verir, günəş şüasından qoruyur. Enliyarpaq yasəmənin yarpaqları dəri xəstəliklərində, ağız yaraları və diş ağrısı zamanı istifadə edilir.

Çiçəklərinin suyu ilə yorğun gözlərin yuyulmasında istifadə edilir. Yasəmən gülünün ətri əsasən də qadınların əsəblərini sakitləşdirir. Yasəmən ətirli parfümlərdən istifadə etdiyimiz zaman həm ətrafdakılara xoş təsir bağışlayırıq, həm də bütün günü pozitiv oluruq.
Davamı →

Bağayarpağı

  • Flora
Bağayarpağı bitkisinin faydaları barədə bütün tibbi kitablarda əlyazmalara rast gəlinir. Onun yarpaqlarından alınan şirə yaraları sağaltmaq qabiliyyətinə malikdir. Bu səbəbdən də ondan həm xalq təbabətində, həm də müasir tibb sənayesində istifadə edilir.

1. Bağayarpağı şirəsi yaraları sağaltdığına görə ondan dəridə əmələ gələn kəsiklərin müalicəsində və ağcaqanad, ilan sancan yara yerlərinin sağalmasında istifadə edilir.

2. Bağayarpağı şirəsi dəridəki infeksiya və zəhərlənmə əlamtlərini aradan qaldırır.

3. Toxumlarının dəmləməsi orqanizmdə olan iltihabi proseslərin sağalmasınaa yardım edir.
Davamı →