Рейтинг
+54.36

Marketinq

54 üzv, 93 topik

Gənc biznesmenlərin ən çox etdiyi səhvlər

Şəxsi biznesini qurmaq istəyənlər üçün bu sahədə təcrübəsi olanlar müxtəlif məsləhətlər verə, nəyi necə etmək lazım olduğunu izah edə bilərlər, amma bu baxımdan edilməməsi gərəkənlər də yetərincədir. Beləliklə, bu yazıda gənc biznesmenlərin ən çox etdiyi səhvlərdən bəhs edəcəyik.

1. Birinci olaraq MMC qeydiyyatının alınması.
2. İcraçı direktor vəzifəsinə başqa adamın təyin olunması.
3. Şəhərin mərkəzində ofisin tutulması.
4. İlk qazanılan pullar bahalı əşyaların, avtomobilin v.s. alınmasına sərf olunması.
5.Bütün ştatın işçilərlə doldurulması.
6. Gələcək gəlirin hesabına kredit və borcların alınması.
7. Rəqiblərə yuxarıdan aşağıya baxılması.
8. İllərlə bazarda işləyənlərlə rəqabətə girişilməsi.
Davamı →

Qəhrəman Kazımov: “Abunəçilərə şəffaf internet təcrübəsi yaşadırıq”

“Azerfon”un Kommersiya direktoru Qəhrəman Kazımov “Qafqazinfo”ya müsahibə verib. Həmin müsahibəni təqdim edirik:
— Hazırda Azərbaycanda mövcud olan 3 mobil operator arasında rəqabət mühitini necə dəyərləndirirsiz? “Nar” bazarda rəqabətə davamlılığını və mövqeyini daha da gücləndirmək üçün hansı addımları atacaq?
— Bu gün Azərbaycanın telekommunikasiya bazarında kifayət qədər güclü rəqabət mövcuddur. Bu, bir çox dünya telekom bazarlarında da görünən faktorlardan biridir. Hazırda bizim bazarda rəqabət çoxşaxəlidir. Həm şəbəkə və xidmət keyfiyyəti, həm müştəri məmnuniyyəti, həm də bazara təqdim olunan məhsullar, innovativ həllər üzrə rəqabət müşahidə edilir. Təbii ki, insanların telekomunnikasiya xidmətlərinə olan tələbatı artdıqca, xidmətləri təklif edən şirkətlər də məsrəflərinin optimallaşdırılması kimi vacib bir məsələ ilə üzləşirlər. Bu amilin isə şirkətlərin rəqabətədavamlı mövqeyinin qurulmasında rolu artmaqda davam edir. “Nar” bazarda rəqabətə davamlılığını bu istiqamətlərdə daim inkişaf etdirir. Hazırda bizim bazardakı mövqeyimiz davamlı olaraq güclənir.
Davamı →

Marketinq biznes fəlsəfəsi kimi

Bisnesin fəsləfəsi olaraq marketinq müasir biznes üçün normadır. Bu onunla əlaqədardır ki, hazırda yalnız marketinqin köməyilə effektli biznes qurmaq mümkündür. Belə biznes bütün səhmdar, biznesmen, direktorların əsas məqsədidir, çünki effektli biznes rahat yuxu, sakit əsəblər və gələcəyə əminlik deməkdir.

Marketinq biznesmenlərin sehrli çubuğuna çevrilib. Yalnız marketinq prinsiplərindən maksimum istifadə edən şirkətlər, bu gün lider olmaq və uğur qazanmağa qadirdilər. Biznes fəlsəfəsi kimi marketinq satışları maksimum artırmaq, mənfəət qazanmaq və gəlirin həcmini artırmaq üçün istifadə olunur. O Ələddinin sehrli çırağına bənzəyir. Çünki o yalnız gəlir əldə etmək üçün deyil, həmçinin bisnesmen, aksioner və şirkət rəhbərlərinin arzularının yerinə yetirilməsi üçün tətbiq olunur. 
Davamı →

Nə üçün dəbli brendlərə outlet lazımdır?

