Рейтинг
+55.49

Marketinq

54 üzv, 109 topik

Məqsəd auditoriyasını necə cəlb etməli?

Reklam elanlarını düzəldəndə onları düzgün düzəltmək çox vacibdir. Elə etmək lazımdır ki, onlar müştəriləri cəlb edə bilsin.Bu göründüyü kimi asan deyil və müxtəlif reklam sahələrinin fərqli reklamlarına baxdıqda görürük ki, bu çoxunda uğurlu alınmayıb. Gəlin bir yerdə baxaq necə uğurlu və cəlb edici elan düzəltmək olar. Əslində bu asandır.Bir neçə variantlara baxaq:

 1. Təklifin müddəti olmalıdır
Əgər sizin yaxşı bir təklifiniz varsa, onda müştərini  cəlb etmək üçün  dəqiq müddət olmalıdır. O, bu təklifin keçici olduğunu bildikdə məhsulu almaq üçün daha qəti qərarlı olacaq. Bu o deməkdir ki, o sizin verdiyiniz şərtlərlə razı olacaqdır. Limitli vaxt təklifi-marketoloqların sevimli seçimidir, belə ki, o mala olan tələbi artırır.

 2. Məhsulun sayı məhduddur
Bu üsul bir qədər əvvəlkinə bənzəyir. Bu deməkdir ki, şirkət məhsulları məhdud sayda təklif edir. Məsələn, hansısa bir alman online mağazası unikal dizaynda olan qadın paltar kolleksiyasını məhdud sayda satır. Nəticə nədir? Onlar bir günə satılır. Bu mağazanın sistemi elə qurulub ki, hər kolleksiya bir ay ərzində satılır. Bu məhdudiyyətlə tam hüquqlu bir biznes qurmaq olar.


Ardı →

Məqsəd auditoriyasının təhlili

Bazarın hərtərəfli şəkildə təhlil edilməsi hər hansı məhsulun müvəffəqiyyətinin başlıca şərtlərindən biridir. Məqsəd auditoriyasını başa düşmək və onlarla əlaqə yaratmağın yollarını bilmək olduqca mühümdür və bunu bir neçə mərhələdə icra etmək olar.

Məqsəd auditoriyasını tanımaq nə üçün vacibdir?
Məqsəd auditoriyasının təhlili hər hansı məhsul və ya xidmət bazarı haqqında tam təfsilatlı məlumatların toplanması üsuludur. Məhsulu bazara buraxmadan, hər hansı kitabı yazmadan, film çəkmədən və ya auditoriyaya təqdim edilməsi nəzərdə tutulan hər hansı digər işə başlamadan əvvəl hədəf qrupu təhlili həyata keçirilməlidir.

Bu, bazarın ehtiyaclarına ən yaxşı şəkildə cavab verməyə, eləcə də məhsulu onlara çatdırmanın ən effektiv üsullarını müəyyən etməyə imkan verir. Əgər məhsulu hazırlamadan əvvəl müvafiq təhlil həyata keçirilməzsə, ideya və ya məhsulun nəzərdə tutulmuş auditoriyaya çatdırılması mümkün deyildir.


Ardı →

Minimum xərc - Maksimum motivasiya

Şirkət daxilində motivasiyanın ən yüksək səviyyəsi onun haqqında danışılmırsa mövcud olur.
Dwight David Eisenhower (1890-1969)

Şirkət daxili əhval-ruhiyyə (motivasiya) əməkdaşların kollektiv düşüncə halını əks etdirir. Bu halın formalaşması alt elementlər olan əməkdaşların özünə inamı, nizam-intizamı, entuziazmı və işi mümkün qədər keyfiyyətli görmək istəyininin qarşılıqlı əlaqəsi halıdır. Başqa sözlə iş yerlərimizdəki kollektiv motivasiya çox dinamik bir məhfumdur.

Bu məqalədə məqsədim kollektiv motivasiya və məhsuldarlıq arasındakı düz mütənasib əlaqədən danışmaq deyil, təbii ki, bunu hər birimiz bilirik. Məqsəd kollektiv həvəsi minimal xərclərlə maksimal səviyyədə tutmaq üçün bir neçə sınanmış metodu sizlərlə paylaşmaqdır. Yadda saxlayaq ki, insanlar imkanlar üçün acdırlar və onlar daima həm vəzifə həm də status olaraq məsuliyyət artışı və böyümə axtarışındadırlar. Araşdırmalar göstərir ki, əməkdaşları xoşbəxt edən şeylər pulla alına bilən vasitələr deyil. Keçək strategiyalara:

1. Fikir axışını və şirkət həyatındakı fəal iştirakı təmin edin
Əgər insan öz fikirlərinin hansısa mövzuda qiymətləndirildiyini görürsə o həmin mövzuya daha həvəslə dəstək olur. Başqa sözlə, şirkət daxilində əməkdaşların fikir azadlığına şərait yaratmaq əsas motivasiya faktorudur. Burada tətbiq oluna biləcək metodlar fərqli ola bilər, bəzilərini mən təklif edə bilərəm:
Ardı →

Məqsəd auditoriyası kimlərdən ibarətdir?

