Taclı xanım kimdir?

Azərbaycan tarixinin qaranlıq səhifələri çoxdur. Bu səhifələr qəsdən təhrif olunmuş şəkildə xalqa çatdırılmaqla rəy formalaşdırmağa çalışanlar vardır. Azərbaycan tarixinin ən parlaq səhifəsi olan Səfəvilər dövrü və bu dövlətin banisi-I Şah İsmayılın da şəxsiyyəti üzərinə kölgə salmağa cəhd etmişlər. Təqdim etdiyim bu məqalə geniş oxucu kütləsi,eləcə də Azərbaycan tarixini tədris edən müəllimlərdə böyük maraq oyada bilər. Tarix doğru-düzgün şərh edilməlidir.

Tarix də vətən kimi, ana kimi tale payı, alın yazısıdır, ondan qaçmaq mümkün deyil: nə onu dəyişə bilərsən, nə ondan imtina eləyə bilər, nə də onu seçib-sonalaya bilərsən. Babalarımızın tariximiz boyu tikdiyi saraylar, abidələr də bizimdir, yaratdıqları mədəniyyət də, qazandıqları qələbələr də, uğradıqları məğlubiyyətlər də. Azərbaycan xalqı tarixinin dönüşlü nöqtələrində müstəqil yaşamaq, yaxud bu və ya digər imperiyanın zoru ilə kimdənsə asılı olmaq yollarını seçmək məcburiyyətində qalmışdır. Əsrlərlə azad yaşamaq istəyən Azərbaycan xalqı bütün tarix boyu torpağımıza göz dikmiş nəhəng imperiyalarla çarpışmalı olmuşdur. Bu gün də müstəqillik əldə etmiş respublikamız imperiya xislətli dövlətlərin maraq dairələri məngənəsində sıxılır.
Davamı →

Ərinin onu döyməyini istəyən Azərbaycan qadını

Bu tragikomik əhvalatı yaxın dostlarımdan biri danışıb. Ailəvi dostlarından birinin evinə qonaq gediblər. Ev yiyəsi qonaqlar üçün toyuq kəsir. Amma arvad mətbəxdən həyətə, kəsilmiş toyuğa yetişənə kimi həyətdəki qoyun iti ondan cəld tərpənir. Qadın əlində iri yun çubuğu ərinə yaxınlaşır, qarşısında üzü üstə uzanır: “Vur Nizami, haqqındır”! Qadın səmimiyyətlə deyir bunu. Və ər heç nə olmamış kimi arvadın cəzasını verir…

Bu ayın əvvəlində Səhiyyə Nazirliyinin İctimai Səhiyyə və İslahatlar Mərkəzi maraqlı bir açıqlama vermişdi. Mərkəz ölkədə qadınlara qarşı məişət zorakılığı xüsusiyyətlərinin, səbəblərinin araşdırılması üzrə sorğunun nəticələrini elan etmişdi.
Davamı →

Doğuşun rahat keçməsi üçün bunlara əməl edin

  • Qadın
Doğuşdan əvvəl hamilələr ümumi olaraq qayğılanırlar və bu, təbii bir vəziyyətdir. Daha əvvəl heç doğum etməmiş bir qadın bilmədiyi bu vəziyyət üçün narahat olur, ya da qorxur. Bəzi qadınlar isə birinci doğuşdan sonra ikinci uşaq dünyaya gətirməkdən imtina edirlər.

1. Xəstəxana seçin
Doğuşdan əvvəl yatacağınız xəstəxananı ziyarət etmək əhəmiyyətlidir. Bununla doğuşa gedərkən qayğınız daha az olar. Xəstəxananın evə yaxın olması sizi daha da rahatladacaq.

2. Doğuşla əlaqədar kurslara gedin
Belə kurslara getmək müəyyən mənada sınaq etmənizi təmin edəcək. Əgər doğuşu zehninizdə böyütmüsünüzsə, bu, narahatlıqlarınızı azaldacaq.
Davamı →

Hər qadının bilməli olduğu 7 cinsəl bilgi

  • Qadın
1. Öz məhrəbanız olsun
Hovuz, jakuzi, Spa mərkəzləri və saunalarda hər zaman öz məhrabanızdan istifadə edin. Bunun sayəsində göbələk və bakterial vagina infeksiyasına yoluxma riskini minimuma endirə bilərsiniz.

