Mən belə əsrarı qana bilmirəm,
Mən belə əsrarı qana bilmirəm,
Qanmaz olub da dolana bilmirəm!..
Axtaxana, sağda dana böyüdü,
Mən böyük ollam haçana, bilmirəm!..
Derlər utan, heç kəsə bir söz demə, -
Həq sözü derkən utana bilmirəm!..
Neyləməli, göz görür, əqlim kəsir,
Mən günəşi göydə dana bilmirəm!..
Şiddəti-seylan ilə baran tökür,
Bir koma yox, daldalana bilmirəm!..
Derlər utan, hərzəvu hədyan demə, -
Güc gətirir dərd, usana bilmirəm!..
Derlər, otur evdə, nədim, kasibəm,
Kəsb eləməzsəm, qazana bilmirəm!..
Derlər, a qanmaz, de yıxıl, ol, qurtar!
He, balam, doğrusu, ay dadaş, mən dəxi
Məsləhət ondan o yana bilmirəm!..
M.Ə.Sabir
Qanmaz olub da dolana bilmirəm!..
Axtaxana, sağda dana böyüdü,
Mən böyük ollam haçana, bilmirəm!..
Derlər utan, heç kəsə bir söz demə, -
Həq sözü derkən utana bilmirəm!..
Neyləməli, göz görür, əqlim kəsir,
Mən günəşi göydə dana bilmirəm!..
Şiddəti-seylan ilə baran tökür,
Bir koma yox, daldalana bilmirəm!..
Derlər utan, hərzəvu hədyan demə, -
Güc gətirir dərd, usana bilmirəm!..
Derlər, otur evdə, nədim, kasibəm,
Kəsb eləməzsəm, qazana bilmirəm!..
Derlər, a qanmaz, de yıxıl, ol, qurtar!
He, balam, doğrusu, ay dadaş, mən dəxi
Məsləhət ondan o yana bilmirəm!..
M.Ə.Sabir
5 şərh
Mən günəşi göydə dana bilmirəm!
Allah sənə rəhmət eləsin, ulu Sabir...indi göz görə-görə insanlar nələri danmırlar ki...
Gözəl şeiri paylaşdığınıza görə, təşəkkürlər.
Mənasız nəşrlərdənsə (ya da şeirlərdən deyim) belə şeirlər yerləşdirmək, daha yaxşıdır. Bu dəyərli əsərin hər bir beytindən bir topik yazmaq olar.
Derlər utan, heç kəsə bir söz demə -
Həq sözü derkən utana bilmirəm!
Dərd orasındadır ki, 100 il bundan qabaqda beləydik, indi də…