Reklamla bağlı yazılarda həmişə məqsəd auditoriyası, məqsəd auditoriyasının təyin olunması, doğru seçilməsi, məqsəd auditoriyasının ehtiyacları və buna bənzər ifadələrə rast gəlirik. Yaxşı, kimdir bu məqsəd auditoriyası? Kimlərdən ibarətdir? Firma, məhsul və markayla necə bir əlaqəsi vardır?

Əvvəlcə, məhsul və ya xidmətin müştərisi məqsəd auditoriyasıdırmı? Bəli, məqsəd auditoriyasını meydana gətirən qruplardan biri məhsul və ya xidmətin müştəriləridir. Bundan əlavə, firmanın istehsal etməsi üçün onu xammal ilə təmin edən qruplar, təşkilatlar və s. bu mənada xidmət edənlər də məqsəd auditoriyasının tərkibində yer alır.

Firma, sərbəst bazar iqtisadiyyatında özünü izah edərkən və ya fəaliyyətlərini davam etdirərkən, rəqiblərinə də müxtəlif mesajlar verir. Rəqib olsalar da, onlarla da rəqabət mənasında bir əlaqəsi vardır. Elə isə rəqiblər də hədəf qrupunun içindədir.

Firma bazarda istehsalını və marketinq fəaliyyətlərini davam etdirərkən, Bazar payını artırma cəhdlərində, sərmayədar və kredit provayderlərinə də ehtiyac duyur. Onlarla əlaqələr qurur və bunların müsbət olaraq davamını istəyir.Öz fəaliyyətlərini davam etdirərkən, bunlara da mesajlar çatdırmağa və onların etibarını qazanmağa çalışır. Bunlar da hədəf kütləsidir.


Ardı →

Profesional satış qaydaları

Satışda müvəffəqiyyət, müvəffəqiyyətli bir satış görüşü ilə başlayır. Satış görüşündə alıcılara tələb etdikləri və ya istəkləri kimi bir məhsul təqdim edilməlidir. Bu edilmədiyi halda çox vaxt satış reallaşmadan görüş sona çatar.
 Buna görə də Satışla bağlı görüşlərdən əvvəl aşağıdakı suallar cavablandırılmış olmalıdır: 
Kiminlə nə üçün, hansı mövzuda və necə görüşəcəyəm? Nələrlə qarşılaşa bilərəm? Bunlara hazırlıqlıyammı? 

Satışla bağlı görüşlərdən nəticə əldə edərək ayrılmaq üçün, qərar vermə qabiliyyətinə sahib olan insanlarla bir araya gəlinməlidir. Bununla da satış müddəti qısalacaq və qısa vaxt ərzində nəticə əldə olunacaq.

 Satışla bağlı görüşün əvvəlində mütləq bir iş görülməlidir; bölmələr, qiymətlər kimi əhəmiyyətli bütün məlumatlar nəzərdən keçirilməlidir. Bu kimi mövzularda müştəri olacaq namizədin qarşısında tərəddüd etmək, edilən işə hakim olunmadığı imicini yaradacaq.
Ardı →

Satışda faydanı ortaya çıxarma

Satış və marketinq günümüzün ən əsas peşələrindən biri, istehsal və xidmət sektoru ölməsə də hər il öndə qalacaq peşələrdən biridi. Məhsul olduğu müddətcə, satış və marketinq də olmaq məcburiyyətindədir.

Məhsul kimə satılır? Ən doğru cavab " ehtiyacı olana ". Kritik məqam da budur, faydanı ortaya çıxarma zəruriliyi. İstehlakçı, müştəri, yəni satışın həmsöhbəti özünə bir fayda verəcəyi hissinə qapılmazsa niyə pulunu sizin məhsulunuz üçün xərcləsin ki? Faydanı ortaya çıxarmağın kritik təməl daşları isə:

Doğru sualları vermək
Açıq suallarla müştərimizə ehtiyacının nə olduğuna dair məlumatı almaq, bağlı suallarla dinlədiklərimizi etdiyimiz hasilatı qarşı tərəfə təsdiq etdirmək lazımdır.