Belə bir fikir mövcuddur ki, elit retailer-lər outlet-ləri əşyaları adi qiymətə ala bilməyənlərə köhnə və məşhur olmayan malları satmaq üçün istifadə edirlər. Yeni araşdırma göstərir ki, hər şey bu qədər bəsit deyil.

Donald Nqve son 5 ildə ABŞ-da yüzlərlə mağaza və outlet-də dəbli geyimlərin satışı ilə bağlı məlumatları araşdırıb. O aydınlaşdırıb ki, mağaza və outlet müştərilərinin gəlirləri müqayisə oluna bilər: fərq ondadır ki, outlet-ə gələnlər dəbin arxasınca çox da qaçmır və pula qənaət etmək üçün həvəslə vaxtlarını yola sərf edirlər (outlet-lər, bir qayda olaraq, şəhərin mərkəzindən uzaqda yerləşirlər).
Davamı →

Gizli marketinq

Gizli marketinq reklamın ən effektli növlərindən biridir. Bu, ilk növbədə, insanın onu reklam kimi qəbul etməməsi ilə bağlıdır. Bəzən gizli marketinqi viral və partizan marketinqi ilə səhv salırlar, lakin ümumi oxşarlığa baxmayaraq, onların bir-birindən fərqli üç müxtəlif marketinq növü olduğunu başa düşmək lazımdır.

Sadə dil ilə desək, gizli marketinq hər hansı bir məhsul və ya xidmətin reklam mənbəyindən ötürülməyən reklamıdır. Başqa sözlə, belə informasiyanı eşidən insan onu reklam kimi deyil, həqiqət kimi qəbul edir.

“Reklam olmayan mənbələr” dedikdə isə bu adi insanlar, həmçinin görməkli alim, vəzifəli şəxslər və ya məşhur insanlar ola bilər. Bu informasiya reklam çarxları ilə deyil, məsələn, adi müsahibə vasitəsilə təqdim olunur.
Davamı →

Qəhrəman Kazımov: “Nar” üçün prioritet hədəf müştərilərin məmnunluğu və loyallığıdır

Qəhrəman Kazımov — “Azerfon”un Marketinq üzrə direktoru. Azərbaycan Dövlət Neft Akademiyasında “Biznesin idarəedilməsi” ixtisası üzrə bakalavr, Mərkəzi Avropa Universitetində “İqtisadiyyat” ixtisası üzrə magistr pilləsində təhsil alıb. Eyni zamanda Stokholm Texnologiya Institutunda “Telekommunikasiya” üzrə təhsil proqramının məzunudur.
Telekommunikasiya sahəsində 10 illik təcrübəyə malik beynəlxalq səviyyəli mütəxəssisdir. Kommersiya strategiyası, istehlakçı marketinqi, qiymət siyasəti, müştəri dəyərinin idarəedilməsi, məhsul və xidmətlərin idarəedilməsi, biznes analitikası kimi sahələrdə ixtisaslaşıb.
Q.Kazımov müxtəlif iri layihələri icra edib.  Bunlara mobil nömrə daşınması, konturdan manata keçid, müştəri itkisinin proqnozlaşdırılması modelləri, kampaniyaların avtomatik idarə edilməsi sisteminin qurulması, istehlakçıların loyallıq proqramlarının qurulması kimi layihələri göstərmək olar.
Davamı →

Reklamın növləri

Bir çox insanlara “reklamın növü” nə deməkdir sualı ilə müraciət etsəniz, onların hamısı bunun reklamın çatdırılma üsulu olduğunu söyləyəcəklər (məs. televiziya reklamı, radio reklamı və s.). Lakin marketinqdə reklamın növü göndərilən məlumatın ilikin “fokusuna” aid edilir və aşağıdakı kateqoriyalardan birinə uyğun olur:

