Din, İnam, İman - Aforizmlər
Məni məndə demə, məndə deyiləm,
Bir mən vardır məndə, məndən içəri.
Yunus Əmrə
Kainat nə qədər böyük və onun müxtəlifliyi nə qədər çox olsa da, o hər şeyi ehtiva edən ilahi bir
qüvvənin sayəsində vəhdətdədir. Onun sayəsində bütün bu dünya ilahiləşir.
Plotin
Yeri yaradanın öz yeri olmaz.
Nizami
Allah mərkəzi hər yerdə, çevrəsi isə heç yerdə olmayan dairədir.
N.Kuzanlı
Ateizm nazik buz qatıdır: onun üstündən bir nəfər keçə bilər, amma xalq guppultu ilə uçuruma düşəcəkdir.
F.Bekon
Tanrı insanlığın ən böyük kəşfidir.
Cəmil Meriç
Varlıqda varlığı yaradanın varlığı var.
Mənsur Həllac
Elm və din – hər ikisi idrak müstəvisində dünya nizamına münasibətdir; elmi düşüncə dünya nizamının ayrı-ayrı lokal təzahürlərini aşkar etmək əzmindən, dini hiss – sonsuz, əzəli-əbədi bir nizam qarşısında
heyrətdən qaynaqlanır.
Əbu Turxan
Allah təkcə nizamlı dünyada deyil, xaosda, qaranlığın dərinliklərində də təzahür edir.
Əbu Turxan
Kainat Allahın fikridir.
Şiller
Hər şey ruhani sevinclə doludur və ara-sıra onu şüalandırır.
Uitmen
Bəşəriyyət – əzəliyyətdən əbədiyyətə axan nur çayıdır.
Cübran
Hər bir nurun daxilində özündən ali nura eşq var.
Ş.Y. Sührəvərdi
Gözəlliyin kamil olması üçün daha ali bir element – ruhani element gərəkdir.
Emerson
Yaradana inanmağın ən mühüm şərtlərindən biri insanın öz yaratdıqlarının da Yaradan tərəfindən yaradıldığına inanmasıdır.
Əbu Turxan
İnam dünyanı müqəddəsləşdirir. Sədaqət ona qovuşdurur.
Teyar de Şarden
Hər cür inamın mahiyyəti onun həyata elə məna verə bilməsindədir ki, o ölümdən yüksəyə qalxır.
L.N.Tolstoy
İman – ürəklərdəki oazisdir ki, ora təfəkkürün karvanı heç vaxt çata bilməz.
Cübran
Allaha şübhə etmək əslində ona inanmaq deməkdir.
Balzak
Allahın ən gözəl əsəri könüldür. Qalan hər şey ancaq əsərin əsəridir.
Mövlana
Dinə və məhəbbətə qəlbin bir hissəsi lazım deyil, onlara bütün ruh lazımdır.
A.İ.Gertsen
Dinsiz elm kor, elmsiz din də topaldır.
Eynşteyn
Ölçülməzi ölçə bilməz ölçülər.
Zəlimxan Yaqub
Məni bir mən bilərəm, bir də Yaradan.
Mənə bir mən lazımam, bir də Anlayan...
Mövlanə
0 şərh