Kayzen

Yerkökü ən faydalı meyvəköklərdən sayılır, onun tərkibində karbohidratlar, piy, azot maddələri, çoxlu vitaminlər, efir yağları, piyli yağ, protein və askorbin turşuları, lesitin, spirolalar və s. var. Yerköküyə narıncı rəng verən beta-karotindir. O, vaxtından qabaq qocalmanın qarşısını alır, immun sistemini möhkəmləndirir və orqanizmə müsbət təsir göstərir. Beta-karotin tərkibinə görə yalnız şirin bibərdən geri qalan yerkökü dadına görə onu qat-qat üstələyir. Karotin qaraciyər fermentləri ilə qarışıqlı təsir nəticəsində əla antioksidanta – A vitamininə çevrilir.

O, orqanizm hüceyrələrinə məhvedici təsir göstərən azad radikalların əmələ gəlməsinə mane olur. Hipertoniya, artrit, bədxassəli şişlər, katarakta və aterosklerozun inkişafının qarşısını alır, maddələr mübadiləsinin normallaşmasına, əqli və fiziki inkişafa, görmə qabiliyyətinə müsbət təsir göstərir.
Davamı →

Arıqlamaq üçün müxtəlif yollar və üsullar axtaran bir çox insan var. Arıqlama mövzusunda sizə köməkçi olacaq ən yaxşı üsul isə balanslı və şüurlu qidalanma olacaq. Bir çox tərəvəzin birləşməsindən ibarət olan bu şorba maddələr mübadiləsini olduqca sürətləndirdiyi üçün maddələr mübadiləsi şorbası adını almışdır.

Maddələr mübadiləsi şorbasının içərisində olmayan yoxdur. Buna görə də insan bədəninin sürətlə arıqlamasına köməkçi olur. Bu tərkibi sayəsində maddələr mübadiləsini sürətləndirərək, arıqladır. Təkcə maddələr mübadiləsini sürətləndirmir, həzm sisteminin fəaliyyətini də yaxşılaşdırır və bədənin müqavimətini artırır. Arıqlamaqla birlikdə eyni zamanda sağlam bir həyat da bəxş edir. İndi isə keçək şorbanın hazırlanmasına.
Davamı →

Babasil çox yayılmış pozulmadır. Babasilin əsas səbəblərindən biri xroniki qəbizlikdir. Babasildən əziyyət çəkən insanda qəbizlik tez-tez inkişaf edirsə, genişlənmiş damarlar daha da şişir, qanaxmalar əmələ gəlir.

Nəticədə babasil kəskinləşir, ağır fəsadlar əmələ gəlir. Beləliklə, babasildən əziyyət çəkən insan mütləq qəbizliyin qarşısını almalıdır. Bu işdə bəzi qidalar çox yaxşı kömək edir — bağırsaqlarn fəaliyyətini yaxşılaşdırır, qəbizliyin qarşısını alır. Bu qidalar arasında:

1. Bitki lifləri ilə zəngin olan məhsullar: təzə meyvə və tərəvəz (xüsusilə çuğundur, kök, gül kələmi, brokkoli kələmi, kabaçkı), tamdənli yarmalar (xüsusilə yulaf, arpa, darı yarmaları), buğda kəpəyi.

Ərik və qara qavalı xüsusilə faydalıdır. Bu 2 meyvə hətta güclü qəbizlik zamanı kömək edir. Təzə meyvələr olmadıqda, ərik və qara qavalı qurularından istifadə edin.
Davamı →

Xroniki böyrək çatışmazlığı xəstələrinə tərtib edilən pəhrizin məqsədi aşağıdakılara xidmət edir:

– xəstələrin həyatının qorunmasına
– iş qabiliyyətinin saxlanılmasına
– böyrək funksiyalarının pisləşməsinin qarşısının alınmasına.

Bu məqsədlərə çatmaq üçün əsas etibarıilə xəstələrə azzülallı, yüksək kalorili, karbohidratlı pəhriz tətbiq edilir. XBŞ xəstələrinin pəhrizi aşağıdakı tələblərə cavab verməlidir:

1. Pəhriz orqanizmdə zülal katabolitlərinin səviyyəsinin aşağı salınmasına xidmət etməklə orqanizmin öz zülallarının parçalanmasına yol verməməlidir. Bu gün ərzində orqanizmə daxil olan zülalların miqdarının, bitki zülalları hesabına, 20-40 qrama qədər azaltmaqla eyni zamanda tərkibində lazımi miqdarda əvəzolunmayan aminturşular olan heyvani zülalların istifadəsi hesabına əldə olunur.
Davamı →

Son vaxtlar ən geniş yayılan pəhriz növlərindən biri də İsveç pəhrizidir. 13 gündə 7-20 kilo arıqladan İsveç pəhrizinin xüsusiyyəti və ən əsas üstünlüyü verilən çəkinin geri qayıtmamasıdır. Bunun səbəbi maddələr mübadiləsini dəyişdirərək sürətləndirməsidir.

