• Akulanın dərisi sürtünmənin qarşısını alır, bundan ilhamlanaraq dalğıc paltarları hazırlanmışdır.
• Termitlər ventilyasiya sistemi olan təpəciklər tikirlər, memarlar da bina istehsalında bu sistemdən istifadə edirlər.
• Quşlar Rayt qardaşlarına və Leonardo da Vinçiyə ilk təyyarə sınaqlarında ilham vermişlər.
• Ağac yarpaqları günəş bateriyalarının ilham qaynağıdır.
• Kəpənək qanadları daha çox inkişaf etmiş cihaz ekranlarının istehsalına köməkçi olur.
• Lotus yarpaqları su keçirməyən səthlərə nümunədir.
• Quş dimdiyinin forması sürət qatarlarında müqavimətin azaldılmasına kömək edir.

Səmadan yer üzünə və dənizlərin dərinliklərinə qədər bizi əhatə edən hər şey yaradılış nümunələri olan «təbii texnologiya möcüzələri» ilə təchiz edilmişdir. Ən sadə sənaye məhsulunun belə hazırlayanı və istehsal yeri vardır. Belə olduqda nəhəng fabriklərlə, ya da mürəkkəb maşınlarla müqayisə edilməyəcək qədər mükəmməl sistemlərə sahib canlıların təsadüfən və öz-özünə təbiət hadisələri nəticəsində ortaya çıxdığını iddia etmək əlbəttə ki, ağılsızlıq olar.

Hər canlı üstün və mükəmməl yaradılışa malikdir. Bu mükəmməl xüsusiyyətlər ilk yaradıldıqları anda qüsursuz və əskiksiz olaraq ortaya çıxmışdır. Çünki Allah, «qüsursuzca var edən»dir. Allah, Quranda belə buyurur:

"(Bunu,) Allaha üz tutan hər bir qul üçün ibrət və öyüd-nəsihət olsun deyə (belə etdik.)" (Qaf surəsi, 8)