Рейтинг
+71.59

Bilirsinizmi?

93 üzv, 434 topik

Ən geniş yayılmış 10 tibbi mif

1. Gündəlik 8 stəkan su içmək lazımdır
 Əslində ehtiyacınız olduğu qədər su için. Orqanizmə lazım olan maye miqdarını özü də tənzimləyə bilir. Sizə lazım olduğu qədər su içirdir orqanizm. Lakin çox isti havada, sidiyinizin rəngi tünd sarı olanda maye tükətimini artırın.

2. Yumurta yemək ürəyiniz üçün ziyandır
 Əslində gün ərzində 1 və ya 2 yumurta yemək olar, düzdür yumurta sarısında xolesterol var, amma az miqdardadır. Yumurta sarısının içində omeqa-3 yağ turşuları da var ki, onlar ürək üçün xeyirlidir.

3. Antiperspirantlar (tər əleyhinə vasitələr) süd vəzisi xərçəngi yaradır
 Əslində aşırı tərləmək yaxşı deyil. Antiperspirantlar da kimyəvi tərkibli maddələrdir və qismən də olsa dəriyə keçir.Amma antiperspirantların süd vəzisi xərçəngi yaratması haqqında elmi sübutlar yoxdur. İsti havalarda səhər duş alıb, antiperspirant çəkirsinizsə, onda mütləq axşam evə gələndə də duş qəbul edib antiperspirantı yumaq lazımdır.
Davamı →

Makaronun faydaları

Makaron bədən üçün əhəmiyyətli olan vitamin və minerallarla zəngindir. Buğdadan hazırlanmış qida məhsulları içərisində istehsal miqdarı və qidalanmadakı önəmi baxımından çörəkdən sonra ikinci yerdə gəlir. Vitamin və minerallar baxımından çox zəngin və faydalı qidadır.

Makaron A, B1, B2 vitaminləri, dəmir, potasium, kalsium, fosfor və protein baxımından zəngindir.

Yağsızdır. Çox az miqdarda əsas yağ birləşmələri və yüksək səviyyədə linoleik yağ asiti tərkibli olduğundan xolesterolu aşağı salır.
Davamı →

Uşağın cinsi kimdən asılıdır?

Uşağın doğulması böyük bir sevinc və xoşbəxtlikdir. Təəssüf ki, heç də hər ailəyə bu sevinci yaşamaq qismət olmur. Lakin bunu anlamayan və uşağın cinsinə görə «narazı» olanlar da tapılır. Belə narazı olnaların əksəriyyəti kişilərdir — «filankəsin 2 oğlu var, mənim isə...», «oğlan olmalıdır», «oğlan istəyirəm» və s.

Qadınlar belə vəziyyətdə sıxılır, özünü günahkar hesab edir, buna görə qınaq və bəzən hətta şiddət obyektinə çevrilir. Bu «rüsvayçılıqdan» qurtulmaq üçün yazıq qadınlar nələrə əl atır — saysız selektiv abortlar, riskli hamiləliklər, hətta ölüm. Yaxın günlərdə Respublika Perinatal Mərkəzində baş vermiş dəhşətli hadisə məhz bunun növbəti sübutudur… Bu məqalədə biz uşağın cinsinin necə formalaşdığını və əslində kimdən asılı olduğunu sizə izah edərik.
Davamı →

Zəhərli çiçək

Bir çox evlərdə difenbahya, yəni xalqa arasında “ağlayan çiçək” kimi tanınan bu bitkini görməyə vərdiş etmişik. Ona qulluq edir, su verir və yarpaqlarını əlimizlə yuyuruq. Amma aparılan araşdırmalara əsasən bu çiçəyin zərərli ola biləcək əlamətlərinin də mövcudluğu ortaya çıxıb. Belə ki, türkiyəli uşaq həkimi Ümid Sarıcısı bu ev bitkisinin xüsusən uşaq böyüyən evlər üçün təhlükəli olduğunu bildirib.

Həkim və qrupu tərəfindən aparılan araşdırmalara görə, difenbahyaya əllə toxunmaq və iyləmək belə, zərərlidir: “Difenbahyanın səbəb olduğu zəhərlənmə hallarında gülün yarpaqlarının əllə ovulması, qoparılması və tapdalanması nəticəsində əl, dil və dodaqlarda şişmə, yanma, ağrı meydana gələ bilər. Eyni zamanda, nəfəs yolu tıxanıqlığı, tənəffüs çatışmazlığı kimi ciddi problemlər də ortaya çıxır:
Davamı →

Cazibədarlıq yüksək İQ ilə əlaqəlidir

Çox insanlar düşünür ki, gözəllik və yüksək İQ uyğunlaşmır. Ancaq London İqtisadiyyat məktəbinin alimlərinin araşdırmaları digər nəticə göstərib. Gözəl insanlar daha yüksək İQ sahibdirlər, onlar daha yaxşı təhsil alırlar, aktiv çalışırlar və daha çox nailiyyətlər əldə edirlər.

Deməli, cazibədar britaniyalı kişinin İQ-su orta görünüşə sahib olan insanınıkından 13,6% yüksəkdir. Qanınkı isə 11,4% yüksək. Bənzər nəticələr ABŞ qeydə alınınb. Tədqiqatçıların fikrinə görə gözəl və ağıllı insanlar bir birlərini cəlb edirlər, bu isə onların uşaqlarında hər iki keyfiyyəti birləşdirir. 

