Çaxoxbili

4-6 pay üçün
Ərzaqlar:
4 xörək qaşığı kərə yağı
1 xörək qaşığı zeytun yağı
(ərinmiş yağdan istifadə edirsinizsə, zeytun yağı lazım deyil)
1 toyuq (təxminən 1 kg 500 q),10 tikəyə bölün (istəyə görə, 12 yerə də bölmək olar)
3 ədəd orda boy soğan, nazik-nazik doğranmış (4 stəkan doğranmış soğan alınmalıdır)
6 ədəd yetişmiş pomidor, iri-iri doğrayın
5 diş sarımsaq, soyun və iri-iri doğrayın
1 çay qaşığı xmeli-suneli (Gürcü ədviyyat qarışığı)
Bir stəkan doğranmış keşniş (başqa göyərtilər də əlavə etmək olar – cəfəri, tərxun, reyhan, şüyüd)
Bir çimdik qırmızı acı toz-bibər (mütləq deyil)
Duz və istiot.

Hazırlanması:
Yağı iri, yündür tavada yağı əridin. Üstünə zeytun yağı tökün ki, yağ yanmasın. Soğanı yağda qızardıb, kənara qoyun, amma yağ tavada qalsın.
Toyuğu tavaya əlavə edib yağda hər tərəfini bir az qızardın.
Soğanı, pomidoru, duz və istiotu və xmeli-sunelini toyuğa əlavə edib, qapağını örtün və 30 dəqiqə ərzində, yaxud toyuq bişənə qədər bişirin. Axırıncı 10 dəqiqədə qapağı açıb bişirin.
Bu vaxt, sarımsaq və göyərtinin çoxunu (bir qədərini üstünü bəzəmək üçün ayırın) həvəngdəstədə yaxşıca əzin.
Hazır olan yeməyi oddan kənara çəkin. Sarımsaqlı qarışığı toyuğa əlavə edib qarışdırın. Zövqə görə acı bibər də vurun.
Qapağı yenidən örtün və 5 dəqiqə kənarda dəmləndirin.
Yemək hazırdır. Çörəklə süfrəyə verin.

0 şərh