Рейтинг
+55.49

Marketinq

56 üzv, 95 topik

4 P vəya kiçik biznes plan

Dünyada Marketing  deyəndə ilk öncə Philip Kotlerin əsasın qoyduğu 4P ağıla gəlir. Product, Price, Place, Promotion.

Hər hansı məhsulu bazara çıxartmamışdan qabaq hər bir şirkət marketing elminə əsaslanaraq addımlar atmalıdır. Mən rəhbəri olacağım təbii şirələrlə bağlı bir şirkət açmamışdan qabaq Martketingda olan 4P-dən yararlanaram.

1. Product (Məhsul)
Məhsul analizi apararam. Azərbaycan bazarında hansı şirələrə ehtiyac var? Müştərilər nə istəyir? Bazarda rəqiblərim kimlərdi? Rəqib şirkətlər hansı məhsullardan istifadə edir? Bazarda Product analizi apardıqdan sonra qərar verilir və istehsal prosesinə başlanılır. Yəni şirkətimin məhsulu bazarda bir innovasiya yaradacaq məsələn tam olaraq təbii kompotlardan həmçinin şəkər xəstəliyindən əziyyət çəkənlər üçün xüsusi meyvə şirələri istehsalın həyata keçirərəm.

2. Place (Yer)
Uzun müddət bazar araşdırması apardıqdan sonra düzgün məhsul seçildikdən sonra 2-ci ən önəmli olan məhsulun istehsal olunacağı və satışı həyata keçirələcəyi (Place) yerdir. İlk öncə məhsulun istehsalı əlverişli relyefdə, xammala, enerji qaynaqlarına nəqliyyat vasitələrinə daha yaxın olmalıdır. İlk öncə xammala yaxın olmalıdır. Çünki şirkətin məqsədi minimum maliyətlə maksimum qazanc əldə etməkdir. Paytaxt və böyük şəhərlərin nəqliyyat qovşağına uyğun bir bölgə seçilməlidir. Daha sonra məhsul istehsal olundudqdan sonra satışın həyata keçiriləcəyi yer, doğru ünvan seçilməlidir.


Ardı →

Doğru reklamın sirləri

Bütün reklamçılar, məhsullarını doğru izah edən, markanı ən gözəl şəkildə tanıdan, həm də satışlarına birbaşa təsir edən reklam yaratmaq istərlər. Millward Brownun analizlərinə görə, doğru reklam üçün diqqət yetirilməsi gərəkən nüanslar bunlardır:

1. Zamandan düzgün istifadə etmək : İstehlakçılar nə çox uzun, nə də çox qısa reklamları xoşlamır. Bu səbəblə, reklam müddətlərinə diqqət yetirmək lazımdır. Bu müddət yetkinlər üçün 25-30 saniyə, uşaqlar üçün isə 20-25 saniyə ola bilir.

2. Tək reklam, tək mesaj: Reklamçıların ən böyük səhvləri, bir reklamda birdən çox mesaj vermələridir. Halbuki, markanın tək bir mesaji vərməsi və onun üzərindən qurulması gərəkdir. Nümunə üçün Bakcelin “Dəyişək, inkişaf edək” sloqanını çox uğurlu saymaq olar.

3. Dozasında yumor: Yumorun hər vaxt müvəffəqiyyət gətirdiyini söyləmək səhv olar. Sadə, aydın yumor isə hər zaman müvəffəqiyyət gətirir. Yəni istehlakçınızın zarafatı anlamaq üçün uzun müddət düşünməsi sizin üçün çox da yaxşı sayılmaz. Ya da onu qəhqəhələrə boğmanız markanızın qabağına keçsə, bu da sizin üçün çox məhsuldar bir reklam olmayacaq.


Ardı →

TV reklamlarının zəif və güclü tərəfləri

Reklam tam zamanında və yerində şirkətlərin və təşkilatların məhsulları və xidmətləri haqqında məlumatlandırıcı mesajların bazara, müştərilərə təqdim olunmasıdır.
Müştəri baxımından reklam, bazara təqdim olunan məhsul və xidmət haqqında doğru məlumatların müxtəlif vasitələrlə göstərilməsidir.
İstehsalçı baxımından reklam bir mal və ya xidmət haqqında müştərini xəbərdar etmək, məhsula və markaya asılılıq yaratmaqdır.
Davamı →

WOM və ya VİRAL Marketinq

Viral və ya Word Of Mouth Marketing (Ağızadan-ağıza marketinq)

Nədir WOM Marketinq?

  1. WOM Marketinq bir məhsul və ya bir xidmət haqqında düzgün fikirlərin paylaşılmağıdır. Məhsul və ya xidmət ehtiyaclara cavab vermirsə WOM Marketinq işləməz. Ən önəmli faktorlardan biri dürüstlük, şəffaflıq və qarşılıqlı əlaqədir.
     