Alimlər, 1958-ci təvəllüdlü, ümümilikdə 17 419 insanın həyatını müşahidə ediblər. Bənzər nəticəyə Amerika milli tədqiqatlar mərkəzidə gəlib, onlar 35000 yeniyetmənin sağlamlığını analiz ediblər.
Davamı →

Sarıköklə ağ dişlər

İstifadə olunan ərzaqlar:
1 xörək qaşığı zeytun yağı
1 çay qaşığı sarıkök tozu
1 xörək qaşığı diş pastası.

Hazırlanması və istifadə qaydası:
Ədviyyatı, diş pastasını zeytun yağı ilə yaxşıca qatışdırın. Diş fırçasını bu qarışıma batırıb adi qaydada dişlərinizi sürtün.

Bu qarışımı dişlərdən təmizləmədən, 3-5 dəqiqə saxlayın, sonra yuyun. İlk istifadədən möhtəşəm nəticəni görəcəksiniz. Bu diş ağardıcısını həftədə 1 dəfə təkrarlaya bilərsiniz.
Davamı →

Süd dişi və cift qan bankı nədir?


Müasir tibbin gündəmində kök hüceyrələri aktuallığını qorumaqdadır. Kök hüceyrə dedikdə, bədəndə mövcud olan sadə dil ilə desək yetişməmiş (yetkinləşməmiş) hüceyrənin inkişaf edərək digər hüceyrə növlərinə (məsələn, əzələ, sümük iliyi, qan, göz, dəri, sinir və s.) çevrilə bilən növüdür. Bu hüceyrələrin ən böyük əhəmiyyəti onun vasitəsilə aşağıda adı çəkilən ciddi və müalicəsi sual altında olan bir sıra xəstəlikləri müalicə etmək mümkünlüyüdür: şəkərli diabet, Parkinson xəstəliyi, Altsaymer xəstəliyi, osteoartrit, insult, onurğa beyni xəstəlikləri, ürək infarktı, xərçəng, keçəllik, dişlərin, görmə və eşitmə qabiliyyətinin bərpası, yaraların sağaldılması, kişi sonsuzluğu.
 
Alimlərin araşdırmalarına görə kök hüceyrələr ən çox körpənin cift və göbək ciyəsi qanında toplanır. Müəyyən müddətə qədər kök hüceyrələrin yalnız qanda olduğu düşünülürdü. Lakin 2003-cü ilə uşaq stomatoloqu Dr. Songtao Shi təsadüfi bir şəkildə uşaqların süd dişlərində aşkar etdi. Bundan sonra dental kök hüceyrəsi anlayışı yarandı.
Davamı →

İmperator Kaliqula

Roma imperatoru Kaliqula öz hakimiyyət dövrünə təqdirəlayiq şəkildə başlamışdı. Belə ki, rəhbərin təhqir edilməsi ilə bağlı təyin edilmiş ciddi əmrləri ləğv edir, keçmiş imperatorların borcunu ödəyir, vergiləri endirir. O hakimiyyətə sahib olduqdan cəmi 8 ay sonra xəstələnir. Ola bilsin, imperatorun düçar olduğu xəstəlik ensefalit idi ki, bu da beyində zədələnmələrə səbəb olmuşdu. Bundan sonra Kaliqulanın davranışları tamamilə dəyişir.

Belə ki, o bir neçə qohumunu intihar etməyə məcbur etmiş, bir neçəsinə yüksək vəzifə vermiş və bundan sonra Britaniyaya səfərə hazırlaşmağa başlamışdı.

Kaliqula öz atı Incitatus üçün mərmər “imarətgah” inşa etdirir və aydın məsələ idi ki, atın bu imarətə qətiyyən ehtiyacı yox idi. Bir dəfə isə Kaliqula mühafizəçilirə amfiteatrda şirlərlə döyüşə tamaşa edən tamaşaçıların 5 ilk cərgəsini meydana atmalarını əmr edir. Bütün bu insanlar həlak olur, çünki meydana əlavə şirlər buraxılmışdı.

Kaliqula insanlara işgəncə verir və bundan böyük zövq alırdı. Son nəticədə isə bir neçə uğursuz cəhdlərdən sonra Kaliqula qətlə yetirilir.
Davamı →

Boyun çevrəsinin ölçüsü nədən xəbər verir?

Alimlərin fikrinə görə, boynun çevrəsi insan sağlamlığından xəbər verir. Normada boynun çevrəsi qadınlarda 34,5 sm, kişilərdə — 38,8 sm qədər olmalıdır.

Mütəxəssislər sübut edir ki, bu ölçüləri olan insanlarda bir çox xəstəliklərin riski xeyli aşağı olur. Əksinə çevrənin artması bəzi çox ağır xəstəliklərin riskini artırır.

Bu xəstəliklər arasında:
— şəkərli diabet
— hipertoniya (yüksək təzyiq)
— ürək-damar sistemi xəstəlikləri
— infarkt
— yuxunun obstruktiv apnoe sindromu (yuxuda nəfəsalmanın müvəqqəti dayanması ilə müşayiət olunan ciddi pozulma. Bəzi ağır hallarda yuxunun obstruktiv apnoe sindromu hətta insanın yuxuda ani ölümünə səbəb ola bilər.)
— piylənmə
Davamı →

Gündəlik həyatda etdiyiniz səhvlər

Makaron suyuna yağ əlavə etmək
Bir çoxları makaron bişirmə mövzusunda professional olduğunu düşünür. Bəlkə də haqlısınız. Ancaq suyuna yağ əlavə edirsinizsə, tamamilə səhvdir. Yaxşı makaron bişirmək üçün 100 qram makarona 1,5 yarım litr su əlavə etmək lazımdır. Eyni zamanda, makaronun suyuna yağ əlavə etsəniz, hazırladığınız sousun makaronlara yapışmasına mane olacaq.

Davamı →