Əziz qızım

Əziz qızım! Gün gələcək, mən qocalacağam – o zaman səbr et və məni anlamağa çalış. Əgər yemək yeyərkən üzərimə tökərəmsə və ya sənin köməyin olmadan əynimi geyinə bilmərəmsə, səbrli ol. 

Sənə bütün bunları öyrədərkən necə səbirli davrandığımı xatırla. Əgər səninlə danışarkən eyni şeyi dəfələrlə təkrarlasam – sözümü kəsmə, sonacan dinlə. Kiçikkən yuxulamağın üçün eyni nağılı dəfələrlə oxuduğumu xatırla. Görsən ki, yeni texnologiyanı anlamaqda çətinlik çəkirəm, mənə gülmə. Mən min bir çətinliklə sənə bundan da asan şeyləri öyrətmişəm; yeməyi necə yeyərlər, daha gözəl necə geyinə bilərsən, həyatın çətinlikləri ilə necə mübarizə aparmaq lazımdır...

Əgər birdən iştaham küsərsə, məni yeməyə məcbur etmə, mən özüm nə zaman yeməli olduğumu bilirəm. Əgər ayaqlarım məni gəzdirməyə çətinlik çəkərsə, mənə əlini ver, necə ki, sən ilk addımlarını atarkən mən verərdim...

Əgər nə zamansa nəyisə unudaramsa və ya nitq qabiliyyətimi itirərəmsə — mənə xatırlamağım üçün zaman ver. Əgər yenə də alınmasa, narahat olma. Axı əsas olan mənim ne dediyim deyil, əsas olan mənim səninlə olmağım, səninlə danışmağım və sənin də mənə qulaq asmağındır...

Mənim qocalığımı görüb kədərlənmə, əsəbiləşmə, özünü çarəsiz görmə. Sən o zamanlar mənim yanımda olub mənə kömək etməli, məni anlamağa çalışmalısan, necə ki, sən həyata ilk addımlarını atanda mən sənə bunları edirdim...

Yardım et irəli gedim, yardım et öz yolumu sevərək və səbirlə bitirim. Buna qarşılıq səni, heç sönməyən, ölümsüz sevgim və təbəssümümlə mükafatlandıracağam. Qızım, səni sevirəm...

3 şərh

pascal
Çox gözəl bir yazıdır. Kim yazıbsa əllərinə sağlıq. Hər bir övladın oxuyub, əməl edəcəyi bir yazı...
Apollon, mümkün qədər müəllifin adın və ya mənbəni qeyd edin, zəhmət olmasa.
Ferbara
Qocalıq və xəstəlikdən nitqini itirmiş anasını yanında saxlayan bir qadının dedikləri yadıma düşdü: «O, danışa bilmirdi, amma gözlərilə mənə uşaq sevinciylə baxırdı. Mən də onu uşaq kimi nazlayırdım.» 
azadmamedov90
Bir az minnət var sözlərdə, ən azından valideyinlik borcudur məncə. Necə övlad olmusan elə də övladın olar deyə düşünürəm, və də hər kəs lauiq olduğu həyatı yaşayır bəlkədə.(həyatdır, hər istək və arzu reallaşmır)
Arada xatırlayıram anamın bəd duasını-"özündən betər övlad çıxsın qabağıva"…