2. Vaginanı antibakterial sabunla yumayın
Gün ərzində vaginanızı mütləq yumalısınız. Ancaq antibakterial sabunlardan istifadə etməyin. Təmiz, bol su ilə yuyun və qurudun. Antibakterial sabunlar vaginadakı pH balansını pozar. Vaginada qoxu və ya qoxulu axıntı var deyə sabun istifadə etdikdə pH balansı pozulacağından daha pis qoxu ilə qarşı qarşıya qala bilərsiniz.

3. Sintetik alt paltarı geyinməyin
Vagina sağlamlığı üçün təmiz pambıqdan olan alt paltarına üstünlük verin. Pambıq alt paltarları vaginanı quru saxlayar və hava almasını təmin edər.
Davamı →

Hansı qadınlar həyat yoldaşına uğur gətirir?

Qadın ailənin psixi enerjisini təcəssüm etdirir. Qadının ruhi enerjisi necədirsə, özünü nə cür aparırsa, ailədə də eyni ruhi enerji hökm sürür. Əgər qadının psixi enerjisi hər şeyin yaxşı olacağına inanarsa, onda onun müsbətə olan inancı həqiqətən də işə yarayacaq. Bu cür düşünən xanımlar ərinə uğur gətirir. Bu fakt rusiyalı psixoloqların apardığı araşdırmalar nəticəsində ortaya çıxıb.

Hətta qadının əhvalı pis olsa da, o, öz ərinin uğurlarından heç vaxt şübhə etmir. Amma bu, çox nadir hadisədir. Çünki əsasən qadınlar həyəcanlanmağa, şübhə etməyə və əsəbiləşməyə meyllidir. Psixoloqlar bildirib ki, əslində hər şey qadınların psixi qüvvəsindən asılıdr. Məsələn, problem yarananda hansısa qoruyucu duaları oxumaq və inancını itirməmək qadının əsas vəzifəsidir. Qadın ağlı kişilərdən altı dəfə həssasdır, buna görə də qadın qarşıda duran çətinlikləri kişilərdən daha tez dəf edir. Və bu çətinliyi duymaq qadının borcudur.
Davamı →

Əsl qadınlığın 4 mərhələsi

Bilicilər əsl qadınlığa gedən yolu 4 qovşağa bölüblər. Əgər bu qovşaqlar bir yolun başında birləşsə, onda mükəmməl qadın anlayışı sadəcə kitablarda qalmaz, gerçəkləşər. Amma bəri başdan deyim ki, qeyd etdiyim bilicilər də kişilərdir: onlar qadından hər şeyin yüzdə yüz olmasını istəyər, lakin özləri bunun 50 faizini etsələr, möcüzə baş vermiş olar. İstənilən halda tövsiyələrində həqiqət payı var. Ən azından, yaxşılığa doğru dəyişiklik hansı qadına ziyan edər ki? Elə isə bilicilərin “qadınlıq bölgüsü”nə nəzər salaq.

1. Fiziki mərhələ. Qadın olmağın ilk yolu fiziki mərhələdir. Yəni əvvəla əsl qadın kimi görünməlisən ki, daxilini də ona görə tənzimləyəsən. Ən əsası geyim, davranış, münasibət, danışıq, yeriş bu fiziki mərhələnin təməl daşıdır. Nahaq deməyiblər ki, geyim insanın daxilinin aynasıdır. İnsan həyat tərzinə, tərbiyəsinə əsasən geyinir. Təbii ki vulqar geyimli qadından yüksək qadınlıq mücəssiməsi gözləmək olmaz.
Davamı →

Uğurlu kişinin önünü kəsən qadınlar

Hər uğurlu kişinin arxasında bir qadın dayanır, yoxsa daha uğurlu olardı. 

