Рейтинг
+48.30

Xoşbəxtlik üçün

58 üzv, 67 topik

İlk addımı siz atın

«Evinizdə bir problem olduqda onu həll etmək əvəzinə kənarda dayanmağamı üstünlük verirsiniz?»
"
Hər dəfə mübahisəniz düşdükdə barışmağı birinci həyat yoldaşınızdanmı gözləyirsiniz?"
Əgər bütün bu suallara cavabınız müsbətdirsə, sizin üçün ailə səadətindən danışmaq hələ tezdir.

Bəzi qadınlar “ilk addım həmişə kişilərdən gəlməlidir” fəlsəfəsinə üstünlük verirlər. Bu, onlara görə, ailədə tərəflər arasında meydana gələn inciklikləri aradan qaldırmaq, əlamətdar günləri xatırlamaq, sürprizlər hazırlamaq, hər hansı bir problemi həll etmək və s. ola bilər. Təbii ki, bu vəziyyətdən sui-istifadə edənlər də var. Üstəlik, bəzi kişilər də eyni cür səhvlərə yol verirlər. Halbuki ailədə tərəflərdən biri geri addım atsa, tarazlıq pozular. Bu isə gələcəkdə həlli mümkün olmayan problemlərin meydana çıxmasına səbəb olar. Beləliklə, illər keçdikcə tərəflər bir-birindən daha çox şey gözləməyə başlayar.

Digər tərəfdən, ailədə tərəflər arasında fərqli fikirlərin olması da təbiidir. Məsələn, sizə görə problem olan bir məsələ həyat yoldaşınıza adi bir şey kimi görünə bilər. Belə olduqda o, sizdən üzr istəməkdən də imtina edər.
Bütün bu səbəbləri nəzərə alaraq ilk addımı həyat yoldaşınızdan gözləməyin. Əgər həll olunacaq bir məsələ varsa, ilk addımı siz atmağa çalışın. Çünki bu məsələdə itirdiyiniz hər dəqiqə ailə həyatınızı təhlükə altında qoya bilər. 


Davamı →

XOŞBƏXTLİK KÖNÜLDƏN VERMƏKDİR....

"İnsanlar körpü qurmaq yerinə divar hördükləri üçün yalnız qaldılar«biz isə bu divarları sökə bilmədiyimizdən xoşbəxtliydən uzaq qaldıq.Yaxşılığın sevincinin dadından uzaq qaldığımız üçün.Yaxşılıq uzaqda deyil,yaxşılıq etmək istədiyimiz insanlar isə yaxında laaap yaxınımızdadırlar.Daha gözəl olmazmı dostlarımızı güldürdüyümüz vaxtların bir hissəsində bir yetimi güldürməyə ayırsaq?Hər gün dinlədiyimiz mahnıların arasında vaxt tapıb ürəyimizin səsin dinləsək?
Ardı →

İnanım, ya yox?


Çox vaxt qarşı tərəfi vəd verməyə sövq edən müxtəlif amillər olur. Bəzən bu amillər qarşı tərəfə müsbət təsir göstərmək və bəzən də qarşı tərəfi bir qədər “yumşaltmaq” üçün də verilir. Ona görə də belə hallarda qarşı tərəfi yaxşı “təhlil etməli”, münasibətlərdə hər hansı bir problem yoxdursa, onun verdiyi vədlərə tərəddüdsüz yanaşmalısınız. Əgər qarşılıqlı etimad varsa, vədlərə də inanmaq olar.
Ardı →

Təmizliyə qəlbimizdən başlayaq!


Təmizlik gözəl şeydir, ancaq ən böyük təmizlik ətrafımızdakı deyil, içimizdəki təmizlikdir. Yaxşı olar ki, ətrafımıza göz gəzdirdiyimiz kimi, içimizə də nəzər salmağı bacaraq, bizi köləyə çevirən, başqalarının qarşısında alçaldan, ləyaqətimizi tapdalayan çirkablardan qurtarmağa çalışaq.

 İnsanın ən böyük düşməni elə onun içindədir. Buna görə də gərək həyətimizdəki zibili aparıb atdığımız kimi, içimizdəki xəbis duyğuları, hisi-pası da qoparıb atmağı bacaraq. Evimizin küncündəki qurumu, tozu silib atdığımız kimi, içimizdəki paxıllığı, qısqanclığı da silib ata bilək.

