Bu dağı bağ eylərəm, ay bülbüllər,
Yanın çardaq eylərəm, ay bülbüllər.
Eşitsəm, sən gəlirsən, ay bülbüllər,
Yolunu çıraq eylərəm, ay bülbüllər.

Evlərində var kilim, ay bülbüllər,
Lal olsun mənim dilim, ay bülbüllər!
Gedəndə küsdü getdi, ay bülbüllər.
Gəlsə, necə dindirim, ay bülbüllər?

Oba keçdi oymaqdan, ay bülbüllər,
Su yorulmaz axmaqdan (Gecə keçdi uymaqdan), ay bülbüllər.
Yar yardan necə doysun, ay bülbüllər,
Pəncərədən baxmaqdan, ay bülbüllər?!..

Gecə keçib yarıdan, ay bülbüllər,
Yar ayrılıb yarından, ay bülbüllər!
Neçə qurban demişəm, ay bülbüllər.
Xəbər gəlsin yarımdan, ay bülbüllər?