Hər gün üçün fərqli menyusu olan pəhriz müddətində əməl edilməli bəzi qaydalar var. İki həftədə 7-20 kilo çəki azaldan 13 günlük İsveç pəhrizi hər gün fərqli menyular təqdim edir.

Təqdim edilən miqdardan artıq qazlı içki, qəhvə və çay içmək olmaz.
Gündə 2 litr su içməlisiniz. Pəhrizə ara vermək istədikdə 6-cı günü tamamlamış olmalısınız.
İsveç pəhrizini 13 gündən çox davam etdirmək olmaz. Üç aydan bir təkrarlaya bilərsiniz.
Davamı →

Arıqlamağa başlayan insanlar adətən makarondan imtina edirlər. Uzun illər ərzində belə hesab olunurdu ki, makaron yeyən insanlar kökəlir.

Tech Times xəbər verir ki, İtaliya alimlərinin son araşdırmaları göstərib ki, makaron kökəlməyə səbəb olmur. Lakin makaronlara əlavə olunan yağlı souslar həqiqədən artıq çəkiyə səbəb ola bilər.

Alimlər 23 min insanın qidalanmasını analiz etdikdən sonra belə qərara gəliblər ki, bərk buğda növlərindən hazırlanan makaronları nəinki kökəlməyə səbəb olmur, əksinə belə makaronları tez-tez yeyən insanların bədən kütləsi indeksi daha aşağı olub.

Alimlərin fikirinə görə, bərk buğda növlərindən hazırlanmış makaronlar insanda tez toxluq hissi yaradır və onları yeyən insan daha gec acır ki, bu da normal çəkinin saxlanılmasına kömək edir.
Davamı →

Bu kokteyl dünyanın bir çox diyetoloqları tərəfindən arıqlamaq üçün ən effektiv üsullardan biri olaraq qəbul olunur. Kokteylin tərkibi: 
 

• 2 litr su
• 1 dilim-dilim doğranmış xiyar
• 1 çay qaşığı sürtgəcdən keçirilmiş təzə zəncəfil kökü
• 5-6 nanə yarpağı

Bu kokteyl axşamdan hazırlanaraq soyuducuda saxlanılır və növbəti günboyu içilir. Kursun müddəti 1-2 həftədir.
Davamı →

Göbələklər – tanınmış pəhriz məhsuludur. Kalori dəyəri aşağı olduğu üçün dieta zamanı rahatlıqla istifadə oluna biləcək ərzaqlar sırasındadır. 
Göbələkdən dadlı salat hazırlamaqla zövqlə arıqlaya bilərsiniz.

İnqrediyentlər:

• təzə göbələklər (150 qram)
• bitki yağı (10 qram)
• limon şirəsi 
• qara istiot

Hazırlanma üsulu:
Göbələkləri təmizləyib, duzlanmış suda yaxşıca qaynatmaq lazımdır. Süzgəcə boşaldırıq və xırda tikələrlə doğrayırıq. İstiotlayırıq, bitki yağıyla və limon şirəsiylə suyuyla qarışdırırıq. Salat qabına əlavə edib göyərtiylə (cəfəri, şüyüd) bəzəyirik.
Nuş olsun! 
Davamı →

İnqrediyentlər:

• kərəviz (300 qram)
• alma (250 qram)
• yerkökü (1 ədəd)
• xama az kalorili 100 qram
• portağal (yarsı)
• tikələrə doğranmış fındıqlar.

Hazırlanma üsulu:
Sürtkəcdən almaları və yerkökünü, qaynadılmış kərəvizi keçirdirik.

Xırdalanmış fındıqları əlavə edib, bir az şəkər, duz vurub qarışdırırıq. Xama vurub porsion boşqablara tökükrük Portağal tikələriylə üstünü bəzəyirik.
Davamı →

Monopəhrizlər (yalnız 1 və 1-2 məhsulla qidalanma) dietoloqlar tərəfindən ziyanlı və effektsiz sayılır.
Hər gün insan lazım olan miqdarlarda zülalları, karbohidratları, yağları, vitamin və mikroelementləri və s. onun həyatı və sağlamlığı üçün vacib olan maddələri almalıdır. Bunabalanslaşdırılmış qidalanmadeyilir. Əgər insanın orqanizmi uzun müddət ərzində hər hansı vacib maddəni almazsa, bu onun sağlamlığına mənfi təsir edəcək.
Digər tərəfdən tez arıqlama insanın orqanizmi üçün ziyanlıdır. Bu zaman orqanizmdə gedən bir çox proseslər pozulur.
Azkalorili pəhrizlər dietologiyada daha məqsədəuyğun və sağlam hesab olunur. Bu pəhrizlər insanı bütün lazım olan maddələrlə təmin edir. İnsan ac qalmır, öz sağlamlığına ziyan vurmur və bununla yanaşı çəki tədricən azalır. Əgər siz bu pəhrizlə yanaşı idmanla məşğul olsanız, arıqlama prosesi daha tez gedəcək.
Davamı →