Dünyanın məşhur elm adamları haqqında bir-birindən maraqlı məlumatlar
Nikola Tesla – Dünyanın ən qəribə ixtiraçısı
1000-dən çox ixtirası ilə gələcəyi dəyişən məşhur serb ixtiraçı Nikola Tesla həm də qəribə adətləri və vərdişləri ilə tanınırdı. Gündə orta hesabla 15 km piyada gedən Tesla bunun beyinə və yaradıcılığa çox faydalı olduğunu düşünürdü!
O, hər gecə cəmi iki saat yatır və vaxtının çoxunu öz laboratoriyasında keçirirdi. Hətta bir dəfə Teslanın
84 saat, yəni 3,5 gün fasiləsiz olaraq işlədiyi qeyd olunur.
Nikola Tesla göyərçinləri həddən çox sevirdi və onlara xüsusi diqqət göstərirdi.
Dahi alimin qəribəlikləri bununla bitmir. O, həmişə axşam eyni saatda və həmişə eyni restoranda tək yeyir, hər zaman eyni ofisiantın onun yeməyini gətirməsini istəyirdi.
Tesla həmçinin 3 rəqəmini də xüsusi və ilahi hesab edir, gündəlik həyat tərzində bu rəqəmdən geniş istiadə edirdi.
Fədakar elm adamı Maria Kürinin təkrar olunmaz uğuru
Radioaktivliyi kəşf edilməyində böyük pay sahibi olan, polşalı alim Mari Küri iki dəfə Nobel mükafatı alan yeganə qadındır. O, həmçinin bu mükafatı iki fərqli sahədə – həm fizika, həm də kimya üzrə qazanan iki nəfərdən biri kimi tarixə düşmüşdür.
Eynşteynin beynini oğurlanması
Həm böyük dahi həm də bir az dəli saya biləcəyimi məşhur fizikçi Eynşteyni tanımayan yoxdur. Onun çoxları tərəfindən bilinməyən maraqlı bir hekayəsi var. 18 aprel 1955-ci ildə daxili qanaxmadan vəfat edən məşhur Eynşteynin bədənin yandırılması planlaşdırılmışdı. Bu zaman Princeton Xəstəxanasının patoloqu Tomas Stolts Harvey Eynşteynin beynini oğurlayıb evə apardı və elmi araşdırmalar aparmaq üçün beyindən istifadə etdi..
Hokinqin həyat mübarizəsi və qələbəsi
“Böyük partlayış” nəzəriyyəsi ilə məşhurlaşan Hokinqə 21 yaşında ALS diaqnozu qoyuldu. Həkimlər ona cəmi 2 il ömrünün qaldığını demişdi. Bununla belə, Hokinq həkimlərin qoyduğu diaqnozu geridə qoyaraq 76 yaşına kimi yaşadı.
Dueldə burnunu itirən astronom
Danimarkalı astronom Tycho Brahe 20 yaşında riyazi problem üzərində bir şəxslə mübasihə edir. Mübahisə böyüyür və onlar duelə girirlər. Brahe duel nəticəsində burnunu itirir. Beləcə o, bütün həyatı boyu mis, gümüş və qızıldan hazırlanmış yalançı burunlar taxaraq həyatına davam edir
Bütün günahlarını hesablayan alim
Nyuton həm də çox dindar bir insan idi. Belə ki, 19 yaşında o günə qədər bütün günahlarının siyahısını tutmuşdu! Bu qırx səkkiz bəndlik günah siyahısında anasının şirniyyat qutusundan konfet oğurlamaq, bacısını çimdikləmək, anasına qarşı kobudluq etmək kimi qəribə günahları da var idi! Əslində bəzi günahlar siyahıda bir dəfədən çox yazılmışdı.Deyəsən, İsaak eyni səhvləri bir neçə dəfə təkrarlayıb!
BAX: Maraqlı suallar
Lobyaya nifrət edən vegeterian alim
Həndəsənin atası kimi tanınan Pifaqor qədim zamanlarda vegeterianlığı mənimsəmişdi. Onun qəribə adətlərindən biri də lobyaya toxunmamaq və onu yeməkdən qəti şəkildə imtina etməkdir.
Leonardo da Vinçinin tərs yazıları
Tanınmış elm adamlarından biri olan Leonardo Da Vinçi adi mətnləri və eskizlər normal qaydada yazarkən, öz şəxsi qeydlərini sağdan sola tərsinə yazırdı. Bunları oxuya bilmək üçünsə güzgüdən istifadə edirdi.
0 şərh