Yazılı köynəkləriniz üçün kombinlər


Düz, sadə köynəklər nə qədər sevimlimiz olsa da, üzəri yazılı olanlar da bir o qədər, diqqətçəkəndir. Küçə dəbində çox məşhur olan yazılı köynəkləri yay bitmədən qarderobunuza əlavə edə bilərsiniz. Əgər düşünsəniz ki, bu cür köynəkləri necə dəstləşdirək ki, həm də, tərzli görünək, o zaman bizim verdiyimiz məsləhətlər köməyinizə gələr.
Davamı →

Küçə dəbindən öyrənəcəyiniz 5 dəbli məsləhət

Həmişə olduğu kimi, küçə dəbi ilham mənbəyimiz olmağa davam edir. Və bu ilham mənbəyinin arasında bir neçə parça var ki, qarderbomuza mütləq əlavə etməliyik. Elə buna görə də, sizə tərzinizi dəyişəcək və küçə dəbindən ilhamlanacağınız 5 dəbli məsləhətimizi təqdim edirik.

Sneakerlər
Rəngli ya da ki, rəngsiz sneakerlər istənilən geyim tərzinizə rahatlıqla uyğunlaşa bilər. Eyni zamanda da, görünüşünüzə tərz qatacaq yetərli parçadır.
Davamı →

Stiletto

Əslində stiletto yüksək və incə dabanlı ayaqqabıların orjinal adından başqa bir şey ifadə etmir. Stilettonun orjinal adı ilə moda gündəmini zəbt etməsi 1950-ci illərdə zəyifliyin, incəliyin moda dünyasında xüsusi yer tutması ilə baş verdi. İlk stilettonun yaranmasında iki ad önə çıxır – markaya adını verən Roger Viver və Marilyn Monroe, Gloria Swanson və Bette Davis kimi müştərilərə sahib italıyalı ayaqqabı dizayneri Salvatore Ferragamo.

Viver üçün ayaqqabının silueti çox vacib amil idi. Ayaqqabıda ayağa tam oturan xəfif qövs və incə daban seksi görüntü və xüsusi dizaynla yanaşı, incə zövqü də ifadə edirdi.
Davamı →

Çətir dəbi

İndi istifadə etdiyimiz çətirlər müasir formasına düşənə qədər uzun yol qət edib. Təxminən 3500 il bundan əvvəl ilk çətirlər Qədim Misirdə istifadə olunmağa başlayıb. Bu çətirlər Misirin havasına uyğun olaraq, əsasən, günəşdən qorunmaq üçün nəzərdə tutulmuşdur. Daha sonra e.ə. 11-ci əsrdə Çində ipək və suya davamlı çətirlər istehsal olunmağa başladı ki, bunları da ancaq kübar insanlar istifadə edə bilərdi.

Qədim Yunanıstan və Romada istehsal olunan çətirlər isə öz kübar görünüşü ilə qadınların əvəzolunmaz aksessuarına çevrilmişdi. Elə o dövrdən qadınlar bu əşyanı davamlı istifadə etməyə başladı. Artıq zaman keçdi və Avropada Renesans dövründə, əsasən, Fransa, İtaliya, İngiltərədə kübar, varlı ailələr arasında geniş istifadə edilməyə başladı. Bu dövrdə hələ də çətirlər çətin açılıb-bağlanırdı.

Baxmayaraq ki, ipəkdən və bahalı materiallardan hazırlanırdı. «Böyük kəşflər» dövründə bu lazımlı əşya Cənubi Amerikaya da gedib çıxmışdı. Amma burada qadınlar 18-ci əsrin ortalarında yavaş-yavaş çətirdən istifadə etməyə başladılar.
Davamı →

Dəbdən düşməyən klassik – Espadril

Gündəlik həyatımızın rahat keçməsinə səbəb olan espadrillər yüz illər boyu dəb aləmində öz yerini qoruyub saxlayır. Əvvala dabanlarının həsir ipdən hazırlanması, təbii görüntüsü, bütün geyimlərlə rahatlıqla dəstləşdirə bilmək kimi xüsusiyyətlər espadrili dəb aləminin klassikləri arasında özünəməxsus yer tutmasına səbəb olan amillərdir. Yaz-Yay fəsillərinin “ən”ləri arasında olan bu ayaqqabıların tarixçəsini sizlər üçün araşdırdıq.

Davamı →

Bel çantalarının dəb dünyasına gəlişi


2014-cü ildə “haute couter” dizaynerləri rəsmi olaraq idman ayaqqabılarını donlarla geyinməyə «razılıq verdilər». Bundan sonra demək olar ki, istər mass brendlər, istərsə də lüks brendlər öz kolleksiyalarında idman ayaqqabılarına geniş yer verməyə başladılar. Və indi belə bir hal bel çantalarında da baş verir. Çünki son bir neçə mövsümdür ki, demək olar ki, bütün brendlər öz çanta kolleksiyalarında rahatlıqla “cool” görüntünü özündə birləşdirən bel çantalarına geniş yer verirlər.
Davamı →