Məhsul-oriyentasiyalı reklam
Reklama çəkilən xərclərin əksər hissəsi biz toplam halda şirkətin məhsulları adlandırdığımız malların, xidmət və ya ideyanın satışına dəstək vermək istiqamətinə yönəldilir. Əksər hallarda məhsul reklamının məqsədi hər hansı bir məhsulun hədəf auditoriyanın gözündə yüksəldilməsindən ibarətdir. Marketinq mütəxəssisləri bu işin öhdəsindən sadəcə məhsul barədə məlumat verən zəif yanaşmadan tutmuş reklam olunan məhsulu digər rəqib şirkətlərin məhsulları ilə bilavasitə müqayisə edərək (müqayisəli reklamçılıq) müştəriləri məhsulun keyfiyyətinə inandıraraq onlara zorla sırımaq (inandırıcı reklamçılıq) məqsədilə mübaliğəli çıxışlara qədər bir neçə yolla gələ bilərlər. 
Davamı →

Müştərinin qayğısına qalmaqla “zəhlətökən” xidmət arasında sərhəd haradadır?

Sonsuz sorğular və yeniliklər müştərini şirkətinizdən uzaqlaşdıra bilər. Və bu zaman xidmətlərin genişləndirilməsinə edilən xərclər özünü doğrultmayacaq.
 
Hər kəs bilir ki, xidmət müştərinin qorunub saxlanılması zamanı vacib tərkib hissələrindən biridir. Müştəriyə sadəcə məhsul satmaq azdır. Məhsulunuzun növbəti dəfə satışını, zəmanətli təmiri, müvafiq məhsul və xidmətlərin satışını, qarışıq məhsul satışını təmin etmək lazımdır. Bir sözlə, müştərini brend və şirkətinizin tərəfdaşına çevirməyə nail olmaq gərəkdir. Bütün bu tapşırıqları bir qayda olaraq müştəriyə xidmət həll edir. Biznes müştəri davamiyyətinə nail olmaq üçün qulluq məsələsinə əhəmiyyətli pul yatırır. Bəs bu həmişəmi yaxşı haldır?
Davamı →

Reklamdan necə maksimum fayda götürmək olar?

Bir çox sahibkar və rəhbər şəxslər reklam kampaniyasından nisbətən az gəlir əldə edirlər, halbuki bu gəlirin miqdarı daha çox ola bilər. Bunun səbəblər isə bəzən çox sadədir və ilk növbədə məhdud inanclarda gizlənib:
— Reklam kreativ olmalıdır inancı;
— Reklam kreativ olduqdan sonra gəlir həddindən artıq çox olacaq;
— Reklam kreativ olduğundan onu daim yeniləmək lazımdır;
— Reklamları mümkün qədər çox adam görməlidir (Axı o kreativdir, insanlar onun sehrinə düşəcək!…);
— Reklamı ancaq reklam mütəxəssisləri bacarır;
— Ən gülünc inanc: “Biz özümüzü reklam edirik” və yaxud “Biz öz məhsulumuzu reklam edirik”.
Davamı →

Satış taktikaları

Əminlik
Potensial müştərilər satıcının səsindəki əminliyə xüsusi diqqət yetirirlər və təbii ki, bu satış prosesinin uğurla nəticələnməsinə böyük təsir edir. Xüsusilə də, bu amil müştəri ilə telefon danışığı zaman çox mühümdür. Belə ki, bu zaman müştəri sizi canlı olaraq görmədiyindən onda etibar hissi səsinizdəki əminliyə uyğun olaraq formalaşır. Əgər özünüzə əminsinizsə, müştərilər də sözsüz sizə etibar edəcəklər.
 
Səhvlərdən dərs çıxarmaq
Bütün sualların cavabını bilməlisiniz deyə bir qanun mövcud deyil və təbii ki, səhvlərə də yol verəcəksiniz. Müştəri ilə telefon danışıqlarınızdan öz təcrübənizi yaxşılaşdırmaq üçün bir vasitə olaraq istifadə edin.
Davamı →