Kayzen

Yarmalar və paxlalılar qidalanmada vacib əhəmiyyətə malikdir. Onlar yaxşı həzm olunur, qidalı və yüksək kalorilidirlər. Onların tərkibi nişasta, zülal (xüsusən paxlalılarda), B qrupu vitaminləri ilə zəngindir.
Yarmaları taxıl bitkilərini emal etməklə əldə edirlər. Ən geniş yayılmış yarmalar bunlardır: buğdadan — manna; düyüdən — cilalanmış, pardaxlanmış, xırdalanmış düyü, yulafdan — herkules, yulaf unu; arpadan — arpa yarması; qarabaşaqdan — iridənəli qarabaşaq. Yarmalar dənlərin rənginə, formasına, bütövlüyünə və ölçüsünə görə fərqlənirlər.
Davamı →

Balqabaq çox xeyirli tərəvəzdir. Onun tərkibində müxtəlif vitaminlər (A, C, D, E, PP, K, B qrupu), aminturşular, zülallar, sellüloz, müxtəlif faydalı mineral maddələr (kalium, kalsium, maqnezium, ftor, sink, fosfor və s.) var.

Balqabaq dəmirlə olduqca zəngindir. Bu balqabağı uşaqlar və hamilə qadınlar üçün çox faydalı edir. Balqabaq karotinlə də çox zəngindir. Karotin insan orqanizmində güclü antioksidant olan A vitaminə çevrilir. Uzun müddət ərzində saxlanıldıqda balqabaq öz faydalı xüsusiyyətlərini itirmir.
Davamı →

Düyü sıyığı ən faydalı sıyıqlardan biridir. Düyünün nadir faydalı xüsusiyyəti ondan ibarətdir ki, düyü çox gözəl absorbentdir. Düyü orqanizmdə olan ziyanlı maddələri (şlaklar, toksinlər, ağır metalların düzları və s.) özünə hopdurur və orqanizmdən çıxardır.

Düyü müxtəlif vitaminlər (B qrupu, E, PP), mikroelementlər (fosfor, kalsium, kalium, maqnezium, sink, dəmir, selen), zülallar, mürəkkəb karbohidratlarla zəngindir. Düyü ürək-damar sistemi, böyrəklər, oynaqlar üçün xeyirlidir. Kalsiumla zəngin olan düyü sıyığı uşaqlar üçün də çox faydalıdır.
Davamı →

Firni Azərbaycanın milli mətbəxinin reseptlərindəndir. O, zərif, faydalı, dadlı — darçınlı südlü desertdir. Xüsusilə də səhər yeməyinə hazırlasanız, gün ərzində tox və gümrah olacaqsınız. Firni tez və asan hazırlanır.

Ərzaqlar:
Düyü unu – 5 x.q.
Süd – 500 ml.
Şəkər tozu – 3 x.q.
Duz – bir çimdik
Gülab və ya vanilin – zövqə görə
Darçın – üstünü bəzəmək üçün

Hazırlanması:
Əvvəlcə düyü ununu ələyirik. Sonra bir qazan götürüb, içinə soyuq südü, şəkər tozu, duz və ələnmiş düyü ununu əlavə edirik. Orta odun üzərinə qoyub dayanmadan qarışdırırıq ki, “yumrular” əmələ gəlməsin. Kütlə qatılaşan kimi içinə öz zövqünüzə görə ya gülab (qızılgül suyu – 5 damcı), ya da vanilin (1 ç.q.) töküb qarışdırırsınız və oddan götürürsünüz.
Davamı →

Quymaq – undan hazırlanan ən dadlı, kalorili və qədim milli yeməklərimizdəndir. Onu çoxumuz sevirik: uşaqlar da, böyüklər də yeyir. Bu yeməyin enerji, gücverici, şəfalı xüsusiyyətlərindən qaynaqlanaraq, xalqımız onu xəstəlik zamanı, doğuş sonrası yeməyi bir adət halına salmışdır. İndi də bir çox bölgələrimiz də, elə paytaxtın özündə də bu adət yaşamaqdadır.
Davamı →

1. Yulaf sıyığı orqanizmin tonusunu artırır, insanın əhvalına olduqca müsbət təsir göstərir. Bu sıyığın tərkibindəki B6 vitamini insan beynində xoşbəxtlik hormonu adlanan serotoninin yaranmasında fəal iştirak edir.

2. Əgər siz səhər yeməyinizi yulaf sıyığı ilə başlasanız gün ərzində mədə-bağırsaq sisteminiz Kremlin saatı kimi işləyəcək. Kreml ifadəsini təsadüfi işlətmədim. Hələ Sovetlər birliyi dövründən Kreml məmurlarının qida rasionunda yulaf sıyığı mütləq şəkildə olub. Ona görə də yulaf sıyığına “Kremlyovskaya kaşa” da deyirlər.
Davamı →