Рейтинг
+34.77

həzm sistemi

27 üzv, 62 topik

Mədə yanmasına faydalı qidalar


Mədə turşuluğu çox olduqda, mədədə iltihabda və həzm pozuntusunda yanğı, qıcqırma, qida qalıqlarının qida borusundan ağız boşluğuna kimi geri qayıtması halları çoxunuza tanışdır.

Bəs el arasında " izjoqa” deyilən mədə yanğısını tez söndürmək üçün hansı vasitələrdən, qidalardan əlüstü istifadə etmək olar.
Davamı →

Mədə ağrısının 9 səbəbi

1. Reflü problemi – bu zaman mədədən turş qida qida borusuna keçir, nəticədə güclü ağrı yaranır;

2.
Laktozaya dözümsüzlük – Dünyada milyonlarca insanda rast gəlinir. Süd və süd məhsullarındakı şəkərin həzm olunmasında problem olur. Bu zaman yüngül mədə ağrısı, köp, ishal, gəyirmə, qaz müşahidə olunur;

3. Bəzi dərmanların əlavə təsirlərindən – mədə ağrısı yarana bilər. Bunlara əsasən qeyri steroid iltihab əleyhinə olan dərmanlar aiddir;

4. Glütenə dözümsüzlük – Bəzı insanlarda buğda, arpa, çovdarda protein olan glütenə qarşı həssaslıq olur.Bu zaman mədə bölgəsində ağrı,köp, qaz kimi problemlər baş verir;
Davamı →

Qıcqırma əleyhinə təbii əlac

Mədə yanması bütün yaş dövründə olan insanların ümümi xəstəliyidir, lakin bu xəstəlik əlbəttə ki, nisbətən yaşlı nəslin nümayəndələrini daha çox və tez – tez narahat edir.

Bu problemin həlli yolunda sizi maraqlı və ən əsası təbii yolla müalicə yolu ilə tanış edəcəyik. Bu problemdən qurtulmağın 3 təbii qurtulma vasitəsi mövcuddur.

Bu ənənəvi üsulun köməyilə mədə şirəsinin turşuluğu azalacaq və mədənin şirəli divarları qıcıqlandırıcılara qarşı cavab reaksiyası daha da möhkəmlənəcək.
Davamı →

Ezofagit nədir?

Hazırda az qala hər 3 nəfərdən birində rast gəlinən, mədəni zondla müayinəsində diaqnoz olaraq təyin edilən ezofagit — mədə yanması, qıcqırma, qida borusuna yemək qalığı və mədə şirəsinin sıçraması ilə xarakterizə olunan qida borusu divarının iltibabi xəstəliyidir.

İlk öncə xəstələrin ciddi qəbul etmədiyi, sadəcə gəyirmə, yanma, qıcqırmadır deyib yan keçdiyi patologiya getdikcə dərinləşərək, iltihab sahəsi dərinləşir və məhz ezofagit gələcəkdə qida borusu xərçənginə səbəb ola bilir.

Qida borusu divarının iltihabının əsas səbəbi: reflüksdür. Həkimlərin QERX dediyi, qastroezofagel reflüks xəstəliyi qida borusu ilə mədə arasında qida ötürülməsinin pozulmasıdır. Normada qida həzm sistemində bir istiqamətdə getməlidir: qida borusudan mədəyə, ordan bağırsağa və s.
Davamı →

Medikamentoz mədə xorası

Medikamentoz mədə xorası — bu, tez-tez rast gəlinən problemlərdən biridir. Bu xəstəlik dərman preparatlarının təsiri nəticəsində mədənin selikli qişasının zədələnməsi ilə müşahidə edilir.

Bu cür patoloji proses dərman maddələrinin uzun müddətli qəbulundan sonra müşahidə edilə bilər. Buna görə də, ilkin əlamətləri müşahidə edən kimi yaxşı olardı ki, həkimə müraciət edəsiniz. Çox vaxt medikamentoz mədə xorası zamanı qanaxma yaransa belə, bu simptomsuz inkişaf edir. 

Qanaxmadan əlavə, mədə divarının perforasiyası da meydana gələ bilər ki, bu da xəstənin sağlamlığı üçün çox təhlükəlidir. Çox zaman bu xəstəlik iltihabla müşayiət olunur. Medikamentoz mədə xorası tibbdə ciddi problemlərdən biridir. Bunun səbəbi isə bir çoxları tərəfindən xəstəliklər zamanı həkim təyinatı olmadan qeyri-steroid tərkibli dərmanları qəbul etmələridir.
Davamı →

Bağırsaqları ən yaxşı təmizləyən 4 vasitə

Bağırsaqların normal fəaliyyəti insan sağlamlığında çox böyük rol oynayır. Bağırsaqlar pis işləyəndə ziyanlı maddələr vaxtında xaric olunmur və yenidən orqanizmə sovrularaq intoksikasiyaya (zəhərlənmə) səbəb olur. Belə xroniki intoksikasiya bütün orqanizmə ciddi ziyan vurur, orqanizmdə qocalma proseslərini sürətləndirir.