Kəndlərdə hər il novruzqabağı bəzi yerləri əhənglə ağardır, bəzi yerləri isə boya ilə boyayırlar. Bütün bunlar zahiri şeylərdir. Ən gözəl təmir, ən gözəl bayram insanın içindəki qüsurlardan, naqisliklərdən, mənfiliklərdən qurtula bilməsidir. Bayram onda bayram olur ki, biz onun gözəlliyini qəlbimizdə hiss edirik, əgər içimiz qan ağlayırsa, gözümüz onun-bunun malını-pulunu sayırsa, nə süfrəmizdəkinin bir bərəkəti olar, nə də yediyimizin bir dadı. Xoşbəxt ailə yavan çörəyi ilə, quru sözü ilə ovunmağı bacarandır. Xoşbəxt o insandır ki, yoldaşının uğurunu öz uğuru bilib, uşaq kimi sevinir. Yəni xoşbəxtlik təkcə süfrələrin aşıb-daşmasında yox, ürəklərin xoş hisslərlə dolmasındadır.


Ardı →

Xoşbəxtlik üçün 7 sirr

1. Hər şeylə qane olmağı bacarın. Qane olmaq bacarığı sizə xoşbəxtliyin qapısını açacaq. Malik olduğunuz hər bir şeyi dəyərləndirin. Malik olduqlarını dəyərləndirə bilməyənlər xoşbəxt ola bilməzlər.


2. İnamlı olun, özünüzə və qadir olduqlarınıza inanın. Bu sizin həyatda mövqeyinizi gücləndirəcək və siz insanlar arasında varlığınızı hiss edərək özünüzü xoşbəxt hiss edəcəksiniz.

3. Mərhəmətli olun və bağışlamağı bacarın. Siz bununla ətrafdakılarınıza da xoşbəxtlik bəxş etmiş olarsınız. Xoşbəxt insanların arasında olmaq isə özü bir xoşbəxtlikdir.

4. Keçmişdə həyatınızda baş verən xoşagəlməz hadisələri və səhvlərinizi unudun. Keçmişin yükünü çiyinlərində daşıyan insan xoşbəxt ola bilməz. Enerjinizi gələcəyiniz üçün sərf edin. Bu sizi xoşbəxtliyə aparacaq.


Ardı →

Yaşanan həyat & Seyr edilən həyat

Axşamlar evdə nə edirsiniz?

Divana uzanıb, heç tanımadığınız amerikalı detektivlərlə heç tanımadığınız amerikalı quldurlarımı qovursunuz, yoxsa yerli seriallara qapanıb heç bilmədiyiniz evlərdə yaşanan həyatlarımı seyr edirsiniz?
 Dörd saat televizor seyr etmənin səkkiz saat işləmək qədər beyni yorduğunu bilirsinizmi ?
İki cür həyat var:
1. Yaşanan həyat.
2. Seyr edilən həyat.

Axşamlarınız televiziyaya kilidlidirsə, bilin ki, həyatı yalnız seyr edirsiniz !
Axşamları evdə nə edirsiniz? Axşamlarınızı necə keçirirsiniz? «Bir çoxu kimi biz də semiçka çırtlayıb saatlarla televiziya izləyirik» deyirsinizsə, dayanıb bir düşünün; Dünyaya bir neçə dəfə daha gələcəyinizəmi inanırsınız?!
Belə bir şans olsaydı, hal-hazırkı həyatımızın bir hissəsini ziyan etmək indiki qədər acı nəticələr doğurmazdı  bəlkə də...
Reallıq budu ki, yalnız bir həyatımız var. Və bu həyat da təəssüf ki, çox qısadır...
Təxminən, altmış illik ömrün  iyirmi ili yuxuda keçir. Qalan qırx ilin iyirmi ili uşaqlıq, təhsil, və s. Son iyirmi ili də ziyan etsək, bizə yaşanacaq bir şey qalmaz.
Axşamlarınızı yalnız televiziyaya verirsinizsə, saylı nəfəslərinizin bir hissəsini «zibil qabına» atırsınız deməkdir! Çünki televiziya izləyən adam həyatda deyil, çünki heç bir şey etməməkdə davam edir, heç nə əldə etmir, heç nə öyrənmir; bu da dolayısı ilə yaşamamağa bərabərdir.


