Üzüm yarpağı

1. Plastmas butulkada üzüm yarpağı 
Bu üsul Azərbaycanda yayğındır. Cavan üzüm yarpaqları yığılır, üç-üç, beş-beş olmaq şərtilə üst-üstə düzülür, və boş plastmas butulkanın içinə salınır. Butulka dolduqca, çubuqla yarpaqların üstünə bastırılır ki, yeni yer açılsın. Buraya nə duz, nə də su vurulur. Butulka dolanda, qapağını sız bağlayıb, butulkanı sərin yeri qoyun. 1 il hətta 2 il belə sərin yerdə qala bilər. Yarpaqlar lazım olduğunda, butulkanı ortadan bıçaqla kəsib ikiyə bölün. Yarpaqları çıxardın. Dolma bişirin.

2. Ziploc torbalarında üzüm yarpağı
Mənim istifadə etdiyim üsul. Təzə yarpaqları bir-birinin üstünə yığıb, şəkildə gördüyünüz ziploc torbasına yerləşdirin. Torbanı kip bağlayıb buzluğa qoyun. Yarpaqlar bu torbada uzum müddət təravətini qoruyaraq, saxlana bilər. Lazım olduğunda çıxardıb istifadə edin.
 

azcookbook.com

0 şərh