Şam/ Mikayıl Müşfiq
O,alışır hər axşam
Düşünür tək,yanır tək.
Həsrətləmi yanır şam,
Göz yaşları tökərək.
Deyin neçin o laldır,
Bu dilsizlik nədəndir?
Deyin bu nə sualdır?
Hansı bir sinədəndir?
Ah!Bu şamın ürəyi
Alışdıqca hər gecə,
İnsan oğlu şam təki
Bəzən yanır gizlicə.
O gizlicə yanır ki,
Yerdən ucalsın bir az,
İnsanın dərdi var ki,
Onu açıb - ağartmaz.
8 şərh
mektebde oxuyarken 3-4 şerini əzbərləyib səhəri gün 9 qiyməti almışdım))))
ən çox sevdiyim şerləri «Yenə o bağ olaydı»,«Yağış yağarkən»,«Tar»