Yaxşı dinləyici olmaq
Bəzən müştərilər əslində nəyə ehtiyacı olduğuna dair bizə elə əhəmiyyətli tövsiyyələr verirlər ki, siz yaxşı bir dinləyici deyilsinizsə bu tövsiyyələr uçub gedər. Yaxşı dinləmək, anladıqlarımızı da qısa-qısa təsdiq etdirmək əhəmiyyətlidir. Çünki müştərilər özlərini dinləyən və anlayan, həll yolu tapan tərəflərdən xidmət almaqdan məmnun olurlar.
Ardı →

Hiyləgər marketinq gedişləri

Nəyə görə istifadəçilər çox saylı seçim olduğu halda məhz müəyyən bir brendə üstünlük verirlər?
Biz sizə bu məqalədə kiçik bir reklam sayəsində məhsulun satışlarını necə artırmağın nümunələrini təqdim edirik. 

Ardı →

Marketinq planının nümunəsi

Kiçik ixtisaslaşdırılmış mebel sexi

Bu misal, əlbəttə ki, ideal numunə deyil, sadəcə kiçik xüsusi şirkətlər üçün onların öz marketinq fəaliyyətini planlaşdırmağına köməklik göstərə bilən vasitədir.
Ağac üzrə həkkakın kiçik, lakin daimi biznesi var. Onun gözəl əl işi olan mebel istehsal edən sexi var. O, sənətkardır və yüksək keyfiyyətli mebel yaradıcısı və istehsalçısı olmaq isləyir.Öz təcrübəsinə əsaslanaraq, həkkak müəssisə qarşısında aşağıdaki marketinq məqsədlərini qoyur: O, öz məhsulunu Bakı şəhərində ofislərini yenidən tikən və təmir edən uğurlu fəaliyyət göstərən şirkətlərə və yaxşı zövqə malik olan dövlətli adamlara satmaq niyyətindədir. Gələn il ərzində o, Bakıda yüksək reputasiya qazanmaq, həmin alıcılardan cari istehsal səviyyəsinə bərabər olan, yəni ayda təqribən 1-2 dəst mebelə sifarişlər almağına ümüd edir. Gələcək beş il ərzindəisə istehsal gücünü iki dəfə artırmaq və biznesi Azərbaycanın digər şəhərlərinə genişləndirmək niyyətindədir.


Ardı →

Gələcək 5 ildə marketinqin inkişaf istiqamətləri

Mütəxəssislər növbəti 5 ildə marketinq gedişlərinin siyahısını tərtib ediblər.

Reklamlar faydalı olmalıdırlar
İstifadəçini darıxdırıcı məsləhətlərlə bezdirmək lazım deyil, onun həyatını asanlaşdırmağa çalışın. Hər hansı bir brendin özünü nümayiş etdirməsinə reklam deyilir. Sizə maliyyələrinizi idarə etməyə, uşaqları tərbiyyə etməyə, turlar və biletlər bron etməyə kömək edən saytları darıxdırıcı promouşn kimi deyil, lazımi xidmətlər kimi qəbul etmək lazımdır. Məsələn, Nutricia Club analara uşaqları tərbiyyə etməyə kömək edərək onlara peyvəndlərin zamanını xatırladır.

“Məni əyləndir, mən də səni alım!”- prinsipi
Bir neçə il əvvəl alıcıların tələbləri bu prinsipə əsaslanırdı və brendlər müştərilərə tarixçələr danışmağa başladı. Məsələn, TWIX şokoladlarının reklamında şokolad çubuğunun sol və sağ tərflərinin münaqişələri haqqında tarixçəni xatırlayın. Brendlərin işlətdiyi bu gediş bugünkü günə qədər öz aktuallığını qoruyub saxlamaqdadır.
Ardı →

İnternet marketinqinin uğur sirləri

Əgər siz internet məlumat alıcısınızsa və ya olmağa çalışırsınızsa, burada sizin onlayn gəlirlərinizi maksimum həddə çatdıra bilməyiniz üçün bəzi qaydalar var:

1. Geniş və müxtəlif mövzularda informasiya məhsulları istehsal etməyin. Əksinə, diqqət mərkəzini daraldın. Sonra bu məlumatların həqiqətən də bir-biri ilə əlaqəli olduğundan əmin olun.

2. Böyük bir müştəri siyahısı tərtib edin. Müştərilərinizi e-mail vasitəsilə mütəmadi olaraq yeniliklərinizlə bağlı məlumatlandırın.

3. E-kitab və ya digər internetdən yüklənilə bilən bir informasiyanı satdığınız zaman müştəriyə həmin məhsulu geri qaytardıqları zaman qəbul edildiyini deyin. Lakin bunun üçün ƏDV kimi məhsulun 21%-nin tələb olunduğunu qeyd edin.

4. Sizin və digərləri üçün asan yadda qalan domen adlar seçin.


Ardı →