Səyyahların ən çox yol verdiyi 17 səhv

1. Səyahəti lap xırdalıqlarına kimi planlaşdırmaq
Bütün işlər kimi, səyahəti də planlaşdırmaq əlbəttə ki, lazımdır. Amma burada bütün xırdalıqları nəzərə alıb, hər addımı əvvələdən yazmaq, əsində, yeni hisslər gətirməli oan səyahəti protokola çevirə bilər. Belə etsəniz səyahətə çıxmazdan əvvəl daha çox zövq alacaqsınız, nəinki səyahətin özündə. Səyahətin ləzzəti isə buradakı yeniliklər, bilmədiyiniz sürprizlərdir. Ona görə də planlaşdırmada o qədər də dərinə getməyin.

2. Ölkədən böyük gözləntilərinizin olması
Əsas odur ki, internetdə gördüyünüz hər şeyi reallıq saymayasınız. Hər şey orada göstərilən kimi deyil. Bunu əvvəlcədən qəbul etsəniz səyahət zamanı dilxor olmayacaqsınız. Çünki əgər internetdə ağ qumları olan əla çimərlik görürsünüzsə, bilin ki, bu şəkilin görünməyən tərəfləri də var.
Davamı →

Ucuz hotel axtaranlara 7 məsləhət

1. Araşdırın
“Trivago”, “Kayak” və ya “Booking.com” kimi saytlar sizə lazım olan şəhərdə hotellərin icmalını verəcək. Lakin onlardan hər şey barədə tam dolğun məlumat gözləməyin. Vəziyyəti özünüz yoxlayın. Məsələn, pulsuz parkinq, səhər yeməyi və ya Wi-Fi-ya promokodlar və bonuslar axtarın. Sizi maraqlandıran hotelin birbaşa saytına diqqət yetirin: Çünki orada qeyd olunan qiymətlər vasitəçilərdən daha aşağı ola bilər.
Davamı →

Təyyarəyə vaxtında çata bilməsəm, nə etməliyəm?

Səyahətə gedənlərin ən böyük qorxularından biri təyyarəyə vaxtında çata bilməməkdir. Çox insan bu tip situasiyalarda nə edəcəyini bilmir. Pulumu geri ala bilərəmmi? Və yaxud uçuşun tarixini dəyişdirmək mümkündürmü?

Uçuşa vaxtında çata bilməsəm, nə etməliyəm?
Tıxac, xəstəlik, yaddan çıxan pasport və digər hadisələr zamanı sərnişinlər təyyarəyə vaxtında çata bilmir. Əgər belə vəziyyətlə rastlaşsaz, ilk etməli olduğunuz bilet aldığınız şirkətin satış mərkəzlərinə getməkdir. Situasiya hava yolları şirkətinə və biletin sinfinə görə dəyişir. Bir qayda olaraq, sərnişin reysə bir neçə saat qalmış uçuşdan imtina edirsə, ondan müəyyən miqdarda cərimə kəsilir. Lakin reysə vaxtında çata bilməyəndə isə bir çox şirkət ödədiyiniz məbləği geri qaytarmır.
Davamı →

Uşaqla səyahət edənlərə məsləhətlər

Səfər və səyahət etmək müsbət təəssüratlarla bol olmasına baxmayaraq əksər hallarda yorucu olur. Həm nəqliyyatda keçirilən müddət, iqlimin və saat qurşağının dəyişməsi müəyyən növ fiziki narahatlıq və gərginlik yarada bilir. Körpə və ya uşaqla edilən səfərin valideyn üçün iki dəfə daha çətin olduğu hamıya məlumdur. Uşaqlar nəqliyyat vasitələrindən tez yorulur, hərəkət etmək üçün daha çox məkan istəyir, ürəkləri bulanır, yemək yeməkdə problemlər yaradır üstəlik yol yorğunluğu müxtəlif cür kaprizlər vasitəsilə özünü göstərə bilir. Uşaqlı valideynlərin səyahəti asanlaşdırmaq üçün bir neçə ipucu təqdim edirik:

Səyahətin vaxtını öncədən nəzərə almaq səfər ediləcək müddəti imkan daxilində gecə saatlarına planlaşdırmamaq və uşaqların vərdiş etibarilə daha rahat olduqları vaxta salmaq valideynlərə daha az stress yaşadacaqdır.
Davamı →

Mehrac Mahmudov | Məşhur səyahətçi

  • Turizm
156 ölkə gəzmiş azərbaycanlı səyyah haqqında Facebookda qeydlərlə yəqin ki qarşılaşmısınız. Paylaşdığı foto və informasiyalarla bizi virtual olaraq dünyanın ən ucqar ölkələrinə aparan Mehrac Mahmudovla daha yaxından tanış olmaq qərarına gəldik.
— Sizi yaxından tanıyaq. Mehrac Mahmudov kimdir?
— Naxçıvanda anadan olmuşam, orta təhsilimi orda tamamlayıb Sankt-Peterburq (Leninqrad) şəhərinin Politexnik İnstitunun məzunu olmuşam. Hal-hazırda səyahətdən başqa Bakıda şəxsi biznesimlə məşğulam.
— 156 ölkə gəzmisiniz. İlk dəfə səyahətə çıxmaq qərarına necə gəldiniz?
— Səyahətə çıxmaq kimi ayrıca bir qərarım yox idi. Sadəcə mən hərdən işimlə əlaqədar, bəzən isə səyahət məqsədi ilə tez-tez səfərlərə gedirdim. Daha sonra isə maraq dairəmi genişləndirmək üçün səfərlərimin sayını artırmaq qərarına gəldim.
Davamı →

