Fotolarda İtaliyanın gözəllikləri

Leonardo Da Vinçi və Dantenin, Kolizey və Pizan qalasının, makaron və pizzanın vətəni olan möhtəşəm İtaliya bu gün də gözəl dağ və dəniz peyzajları, orta əsr şəhərlərinin qeyri-adi memarlığı və hər yerdə hiss olunan qədim mədəniyyəti ilə bütün dünyadan tuirstləri cəlb edir. İntibah dövrü mədəniyyətinin izləri burada memarlıqdan, rəssamlıq və musiqidən tutmuş hər şeydə görünür. «Əbədi şəhər» Roma – öz meydanları və fontanları, qədim abidələri və Vatikan muzeyləri ilə ürəyinizi fəth edəcək. Renessansın beşiyi olan Florensiya heç də Romadan geri qalmır. Burada demək olar ki, hər bir ev incəsənət abidəsidir. Sevgililərin arzusu və karnavallar vətəni olan Venesiya şəhəri 122 adaya bölünən, çoxsaylı kanallarla hərəkət edən qondolalarla bütün turistləri cəlb edir. 

Neapolda siz şən mahnılarla və dağılmış Pompeylə, portağal meşəcikləri və boz Vezuvi ilə, Milan isə mövsümün ən dəbli geyimləri ilə tanış olacaqsınız. İtaliya, həmçinin, gözəl çimərlikləri ilə də fərqlənir. Burada aktiv istirahət etmək üçün hər cür şərait var. Bütün dünyadan turistlər bura xizək sürmək, dəniz dibi və kanyonları tədqiq etmək, çaylarla səyahət etmək və Avropanın «çəkmə»si üzərindən uçmaq üçün gəlirlər. Italiya sizi biganə qoymayacaq. O sizin ürəyinizi fəth edəcək, sizi valeh edəcək. Siz Sofi Lorenin vətənini tərk edəcəyiniz günün gəlməsinə heyfslənəcəksiniz. Amma, ruhdan düşməyin, məşhur Trevi fontanına qəpik atın və siz mütləq bura bir daha qayıdacaqsınız. Məhz onda Çao — «sağol», Çao İtaliya salamlaşmasına çevriləcək!

İtaliyaya səyahət etməyin bir çox vacib səbəbi var: tərtəmiz dəniz, ən yaxşı çimərliklər, valehedici mənzərələr, saysız-hesabsız qədimi muzeylər.
Heç vaxt İtaliyada olmayanlara klassik marşrutla hərəkət etməyi məsləhət görərdim: Roma, Venesiya, Florensiya, Neapol, Rimini və San-Marino Respublikası, Piza, Paduya hərdən onlara Verona da əlavə olunur. Sonradan qayıdıb qayıtmayacağınızı müəyyənləşdirməkdən ötrü ölkənin ən məşhur şəhərlərini mütləq ziyarət etmək lazımdır (amma qayıtmaq istəməyəcəyinizə heç bir şübhə yoxdur). Əsl cənnət isə İtaliyanın cənubudur. Onu tələsmədən, həzzi mümkün qədər uzadaraq öyrənmək lazımdır.


Təbii ki, İtaliya haqqında söhbətə Romadan (Rome) başlamaq lazımdır. Tibr sahilində gəzişmək, yarıdağılmış kolizeyi seyr etmək, imperator saraylarının dağıntıları arasında və ya İspaniya meydanının pilləkənlərində dincəlmək inanılmaz təəssüratlar bağışlayır. Bütün bunları etdikdən sonra isə ürəyinizdə niyyət tutub, Trevi fəvvarəsinə dəmir pul atmağı unutmayın. Deyilənlərə görə, bununla bütün arzular çin olur. İtaliyanın bütün şəhərləri, istisna olmadan öz gözəlliyi və cazibədarlığı ilə seçilir. 

1. Venesiya

2.

3.Piza, Pizan qalası

Piza şəhəri Romadan sonra turistlər tərəfindən ikinci ən çox ziyarət olunan  şəhərlərdən biridir.

4. Manarola

5. Sardiniya

6. Milanın əsas dəmir yolu stansiyası.

7. Çimərlik

8. Milan, Duomo kilsəsi

9. Rim, müqəddəs Pyetr meydanı

10. Kolizey

11.

12. İtalyan pizzası

13. İtalyan makaronunan hazırlanmış salat

14. İtalyan bazarı

15. Florensiya

16. Müqəddəs Mələk qəsri

17.

18.

P.S. Kayzençilərə həmçinində özümə İtaliyada bugünki kimi virtual yox, realda sevdiklərinizlə birlikdə istirahət etməyi, gəzib, dolaşmağı arzu edirəm. İşdi birdən kimsə mənnən tez getsə, İtaliyanın ən gözəl şəhərlərindən biri olan Venesiya haqqında, ayrıca geniş məlumatlı topik yazmasını xaiş edəcəm :) Diqqətinizə görə öncədən minnətdaram.

9 şərh

asel
Amin, ay bacı. Amin! İnşallah nə vaxtsa biz də oralara gedərik. Topikə görə ayrıca təşəkkür. İtaliya hər zaman mənim getməyi arzuladığım yer olub. Sayəndə qiyabi də olsa gedib gəzdim:))))))))))  
pascal
Mən belə bir topiki Caviddən gözləyirdim, sən yazdın. :)
Trevi fontanına xırda pul atmağı televizordan görmüşdüm. Fikirləşirdim ki, sən demə avropalılarda da batıl inanc (xürafat) varmış.
Cavid
Təşəkkürlər Barlelita) çox maraqli alinib, düzünü deyim qeyd etdiyin yerlərin hamisinda olmaq imkanı olmadi am bir çoxunda olduq və çox maraqlı idi, inşAllah şəkillərdən əlavə edərəm məndə, Roma çox qədimi şəhərdir və olduqca maraqlıdır, turist kimi getməyə xeyli pul lazim olacaq ama) bahalı şəhərdir, pascal düz deyirsiz inşAllah öz çəkdiyimiz şəkillər də daxil olmaqla bir məqalə yazmaqa çalışacam sadəcə öz təcrübələrim və gördüklərim, Barlelita sağolsun tam ətraflı İtaliya haqqinda yazib)
BaRLeLiTa
inşAllah sizdəndə gözləyirik, yaxın zamanda :)
Ferbara
İtaliya səfərimizin bələdçisi BaRLeLiTaya təşəkkür. :)
seyidova
VENESİYA,MİLAN,PARİS,London yuxularımın şəhərləri 
babayeva_sabina

inşallah yuxularını yox həyatının şəhərləri olar 

 

BaRLeLiTa
Hər birinizə zaman ayırıb şərh yazdığınıza görə təşəkkürlərimi bildirirəm.