Xoşbəxtliyiniz üçün yaxşı bir dostunuzun olması vacib amillərdəndir. Yaxşı bir dost, dostunun nəyə ehtiyacı olduğunu daha o demədən bilir.
Nəyə görə dostlar həyatımızda bu qədər önəmli yer tutur? Bir çox tədqiqatçılar illərdir dostluğun faydaları haqqında araşdırmalar aparırlar.

Araşdırmalar nəticəsində məlum olmuşdur ki, dostluq münasibətləri sizi daha xoşbəxt bir insana çevirir. Buna görə də yaxşı bir dostunuzun, ya da bir qrup sizi dəstəkləyən dostunuzun olması mütləqdir. Ancaq bütün bunlara baxmayaraq, yaxşı bir dostunun olması çox çətindir.

Yaxşı dost 
Nə olursa, olsun sizi dəstəkləyəcək biri;
Sizə həqiqətləri deyəcək və sizi mühakimə etməyəcək biri;
Sizin hisslərinizə ziyan yetirməyəcək biri;
Sizin seçimlərinizdən asılı olmayaraq dəyər verəcək biri;
Sədaqətli biri;
Siz güləndə gülən, ağlayanda ağlaya bilən biri;
Üzünüzü güldürə biləcək biri olmalıdır.