Bağırsaqları təbii şəkildə təmizləmək üçün bəzi təbii vasitələrdən istifadə etmək olar.
Davamı →

Pilorospazm

Nevrozdan əziyyət çəkən şəxslərdə mədə çıxacağının spastik yığılmasıdır. Klinik şəkli: epiqastrumda intensiv ağrı, turş, mədə möhtəviyyatı ilə bol qusma, palpasiyada epiqastrumda ağrı, bəzən isə mədə çıxacağının spesifik yığılması hiss olunur.

Mədənin rentgenoskopiyasında kontrastın mədədən evakuasiyası ləngiyir və mədə çıxacağının spesifik yığılmalarını görmək olur. Diaqnoz fibroqastroskopiya ilə təsdiqlənir.

Laborator və instrumental müayinələr:
1. Qanın, sidiyin, nəcisin ümumi analizi; 
2. Qanin biokimyəvi analizi; 
3. Mədənin secretor funksiyası (bəzən mədə hipersekresiyası və xlorid turşusunun miqdarının artması);
Davamı →

Nişastanın orqanizmdə əmələ gətirdiyi xəstəliklər

Orqanizm nişastanı asanlıqla udub həzm edə bilmir. Bunun baş verməsi üçün orqanizmdə çoxlu kimyəvi reaksiyalar getməlidir. Orqanizmdə nişastanın sorulması üçün şəkərə ehtiyac var. Sadə şəkərin nişastaya çevrilməsi prosesinin texnologiyası çox çətindir. Bu 2-4 saat ərzində baş verir.

Bu müddətdə isə enerji sərfinə və bioloji aktiv maddələrə (B qrup vitaminlər, B2, B3, PP, C və s.) ehtiyac duyulur. Orqanizmdə vitaminlərin və mikroelementlərin çatışmazlığı nişastanın sorulmamasına səbəb olur. Bu zaman isə nişasta orqanizmdə zəhərli maddəyə çevrilir.

Nişasta orqanizm tərəfindən asanlıqla sorulmayan maddələrdən hesab edilir. O yanlız kolloid həll olma xüsusiyytinə malikdir. Nişastanın kolloid həll olması barədə aparılan elmi araşdırmalar onun molekularının əksər hissəsinin misellrdən ibarət olduğunu aşkar edib.
Davamı →

Sürətli yeməyin zərərləri

Şübhəsiz ki, düzgün qidalanmamaq bütün sağlamlıq problemlərinin başında gəlir. Gündəlik həyatda edilən səhv davranışlardan biri də sürətllə yemək yeməkdir. Yeməyi sürətlə yemək bir çox insanın bilmədən etdiyi, ciddi zərərləri olan pis bir qidalanma vərdişidir.

Bu səhv qidalanma vərdişi artıq çəki və reflüks kimi bir çox xəstəliyə səbəb ola bilir. Sürətlə yemək yemək həzm sistemi başda olmaqla bütün maddələr mübadiləsində zərərli nəticələrə səbəb olur.

Sürətlə yemək yedikdə mədənin və beynin üzərindəki toxluq hissini təmin edən mərkəzlərin arasında əlaqə müddətində gecikmə yaşanır. Yəni, insanlar sürətlə yemək yedikdə toxluq hissini çox gec hiss edirlər və daha çox yeyirlər. Bu halda insanın aldığı kalori artıq olur və nəticədə artıq çəki problemləri yaranır.
Davamı →

Qəbizliyə faydalı qidalar

Qəbizlik bir çox insanın yaşadığı ortaq problemdir. Əminik ki, çox eşitmisiniz amma qəbzliyi nə olduğunu bilməyənlər varsa bu, nəcis sıxlığının azalması, qəbz olan insanlarda şişkinlik, həssasiyyət və tualetə getmədə çətinliyə səbəb olması kimi izah oluna bilər. Simptomların tipi və şiddəti insandan insana görə dəyişir. Bəzi insanlar nadirən qəbzlik yaşayərkən, digərləri üçün bu xroniki bir vəziyyətdir.

Qəbizliyin səbəbləri fərqli ola bilər:
— yetəri qədər maye qəbul etməmə,
— duyğusal vəziyyət,
— sağlıqsız qidalanma,
— hərəkətsizlik və istifadə olunan bəzi dərmanlar.
Davamı →