Toylar və adət-ənənə

Yəqin ki evlənmək çoxlarının arzusudur. Uzun və soyuq qış axşamları yaz istisini, günəşi, təravəti xəyal edərək, gələcək toyumuzun planını düşünmək üçün ən uyğun zaman deyilmi? Axı sizi gözləyən o unudulmaz an- toy yaz günəşinin şəfəqləri kimi ömrümüzə nur saçacaq. Yəqin etdiniz ki, parlaq stilə uyğun olaraq keçirilən toyun əsas rəngi günəş rəngidir yəni, sarı rəng. Əlavə olaraq yaşıl və narıncı rənglərdən də istifadə etmək olar.  Və əlbəttə ki, ağ rəng. Axı onsuz toyu təsəvvür etmək çətindir.

Hər şeyi çox qabartmaq lazım deyil. Bütün nüanslar incə zövq və bacarıqla yerinə yetirilməlidir. Rəng ahəngində tək rəng uyumluğu vacib deyil. Eyni zamanda bütün rəng çalarlarından da istifadə olunması o qədər də əhəmiyyət kəsb etmir. İstifadə olunacaq rənglərin bütün tonlarından naxışlarda, əl işlərində istifadə olunur. Bu toy yazla əlaqali olur və burada güllərin çiçəklənməsi, ilk quşların səsi və s. əlaqələndirilməlidir, başqa ifadəylə bir ahəng yaradılmalıdır. Stulların bəzədilməsinə də xüsusi diqqət yetirilməlidir. Parçadan deyil, lentlərdən, çiçəklərdən və digər dekorativ bəzək əşyalarından istifadə etməklə onlara xüsusi gözəllik bəxş etmək olar.


Toy buketleri —
Günəş çiçəyi nərgizdir. Sarı, ətirli, möcüzəvidir. Çiçəkləri bir-birinə uyğun bir şəkildə seçə bilərsiniz. Məsələn, zanbaq və qızılgül, əlavə olaraq alabəzək bənövşə, qaymaqçiçəyi, yasəmən budaları əlavə etməklə düşünmüş olduğunuz kompozisiyaya xüsusi gözəllik vermək olar. Düşünməyin ki, sarı ayrılıq rəmzidir. Bu əslində belə deyil.

Dəvətnamə — Günəş toyu zərif, parlaq və eyni zamanda şən keçməlidir. Dəbdəbəli və eyni zamanda sadə, çox adam olmayan bir zifayət təşkil etmək mümkündür. Həmçinin dəvətnamələrin orijinallığı unudulmamalıdır. Dəvətnamələri günəş şəklində, xüsusi naxışlı və ornamentli etmək olar.

Toy ziyafəti — 3 pilləli, vanilli, fındıqlı, qaymaqlı, kremli tort xoş nəticə əlamətidir. Deserti sarı lent və dekorativ çiçəklərlə bəzəmək olar. Eyni zamanda gələnləri keyfiyyətli limon kokteylinə qonaq etmək yerinə düşər. Şirniyyat üçün xüsusi stent təşkil etmək, konfetləri isə xüsusi bəzəklərlə paylamaq olar. Bu zaman stollar fərqli olaraq bəzənir, nabatlar, şəkərli meyvələr, çərəzlər qonaqların müstəqil seçiminə buraxılır. Bu onları uşaqlıq illərinə qaytarı, insanlarda reallıq xoş nostalji hissləri ilə əvəz olunur və bayramın daha şən keçməsini təmin edir. Qoy sənin toyun ən gözəl toy olsun! Unutma, toya gözəllik verən sənsən! Gülümsə, sənin təbəssümün mərasimin xoşbəxt ab-havası olsun, nur kimi yayılsın və həmişə xoş xatirələrdə qalsın.

0 şərh