Kayzen.az saytına kontent menecer vakansiyası üzrə işçi tələb olunur.
İşçiyə tələblər:

• rus və ingilis dillərində bilmək,yazıları tərcümə etmək bacarığı
• Adobe Photoshop yaxud digər qrafik redaktorda işləmək bacarığı
• təcrübəli İnternet istifadəçisi olmaq,İnternet texnologiyalarından yaxşı baş çıxarmaq.
• yüksəksürətli internetə çıxışı olmaq (evində).
• istifadəçilərin mövzu üzrə suallarını şərhlərdə cavablandırmaq

Bloq və forumlarda aktivliyi ilə fərqlənən namizədə üstünlük veriləcək.
Namizəd müvafiq mövzulara aid maarifləndirici,maraqlı, intellektual səviyyəsi yüksək insanlar üçün nəzərdə tutulmuş məqalələri hazırlayıb sayta yerləşdirməlidir.
Əmək haqqı aylıq 400 AZN

Maraqlanan şəxslərin [email protected] ünvanına özləri haqqında CV yollaması(mobil telefon ilə birlikə) xahiş olunur.Bunları bacarmayan insanlar əziyyət çəkib əlaqə saxlamaya bilərlər:

• məqaləyə Youtube servisindən videonun kodunu qoya bilməyən
• şöhrətpərəstlik əvəzinə wohretperestlik  yazan
• TuLlAnAn HəRfLəRlƏ yaxud BÖYÜK HƏRFLƏRLƏ yazan.
• gün ərzində 3-dən az post yazan.

Vakansiya üzrə yalnız bir nəfər seçiləcək.

Davamı →

Neftin qiymətinin bahalaşdığı, Türkiyə-İsrail münaqişəsi və s. məsələlərlə əlaqədar olaraq saytda köklü dəyişikliklər var. Bundan sonra saytda açıq qeydiyyat bağlanır,invayt (invite ingiliscə dəvətnamə deməkdir) sistemi tətbiq olunur. Saytda qeydiyyatdan keçmək üçün gərək invayt əldə edəsən.
Tutaq ki mənim bir yaxşı dostum var və onun saytda qeydiyyatını uyğun bilirəm. Bundan sonra gərək İnvayt hesabımdan dostumun e-mailini əlavə edib ona dəvət göndərim. İnvaytı hər adama verib xərclərməyin. Onun sayı məhduddur. Elə adamlar var ki (onlar çoxdur) kayzendə qeydiyyatdan keçmiş dostu yoxdur yaxud dostu simiclik edib invaytı ona vermir. Bəs onlar neyləsin? Həmin insanların da arzusunu nəzərə almışıq. Saytda ancaq intellektual-mədəni səviyyəsi yüksək olan istifadəçilərin qalması üçün belə fikirləşmişik ki,qoy həmin adamlar xüsusi formda suallara cavab versin. Onların verdiyi cavablardan asılı olaraq onların kayzendə qeydiyyatdan keçib-keçməməsi məsələsinə baxılacaq.

Ardı →

Saytda decentralization(mərkəzləşmənin əksi) istiqamətində bəzi yeni tədbirlər görmək zamanıdır.
Hazırda sayt administrasiyasında bəzi yazılar var. Onları qəbirə aparmaq istəmirik kayzen ideyasına uyğun olaraq bölüşmək istəyirik. Kim onları yaxşı şəkildə hazırlayıb təqdim etsə ona həmin yazılar veriləcək. Yazıların mövzusu:
Ardı →

Artıq saytımız 3 aydır ki fəaliyyət göstərir. Əvvəlcə onu deyim ki, bu ayın reytinq yarışının nəticələrinə görə saytımızın çox aktiv üzvü mr13 qalib seçilir və 250 USD mükafatlandırılır. Mr13 saytda olduğu müddətdə qalereyada aktiv olmuş, masonluq haqqında və s. mövzularda maraqlı postlar yerləşdirmiş, astronomiya bloqunu yaradıb inkişaf etdirməyə başlamışdır. Ona saytda uğurlar arzulayırıq.
Fəaliyyət göstərdiyi dövrdə sayt bir çox uğurlara nail olub: təsəvvür etmək olmur ki, cəmi 3 ayda sayt nə qədər inkişaf edib. Amma o da təbiidir ki, sayt hamının tələblərinə cavab verə bilməz.