Ardı →

86.400 Saniyə

Bankda bir hesab sahibi olduğunu düşün, hesabına hər səhər 86.400 dollar pul yüklənir, lakin bu pulun hamısını axşama qədər xərcləmək məcburiyyətindəsən. Pulu istifadə etsən də istifadə etməsən da hesab hər axşam sıfırlanır.
Nə edərsən? Təbii ki hamısını xərcləməyə çalışarsan. Hamımız, Zaman adlı bu bankın müştəriləriyik.
  Hər səhər 86.400 saniyəyə sahib oluruq. Hər səhər hesabımız dolar, hər axşam boşalar. Geri dönüş yox, saniyələrini bu anı yaşayaraq xərclə, ən yaxşısı bunlara sərmayə qoy: Xoşbəxtlik, sağlamlıqmüvəffəqiyyət üçün Zaman qaçır. Hər gün üçün ən yaxşısını et.
  Bir ilin dəyərini anlamaq üçün onu  sinifdə qalmış bir şagirddən soruş.
  Bir ayın dəyərini anlamaq üçün, onu 8 aylıq bir körpə dünyaya gətirən anadan soruş.
  Bir həftənin dəyərini anlamaq üçün, onu həftəlik jurnal dərc edən bir zəhmətkeşdən soruş.
  Bir saatın dəyərini anlamaq üçün, onu qovuşmağı gözləyən sevgililərdən soruş.
  Bir dəqiqənin dəyərini anlamaq üçün, onu qatarın qaçıran sərnişindən soruş.
  Bir saniyənin dəyərini anlamaq üçün, onu bir qəzanın qarşısını ala bilməyən sürücüdən soruş.
  Bir saniyənin yüzdə birinin dəyərini anlamaq üçün, onu olimpiadalarda qaçış üzrə gümüş medal qazanan idmançıdan soruş.
  Hər anını qiymətləndir, hər dəqiqəni çox xüsusi biriylə paylaş. Zamanına ortaq edə biləcəyin qədər xüsusi biriylə.
  Unutma! Zaman heç kim üçün dayanmaz. Keçmiş zaman tarixdir. Gələcək zaman sirlər, məchullarla dolu.
  Yalnız bu an sənə verilən gerçək bir hədiyyədir! 
Davamı →

Şəms Təbrizidən həyata dair bir öyüd



Həyata təpədən baxsan, insanların yalnız təpəsini görərsən.
Həyata daim insanlarla eyni məsafədən bax, o zaman insanların həm üzünü, həm ürəyini görərsən. 
Mühüm olan yüksəklərə çıxıb həyata təpədən baxmaq deyil, mühüm olan nə qədər yüksəlsən də hər şeyə EYNİ məsafədən baxa bilməkdir.

Həyatda hər şey ola bilərsən… Lakin mühüm olan həyatın içində "İNSAN" ola bilməkdir!
 
Gözəl bir gülü, gözəl bir gecəni, gözəl bir dostu hər kəs istər. Əhəmiyyətli olan gülü tikanıyla, gecəni sirriylə, dostu bütün dərdləriylə sevə bilməkdir. 
Davamı →

Oğullarınızı yaxşı yetişdirin / A. Enşteyn


— Qarşı cinsə hörmət etməyi öyrədin.

— Onu dünyaya gətirənin də, bir qadın olduğunu öyrədin.

— Bir qadının çiyininə dost olaraq da sarıla biləcəyini öyrədin.

— Sevməyin dəyər vermək olduğunu öyrədin.

— Sahib çıxmaqla, sahib olmağın fərqli olduğunu öyrədin.

— Heç kimi kiçik görməməyi öyrədin.

— Amma bunları ondan əvvəl öz içinizdəki uşağa öyrədin.



Davamı →

Xoşbəxtlik harda gizlənib?

Bir gün mələklər, xoşbəxtliyi gizlətməyə qərar verirlər. «Gizlədək, çətin tapsınlar.Çətin tapdıqları üçün bəlkə qiymətini bilərlər» deyərək başlayırlar müzakirəyə...
Problem böyük imiş. Xoşbəxtliyi gizlətmək asan deyilmiş çünki...
kimisi: «Everestin ən yuxarısında gizlədək» deyir, kimisi «Sakit okeanının dibinə» deyir.
Tac mahal, Məkkə küçələri, italyan süfrəsi...
Bir xəstəxananın doğuş otağı, bir dondurma qabı...
Siqaret paketi, gül bağçası, bağçalı evlər...
Bir çox yerlər düşünürlər, amma heç biri kifayət qədər çətin olmur.
Bu zaman mələklərdən biri;
«Bəlkə öz içlərində gizlədək?»-deyir-«Heç kimin ağılına gəlməz ki, öz içinə baxmaq!!!»
Bax, o gün bu gündür, xoşbəxtlik insanın içində gizlənir...
Heç bir xoşbəxtlik asan tapılmır. Asan asan gülmür insanın üzü...
İnsanın içində gizlidir xoşbəxtlik...

Davamı →