Maşınınızın rəngi nəyi bildirir?

Qara rəngli avtomobil
Qara rəng «statusun» göstəricisidir, qara avtomobili adətən öz möhkəmliyini və yüksək səviyyəsini göstərməyə çalışanlar idarə edir. Amma çox vaxt bu rəng onların xasiyyətinə heç də uyğun gəlmir, ona görə ola bilər ki, dünya ilə nifaqda olan və ya diqqət və sevgidən məhrum olanlar bu avtomobilləri seçsin.

Ağ rəngli avtomobil
Ağ rəngi mühafizəkarlar və qanundan çıxmayan vətəndaşlar seçirlər. Qadınlar bu halda hesab edirlər ki, ağ avtomobildə onlar daha gənc görünürlər. Ağ rəng heç kimdə qıcıqlanmaya səbəb olmur, bundan başqa istilər zamanı belə maşın daha az qızır. Çox vaxt belə maşınları başqa seçim olmadığı halda seçirlər və sonra heç də məyus olmurlar.

Boz və gümüşü rəngli avtomobil
Praktiklərin və pedantların rəngi sayılır. Gümüşü avtomobillərin sahibləri öz qaydaları üzrə yaşayır və heç vaxt onları pozmurlar. Onlar maşını həmişə saz vəziyyətdə saxlayırlar, daim texniki baxışdan keçirlər. Boz rəngi həmçinin nəzərə çarpmaq istəməyən insanlar seçir ki, özlərini dünyadan gümüş qalxan ilə qorusunlar. Həm də gümüşü avtomobillərdə toz və ləkələr gözə çarpmır!

Sarı rəngli avtomobil
Bu rəngli avtomobili optimist insanlar seçir. Bu avtomobillərin sahibləri gülərüz, enerjili, xoşbəxt və ünsiyyətli olurlar, bundan başqa onlar insanlarla asan dil tapırlar.

Qırmızı rəngli avtomobil
Bu rəng güclü və hökmlü, böyük iradə gücünə malik olan, həmçinin özlərinə yüksək diqqət tələb edən və hirsli təbiətə malik olan insanların seçimidir. Qırmızı maşınlar melanxoliklərə uyğun gəlmir. Xanımlar çox vaxt qırmızı maşını yuxarıda qeyd olunan səbəblərə görə deyil, onun qəşəng göründüyü üçün seçirlər. Yeri gəlmişkən, qırmızı maşınları impulsiv italiyalılar da çox sevir.

Yaşıl rəngli avtomobil
Yaşıl rəngi əksər hallarda təbiətdə istirahət etməyi sevənlər seçirlər. Onlar hara və nə üçün getdiklərini çox yaxşı bilirlər. Bu insanlar praktiki olaraq yol qaydalarını pozmurlar və həyata real baxırlar.

Göy rəngli avtomobil
Göy avtomobillərin sahibləri «qara» və «qırmızılardan» sonra yol qaydalarının pozulmasında ilk sıraları tutur (əsasən tünd göy rəngli avtomobillər). Bu avtomobilin sahibləri tarazlaşdırılmış xarakterə malik olurlar. Açıq göy və mavi rənglər səma, rahatlıq, sakitlik rəngləridir. Bu rəngi daha çox melanxoliklər seçir. Belə rəng onun seçən insanın tez yorulmasından, onun üçün ətrafındakılarların fikri və onların xeyirxahlığının çox əhəmiyyətli olmasından danışır. Çox zaman göy avtomobilin sahibi təvazökar insanlardır. Əgər göy rəng kiminsə xoşuna gəlmirsə, bu o deməkdir ki, həmin şəxs rahatlaşa bilmir. Sübut edilmişdi ki, yorulma və ya xəstəliklər zamanı insanlar göy rəngə qarşı daha çox həssas olur, çünki bu zaman onlar rahatlığa ehtiyac duyur.

Qəhvəyi və çəhrayı rəngli avtomobil
Hər iki rəng digərlərinə baxanda əksər hallarda ətrafdakıların çoxmənalı reaksiyasına səbəb olaraq daha nadir hallarda rast gəlinir. Xüsusilə də romantikanı və sevgini simvollaşdıran çəhrayı rəng.

Narıncı rəngli avtomobil
Coşqun xülyaçılar və ən cəsarətli ideyaların generatorları narıncı rəngə üstünlük verirlər. Özləri kənardan kömək olmadıqda bu ideyaları çox nadir hallarda təcəssüm edirlər, lakin bu ideyaların dahi olması şübhəsizdir. Bu insanlarda intuisiya inanılmaz dərəcədə inkişaf etmişdir.
 

Avtomobil həvəskarlarının diqqətinə:

Changan virtual tur ilə siz Changan Azərbaycan Mərkəzində onlayn şəkildə səyahət edə bilərsiniz. Veb saytımızdan isə istədiyiniz model haqqında ətraflı məlumat əldə edə bilərsiniz

0 şərh