Ardı →

İstifadəçilərdən xahiş olunur ki,səs verərkən layiqli posta səs versinlər. Nikkolo Makiavellinin «Hökmdar» əsəri bloqunda yazılan postlarla Nailə Rzayevanın postları arasında fərq böyükdür. Ona görə də çalışın müsbət xal verərkən diqqətli olun. İnsanın əməyinə, düşüncə qabiliyyətinə səs verməyi öyrənin. Bir var kiminsə əsərini qoymaq,bir də var öz intellekti ilə nəsə yazmaq…
Ardı →

Bilirsiniz ki,artıq saytımız elmi mənbə,bilgi arxivi rolunu oynamağa başlayıb.Saytın əsas dəyəri onun içindəki yazılarla,kontentlə ölçülür. Sayt daxilində kontenti düzgün nizamlamaq,hamının xoşuna gələcək materiallar hazırlamaq üçün yaxşı postlara ehtiyac var.
İstifadəçilərə kömək etmək üçün belə bir şey etməyə qərar verilib.Sayt administrasiyası bəzi mövzularda hazır yazılar verir.İstifadəçilər isə onları vaxtlı-vaxtında sayta yerləşdirir,yazıya uyğun şəkil,video və s. əlavə məlumat tapır.Ən əsası,gərək postu yerləşdirən o sahədə bilgili adam olsun.İqtisadiyyat haqqında yazı qoyan gərək bu sahədən başı çıxan adam olsun ki,sonra şərhlərdə istifadəçilərin suallarını cavablandıra bilsin.
Yazıların çoxu Word sənəd şəklindədir.bəziləri isə pdf fayl şəklində.Postları yerləşdirməklə reytinqini artırmaq istəyənlər,cəmiyyətə faydalı bilgi yerləşdirmək istəyənlər özləri haqda(qısa tərcümeyi-hal,təhsil),bildikləri sahə haqqında yazıb [email protected] ünvanına göndərə bilərlər.Vakant mövzular bunlardır:
Tibbin bütün sahələri.
ABŞ iqtisadiyyatı (azı 70 məqalə)
Azərbaycanın büdcə-vergi sistemi
statistika
maliyyə,kredit
xarici dilər(alman dili)
filosoflar haqqında
astronomiya
kimya
Bu sahədə bilgili olanlar müraciət edə bilər.Qrafika proqramları ilə işləyə bilənlər olsa lap yaxşı.Məsələn,astronomiya haqqındakı pdf faylı adi copy-paste ilə götürüb qoymaq mümkün deyil,orada xeyli əziyyət lazımdır. Kimdə elektron vəsait,faydalı yazılar,elektron şəkildə hər hansı maraqlı informasiya varsa,o da öz yazılarını göndərə bilər.Mən əminəm ki,sayt istifadəçilərinin çoxunda elektron vəsaitlər var.İstəsələr onlar da öz materiallarını palaşa bilərlər.
Davamı →

Bugün 2 xəbər hamının diqqətinə çatdılır.Birincisi odur ki,fidanın təklifi ilə ən yaxşı post seçimi aparıldı.İnternet-dizayndan yaxşı başı çıxan və saytla yaxşı tanış olan istifadəçilərin səsverməsindən sonra bu çətin seçimdən sonra 2 nəfər qalib seçildi. kayzen istifadəçilərinin çoxu intellektual səviyyəsi yüksək olan uşaqlardır və onlara ən yaxşı hədiyyənin kitab olduğunu düşünüb Robert Qrinin "33 стратегии войны" və Larri Kinqin «Как разговаривать с кем угодно когда угодно и где угодно» adlı bestsellerləri hədiyyə olunur.
Ardı →

Saytda müraciət forması kimi alə,qədeş,bratello,bratan müraciət formaları yığışdırılır. Yalnız istifadəçinin logini(məsələn,mr13) yaxud öz adı(Nadir) işlənir.Üstünlük birinci formaya verilir.

Dalbadal 7 mövzuda şərh yazana minus verilsin. Kimsə gedib 1 ay kənddə dincələndən sonra gəlib görür ki,saytda yüz dənə məqalə var.Başlayır onların hamısına şərh yazmağa. Belə halın qarşısını almaq üçün tələb olunur ki,istifadəçi diqqətlə,aram-aram şərh yazsın. Vacib deyil ki şərhlərin hamısı bir saatın içində yazılsın.

Saytda kütləvi reytinq azaltmağa və artırmağa çağırış olmasın. Filankəs Arsenalın zəif olduğunu dedi,gəlin bu Mançester azarkeşinə kütləvi minus yazaq kimi hallar aradan qaldırılsın.Elə hal olanda çağırışçının özünə minus verin. Kütləvi çağırış yalnız yumor üçün yazıldıqda,pis məqsəd güdmədikdə işlənə bilər.
Ardı →

Düz bir ay bundan əvvəl qeyd edilmişdi ki,ay ərzində ən yüksək reytinq alan istifadəçi mükafatlandırılacaq. Artıq bir ay ötdüyünə görə nəticəni demək olar.Pul əsas şey olmasa,həvəsləndirici xüsusiyyət daşıyır.Sevindiricidir ki,istifadəçilər də reytinq mübarizəsindən çox sayt icmasına xeyir vermək barədə düşünürdü.Bu ayın qalibi bankir seçildi.
Yarışın şəffaflığının şübhə altına alınmaması,obyektivlik üçün bu ay olacaq yarışda bankir iştirak etmir. Müqsabiqə davam edir.

Davamı →