"Zara" brendi haqqında bilinməyənlər

«Zara» brendi qadın, kişi və ya uşaq fərqi olmadan, hər kəsin sözsüz ən sevimli brendidir. Ən lyuks markalarla müqayisə olunacaq qədər güclü kolleksiyalarla qarşımıza çıxır hər zaman. Bəs onun haqqında bir neçə maraqlı faktı öyrənməyə nə deyirsiniz? Əminik ki, «Zara» sevərlər üçün çox maraqlı olacaq, hətta bundan sonra yəqin ki, daha çox sevəcəksiniz. Həmən başlayaq:

Davamı →

Salvatore Ferraqamo

Statistikaya inansaq, qadını cazibədar göstərən ən önəmli aksessuar dikdaban ayaqqabılardır. Lakin çoxları dikdaban ayaqqabıları bizə sevdirən ixtiraçının kim olduğundan xəbərsizdir. Bunu bilmək üçün xəritədə çəkməyə bənzəyən ölkəni axtarın. Xəritəyə diqqət etsəniz, İtaliyanın çəkməyə oxşadığını görəcəksiz.

Taleyin qəribə oyunudur ki, xəritədə çəkməyə bənzəyən İtaliya dünyanın ən məşhur ayaqqabı ustalarını yetişdirir. Dünyanın bütün qadınları onları möhtəşəm göstərən ayaqqabılara görə italyan ayaqqabı ustası, rəssam və yenilikçi Salvatore Ferraqamoya borcludur.

«Salvatore Ferragamo” ayaqqabı brendi artıq 75 ildən çoxdur ki, italyan dəbdəbəsinin sinonimi hesab edilir. Hollivud ulduzları arasında qazandığı populyarlığa görə, o, „Çəkməçi kralı“ və ya „Ulduz çәkmәçi” ləqəbini alıb. Salvatore Ferraqamo xatirələrində yazır ki, əllə tikilmiş ayaqqabıdan mükəmməl heç nə ola bilməz.
Davamı →

Bikininin tarixcəsi

Qadınlar yayda bikini geyinmək üçün bir neçə ay əvvəlcədən pəhriz saxlayırlar. Gözəl bədən quruluşuna sahib olmaq üçün bütün çətinliklərə dözürlər. Kişilər iki parçadan ötrü bu qədər əziyyətə dözən qadınları başa düşməsə də, bikinin öz dəbi və qaydaları var. İndi hamı rahatlıqla bikini geyinsə də, əvvəllər belə olmayıb. Bikini tarixinə nəzər salsaq, onun 1960-cı ildən etibarən dəbə mindiyinin şahidi oluruq.

Bikinin yaranması tarixi əslində, dördüncü əsrə söykənir. Qədim Romada gimnastika və idman edən qadınlar alt və üst olaraq iki parçadan ibarət olan bikini modelinə oxşayan paltar geyinərdilər. Hətta ayaq biləklərinə də halqa taxıb özlərinə aktiv qadın imici yaradırdılar. Bikini qədim Romada olduğu kimi, bu gün də müasir qadının simvolu olaraq xarakterizə olunur.

XX əsrin əvvəllərində dünyanın az qala hər yerində bikini və ya ona bənzər paltarların geyilməsi düşünülə bilməzdi belə. Qadın üzgüçülər çimərliklərdə özlərini gizləyə bilmək üçün dizə qədər uzanan paltarlarda üzərdilər.
Davamı →

Dior yaradıcılığının 6 şah əsəri

New Look cərəyanı
I və II Dünya müharibə dövrlərində yaşanan kasıbçılığa, qıtlığa görə paltarlar sadələşmiş və get-gedə kobudlaşmışdı. Ancaq müharibə bitdikdən sonra onun modaya təsiri də azaldı, beləcə, nazlı-qəmzəli görünməyə can atan qadınlar üçün incə geyimlər istehsal olunmağa başladı. 5 illik Dünya müharibəsindən sonra 1947-ci ildə Kristian Dior dəb tarixinə qızıl hərflərlə yazılan «New Look” silueti yaradır. Şübhəsiz, dizayner öz ixtirası ilə dünya dəbinə böyük töhfə verib. Qadını qum saatına bənzədən bu cərəyanın adını Dior özü fikirləşməyib. Bu ad tanınmış amerikalı jurnalist və redaktor Kermel Snouya aiddir. O, Diorun ilk kolleksiyası barədə yazdığı resenziyada dizaynerin yeni kəşfini „New Look” adlandırmışdı.

Kristian Diorun yeni dəb cərəyanı ilk dəfə 1947-ci il fevralın 12-də “Carolle Line» dəfiləsində nümayiş olunub. Onun 1947-ci ildə ilk dəfə nümayiş olunan kolleksiyası Diora böyük uğur qazandırmışdı. Müharibədən sonra hamının əsgər obrazında görməyə alışdığı qadınların enli ətəklərdən istifadə etməsi cəmiyyətdə əsl rezonans doğurmuşdu. Onun ilk kolleksiyasına daxil olan ətəklərdə əsas diqqətçəkən məqam büzülmüş incə bel, kiçik çiyinlər, düz və həddindən artıq enli ətəklər idi. Yoxsulluq və qadağalar içərisində yaşamaqdan bezən cazibədar parisli xanımlar bu kolleksiyanı böyük məmnuniyyətlə qəbul edirdilər.
Davamı →