Şimal qütbünə səyahət | Mehrac Mahmudovun təəssüratları

Arktika, Şimal qütbü, ekspedisiya…. Bu sözlər Sovet dövrünün istənilən yeniyetməsini ovsunlayırdı. Qütbə səfər etmək şərəf sayılır. Planetin “başına”, 90 dərəcə şimal enliyinə çatmaq, əbədi buzları görmək bir çoxlarının arzusudur.
Bu baxımdan mənim bəxtim gətirdi – beynəlxalq Quark Expedition təşkilatından olan köhnə tanışlarım məni Arktikaya, Şimal qütbünə elmi ekspedisiyada iştiraka dəvət etdilər. Ekspedisiyanın məqsədi Arktika ilə tanışlıq və iqlim dəyişkənliyinin planetin ən ucqar şimal nöqtəsinə təsirini öyrənmək idi.
Davamı →

Qadınlar üçün ən qorxulu ölkələr

Ekzotik ölkələrə səyahət etmək hər bir insanın arzusudur. Lakin elə ölkələr var ki, qadınların oraya səyahət etməsi həyatları bahasına gələ bilər.

Yay aylarında səyahətə çıxmazdan öncə qadınlar getdiyi ölkənin təhlükəlilik göstəricisinə fikir verməlidir.

Hindistan
Hindistanda yerli və xarici qadınların zorlanması artıq adət halına çevrilib. Çoxmillətli ölkədə hər 20 dəqiqədən bir qadın zorakılığına rast gəlinir. Təqdim olunan hesabata əsasən, Hindistanda zorlama halları 2010-cu ildən bəri 7,1 faiz artıb. Həmçinin o da qeyd olunur ki, Hindistan  dünyada yeganə yerdir ki, bir qadın oraya getməzdən öncə iki dəfə düşünməlidir.


Ardı →

Vizasız hansı ölkələrə səfər etmək olar?

Səyahəti sevənlər və viza düzəltmək üçün bəzi çətinliklərlə rasatlaşanlar vizasız gediş-gəlişin mümkün olduğu ölkələrə səfər edə bilərlər. Azərbaycanın vizasız gediş – gəliş haqqında müqavilə imzaladığı ölkələrin siyahısı təqdim olunur.

Avropa 
Albaniya – Visa on arrival (viza ölkəyə çatanda rəsmiləşdirilir)

Belarus – viza tələb olunmur

Gürcüstan – viza tələb olunmur

Moldova – 90 gün

Rusiya – viza tələb olunmur

Türkiyə – Viza ölkəyə çatanda rəsmiləşdirilir

Ukrayna – viza tələb olunmur


Asiya
Banqladeş — 90 gün. Viza ölkəyə çatanda rəsmiləşdirilir

Kamboca — 1 ay. Viza ölkəyə çatanda rəsmiləşdirilir
Ardı →

Avropada pulsuz edə biləcəkləriniz

Yeni bir şəhərə səyahət etdikdə bir çamadan pul xərcləməli olacağınızı düşünməyin.
Avropa dedikdə ilk düşündüyümüz «ora getmək üçün çoxlu pul lazımdır» olur. Ancaq bahalı Avropa ölkələrinin pulsuz tərəfləri də var. Həmin ölkələrdə pulsuz zövq ala biləcəyiniz şeyləri təqdim edirik.

1. Sürixdə pulsuz şokoladlar yeyə bilərsiniz. Bu, məhz ora getmək üçün gözəl bir səbəbdir. Pulsuz şokolad yemək, şokolad muzeylərini pulsuz gəzmək, Lindt və Sprungli şokolad markalarını dadmaq, bundan başqa nə istəyirsiniz?

2. Kopenhagendə pulsuz velosipedlərdən yararlanaraq, bütün səyahətinizi bununla etsəniz, axşam bahalı restoranlarda yemək yemək üçün bütün pulunuz özünüzə qalacaq.

3. Edinburqda festivallar pulsuzdur. Hətta pulunuz cibinizdə qala-qala bu festivalları izləsəniz, daha çox güləcəksiniz.


Ardı →

Niyə səyahət etməliyik?

1. Əgər sizin vaxtınız çatmırsa, siz səyahət etməlisiniz
Dəqiqələr, saatlar, günlər və həftələr bir göz qırpımında ötüb keçir. Beləliklə, ömrümüzdən illər ötür. Vaxt bizim heç birimizi gözləmir və siz heç vaxt ona qalib gələ bilməyəcəksiniz.

Vaxt hər zaman qalib gəlir. Məhz vaxtımız az olduğu üçün biz səyahət etməliyik. Yeni təəssuratlar yaşamaq, yeni yerlər görmək üçün sizin yalnız bir anınız var, bu an, bu il…

Əgər siz hər hansısa bir işinizə görə səyahət etməyi təxirə salırsınızsa, siz yəqin ki, heç vaxt səyahət edə bilməyəcəksiniz, çünki sizin həyatınızda daim yeni işlər əmələ gələcək.

2. Əgər siz xarici dillər bilmirsinizsə, səyahət etməlisiniz
Dil bilməməyiniz və yaxud sizin dəhşətli ləhcəniz sizə səyahət etmək üçün maneə olmamalıdır. Siz hər şeyi öyrənə bilərsiniz! Özünüzü sınamaq üçün səyahət etməlisiniz.

Nə qədər çətin olsa da siz xarici insanlar ilə ünsiyyət qurmalı olacaqsınız. Siz yeni sözlər öyrənəcəksiniz. Siz dialoq qurmağı öyrənəcəksiniz.
Ardı →