Əli və Ninonun heykəli necə qovuşur?
Qurban Səidin məşhur “Əli və Nino” romanı Gürcüstanda Azərbaycandan da məşhurdur. Azərbaycanlı oğlanla gürcü qızın məhəbbəti Batumidə “hərəkət edən” heykələ çevrilib.
Batumidə ucaldılan bu abidənin hündürlüyü 7 metrdir. Heykəllər 8-10 dəqiqə intervalla hərəkətə gəlir və "öpüşərək" bir-birlərinə qovuşur — vahid fiqura çevrilirlər.
Poladdan hazırlanmış abidənin müəllifi Amerikada yaşayan gürcü heykəltəraşı Tamar Kvesitadzedir.
Hazırlanarkən heykəl «Qadın və kişi» adlanıb. Amma heykəli Batumidə ucaltmaq qərarı veriləndən sonra ona məşhur romanın qəhrəmanlarının şərəfinə "Əli və Nino" adı verilib.
17 şərh
Kitabı tapmaq elə də çətin deyil, demək olar ki, bütün kitabxanalarda var.
Ya biz tam fərqli əsərlər oxumuşuq, ya da kitabı oxuduğum vaxt çox emosional olmuşam.
Əsər adını çox eşitdiyim amma heç vaxt oxumağa maraq duymadığım əsərdi. İnşallah nə vaxtsa oxumağa həvəsim olar oxuyaram