Bir dostum var. Həkimdi. Danışıb gülər, enerjili, ağıllıdı. Gülüşünün arxasında həmişə bir məyusluq hiss edərsən. Sanki hardasa bir sakitlik tapacağına ümid edir. Bir imperiyanı idarə edəcək gücdədi. Amma illərdi eyni yerdə ayaq döyür, uğursuz deyil. Sadəcə, əminəm ki, layiq olduğunu əldə etməyib. İllər əvvəl bir gün dedi ki, bəyəndiyim qəzet-jurnal yazıları vardı, saxlayırdım. Yoldaşım hamısını atıb. Niyə atdığını soruşanda, “evi zir-zibillə doldurursan, nəyə lazımdı” dedi.
— Sən nə dedin? 
— Heç nə, nə deyəydim… Mənim üçün hər şey olan, onun üçün heç nədi. Mənim dəyər verdiyim yazılar onun üçün zir-zibildi. Heç nə demədim. Hər şey aydın deyil?
Möhkəm sarsıldım. Özümü onun yerində təsəvvür etdim. Ətim ürpəndi. 
Davamı →

Tarixdə qadına münasibət

Keçmişdə Yunanlarda qadın
İnsan üzərində bir yük. Yeganə istəkləri qadın xidmətçidir. O ancaq evdə xidmət etməlidir. Qadın pisdir. Şeytani varlıqlardan biridir. Digər tərəfdən o əşyadır. Bazarda alınıb-satıla bilir. Mədəni haqlardan yoxsuldur. Azadlığı əlindən alınıb. Miras haqqı yoxdur. Boşanma haqqı yalnız kişiyə verilib. Aristo-«Qadın yaradılışda yarı qalmış bir kişidir». Yunan mifalogiyasında ilk qadının adı «Pandoradır». Torpaqdan və sudan yaradılmışdır. İnsanın başına gələn bütün bəla və fəlakətlərin səbəbi bu qadındır. O pisliklərin saxlı olduğu qapını açmış və onları dünyaya buraxmışdır.

Romada qadın
Atanın öz qız və oğlan uşaqlarını ailəsinə qəbul etmək məcburiyyəti yox idi. Uşaq doğulduqdan sonra atasının ayaqları qarşısına buraxılır,ata əgər onu qucağına alırsa qəbul etmiş olur. Qaldırmasa onu qəbul etmir demək idi.Uşaq oğlandırsa istəyən onu alıb götürürdü. Qız idisə aclıq və susuzluqdan ölüb gedərdi. Ailənin rəisi uşaqlarından istədiyini satar, istədiyini ailədən ixrac edərsi. Kişi istərsə həyat yoldaşını öldürə bilərdi. Boşanmaq 520-ci ilə qədər yox idi. Qadınlar vətəndaş deyildilər.
Davamı →

Ağıllı qadınlardan 10 mühüm məsləhət

Hər şeyi öz axarına buraxın
Artıq baş vermiş hadisənin qarşısını almağın üsulları barədə fikirləşməyin. Hadisə onsuz da baş verib, hər şeyi olduğu kimi qəbul etməyi öyrənin. Hadisənin baş vermə səbəblərini anlamağa və ondan düzgün nəticə çıxarmağa çalışın. Bu, uğur qazanmağın ən vacib qaydalarından biridir.

Sızıldanmayın və taledən şikayətlənməyin
Əgər işləriniz istədiyiniz kimi getmirsə, bu, o demək deyil ki, hər şey pisdir. Həyatda çətinliklər həmişə olur. Müxtəlif vəziyyətlərdə onların öhdəsindən layiqincə gəlməyi öyrənin. Bilin ki, problemləriniz heç kimə lazım deyil, inilti və şikayətlərin sizə kömək etməyəcəyi dəqiqdir. Daha yaxşı olmaq üçün zərərli vərdişlərin qurbanı olmayın.

Baxımlı olun
Makiyajsız da yaxşı görünmək mümkündür. Saçlarınızın, dərinizin qeydinə qalın, sağlam qidalanın və manikür edin. Geyiminiz isə hər zaman səliqli olmalıdır.
Davamı →

Hamiləykən yayılan gözəllik mifləri

“Hamiləykən saç boyanırmı?”, “Manikür çox təhlükəli”, “Hamiləykən dırnaq boyası çəkmək olmaz” – hamilə olarkən bu cür suallar və doğru olmayan mövzular beynimizi qarışdırır. Qulaqdan-qulağa yayılan və yanlış olan bu cür yanaşmanı yox etmək üçün kiçik araşdırma etdik. 

Saç boyanması
Hamilə olarkən saç boyanması geniş müzakirə olunan hallardandır. Bu müzakirənin əsasında saç boyanmasının uşağa və hamiləlik prosesinə ziyanlıdır fikri dayanır. Məhz buna görə də ana olmağa hazırlaşanlar bu müddət ərzində saçlarını boyamaqdan uzaq dururlar.
Davamı →