  2. Bazarda olan məhsulumuzun əsas məqsədi brendləşməkdir. Məhsulumuz haqqında bizim söylədiklərimiz yox müştərilərimizin necə danışdıqları önəmlidir.
     
  3. İnsanlar dostlarından, yaxın adamlarından aldıqları məsləhətlərin hamısına olmasa da çoxuna əməl edirlər. Məsləhət görülən bir məhsulu almağa çalışırlar.
     
  4. Atomun parçalanması kimi can alıcı, böyük kütləni əhatə edən bir gücdür. Daha çox təsir edəcək, yavaş-yavaş inkişaf edəcək bir sistemə malikdir.

Ardı →

Reklamda ən güclü sözlər

Təsirli sözlərdən istifadə edərək reklamı necə daha məhsuldar edə bilərik?

On illər ərzində reklamlar daim dəyişib, lakin müxtəlif şüarlardan ibarət olan bəzi sözlər öz aktuallığını qoruyub saxlaya biliblər.

Reklamların məhsuldarlığını artırmaq üçün bir neçə güclü və təsirli sözlər təyin edilmişdilər.

Əgər siz öz şirkətinizin məhsullarının irəliləməsini və yaxud nəyə görə reklama baxdıqdan sonra müəyyən bir məhsulu almaq qərarına gəldiyinizi istəyirdinizsə, o zaman bu məqaləni diqqətlə oxuyun.

Biz sizə bu məqalədə sözlərin müştəriyə təsirinin artması ardıcılıqda təqdim edəcəyik.Beləliklə, siyahının sonunda olan sözlər ən təsirli sözlərdir.

1. Yeni
Çox az adam tamamilə yeni bir məhsuldan imtina edə bilər. Hətta bu söz ən yeni məhsulu təsvir belə etməsə, siz «yeni» sözündən istifadə edərək satışlarınızı yüksəldə bilərsiniz.
Ardı →

Məqsəd auditoriyasını müəyyən etmək üçün 10 sual

Məqsəd auditoriyasını başa düşmək birbaşa müştərilərin diqqətini cəlb edəcək ismarıcın hazırlanmasına, bu ismarıcın onların istifadə etdiyi mətbuatla və onların danışdığı dildə çatdırılmasına imkan verir. 

Ən yaxşı başlanğıc məqsəd auditoriyasında profil yaratmaqdır.   

Müştərini məhsul və xidmət -hədəf bazarı- üçün  bünövrə hesab edin.  Ümumi demoqrafik, psixoqrafik və coğrafik məxsusiyyətləri nədir?  Bu informasiyaları profili tərtib edəndə istifadə edin.


Ardı →

Məqsəd auditoriyasını necə cəlb etməli?

Reklam elanlarını düzəldəndə onları düzgün düzəltmək çox vacibdir. Elə etmək lazımdır ki, onlar müştəriləri cəlb edə bilsin.Bu göründüyü kimi asan deyil və müxtəlif reklam sahələrinin fərqli reklamlarına baxdıqda görürük ki, bu çoxunda uğurlu alınmayıb. Gəlin bir yerdə baxaq necə uğurlu və cəlb edici elan düzəltmək olar. Əslində bu asandır.Bir neçə variantlara baxaq:

 1. Təklifin müddəti olmalıdır
Əgər sizin yaxşı bir təklifiniz varsa, onda müştərini  cəlb etmək üçün  dəqiq müddət olmalıdır. O, bu təklifin keçici olduğunu bildikdə məhsulu almaq üçün daha qəti qərarlı olacaq. Bu o deməkdir ki, o sizin verdiyiniz şərtlərlə razı olacaqdır. Limitli vaxt təklifi-marketoloqların sevimli seçimidir, belə ki, o mala olan tələbi artırır.

 2. Məhsulun sayı məhduddur
Bu üsul bir qədər əvvəlkinə bənzəyir. Bu deməkdir ki, şirkət məhsulları məhdud sayda təklif edir. Məsələn, hansısa bir alman online mağazası unikal dizaynda olan qadın paltar kolleksiyasını məhdud sayda satır. Nəticə nədir? Onlar bir günə satılır. Bu mağazanın sistemi elə qurulub ki, hər kolleksiya bir ay ərzində satılır. Bu məhdudiyyətlə tam hüquqlu bir biznes qurmaq olar.


Ardı →

Məqsəd auditoriyasının təhlili

Bazarın hərtərəfli şəkildə təhlil edilməsi hər hansı məhsulun müvəffəqiyyətinin başlıca şərtlərindən biridir. Məqsəd auditoriyasını başa düşmək və onlarla əlaqə yaratmağın yollarını bilmək olduqca mühümdür və bunu bir neçə mərhələdə icra etmək olar.

Məqsəd auditoriyasını tanımaq nə üçün vacibdir?
Məqsəd auditoriyasının təhlili hər hansı məhsul və ya xidmət bazarı haqqında tam təfsilatlı məlumatların toplanması üsuludur. Məhsulu bazara buraxmadan, hər hansı kitabı yazmadan, film çəkmədən və ya auditoriyaya təqdim edilməsi nəzərdə tutulan hər hansı digər işə başlamadan əvvəl hədəf qrupu təhlili həyata keçirilməlidir.

Bu, bazarın ehtiyaclarına ən yaxşı şəkildə cavab verməyə, eləcə də məhsulu onlara çatdırmanın ən effektiv üsullarını müəyyən etməyə imkan verir. Əgər məhsulu hazırlamadan əvvəl müvafiq təhlil həyata keçirilməzsə, ideya və ya məhsulun nəzərdə tutulmuş auditoriyaya çatdırılması mümkün deyildir.


Ardı →

Minimum xərc - Maksimum motivasiya

Şirkət daxilində motivasiyanın ən yüksək səviyyəsi onun haqqında danışılmırsa mövcud olur.
Dwight David Eisenhower (1890-1969)

Şirkət daxili əhval-ruhiyyə (motivasiya) əməkdaşların kollektiv düşüncə halını əks etdirir. Bu halın formalaşması alt elementlər olan əməkdaşların özünə inamı, nizam-intizamı, entuziazmı və işi mümkün qədər keyfiyyətli görmək istəyininin qarşılıqlı əlaqəsi halıdır. Başqa sözlə iş yerlərimizdəki kollektiv motivasiya çox dinamik bir məhfumdur.

Bu məqalədə məqsədim kollektiv motivasiya və məhsuldarlıq arasındakı düz mütənasib əlaqədən danışmaq deyil, təbii ki, bunu hər birimiz bilirik. Məqsəd kollektiv həvəsi minimal xərclərlə maksimal səviyyədə tutmaq üçün bir neçə sınanmış metodu sizlərlə paylaşmaqdır. Yadda saxlayaq ki, insanlar imkanlar üçün acdırlar və onlar daima həm vəzifə həm də status olaraq məsuliyyət artışı və böyümə axtarışındadırlar. Araşdırmalar göstərir ki, əməkdaşları xoşbəxt edən şeylər pulla alına bilən vasitələr deyil. Keçək strategiyalara:

1. Fikir axışını və şirkət həyatındakı fəal iştirakı təmin edin
Əgər insan öz fikirlərinin hansısa mövzuda qiymətləndirildiyini görürsə o həmin mövzuya daha həvəslə dəstək olur. Başqa sözlə, şirkət daxilində əməkdaşların fikir azadlığına şərait yaratmaq əsas motivasiya faktorudur. Burada tətbiq oluna biləcək metodlar fərqli ola bilər, bəzilərini mən təklif edə bilərəm:
Ardı →

Məqsəd auditoriyası kimlərdən ibarətdir?

Reklamla bağlı yazılarda həmişə məqsəd auditoriyası, məqsəd auditoriyasının təyin olunması, doğru seçilməsi, məqsəd auditoriyasının ehtiyacları və buna bənzər ifadələrə rast gəlirik. Yaxşı, kimdir bu məqsəd auditoriyası? Kimlərdən ibarətdir? Firma, məhsul və markayla necə bir əlaqəsi vardır?

Əvvəlcə, məhsul və ya xidmətin müştərisi məqsəd auditoriyasıdırmı? Bəli, məqsəd auditoriyasını meydana gətirən qruplardan biri məhsul və ya xidmətin müştəriləridir. Bundan əlavə, firmanın istehsal etməsi üçün onu xammal ilə təmin edən qruplar, təşkilatlar və s. bu mənada xidmət edənlər də məqsəd auditoriyasının tərkibində yer alır.

Firma, sərbəst bazar iqtisadiyyatında özünü izah edərkən və ya fəaliyyətlərini davam etdirərkən, rəqiblərinə də müxtəlif mesajlar verir. Rəqib olsalar da, onlarla da rəqabət mənasında bir əlaqəsi vardır. Elə isə rəqiblər də hədəf qrupunun içindədir.

Firma bazarda istehsalını və marketinq fəaliyyətlərini davam etdirərkən, Bazar payını artırma cəhdlərində, sərmayədar və kredit provayderlərinə də ehtiyac duyur. Onlarla əlaqələr qurur və bunların müsbət olaraq davamını istəyir.Öz fəaliyyətlərini davam etdirərkən, bunlara da mesajlar çatdırmağa və onların etibarını qazanmağa çalışır. Bunlar da hədəf kütləsidir.


Ardı →