Borclu müəssisənin yenidən qurulmasının ikinci, yəni sana­siya formasından daha çox istifadə edilir. Bu zaman borclu müəssisənin tədiyyə qabiliyyətinin bərpa etmək üçün sağlamlaş­dırma müsabiqəsində qalib gəlmiş hüquqi və ya fiziki şəxs tərəfin­dən maliyyə yardımı göstərilir. Sağlamlaşdırma müsabiqəsində borclu müəssisə hər-hansı bir səhmdar və ya kreditor, habelə hüquqi və fiziki şəxslər iştirak edə bilər. Hansı hüquqi və ya fiziki şəxsin borclu müəssisənin sağlamlaşdırılması tədbirlərin özündə birləşdirən biznes planı (sanasiya layihəsi) məhkəmə tərəfindən qənaətbəxş hesab olunursa, o da sanasiyanı həyata keçirir. Bunun üçün o, öz şəxsi nümayəndəsini təyin edir. Qanuna görə sanasiyanın müddəti 24 aydan çox ola bilməz.
Əgər müəssisənin yenidən qurulmasının birinci formasında əsas sözü kreditorlar yığıncağı deyirdisə, ikinci formada əsas sözü sanasiyanı həyata keçirən şəxs deyir. Amma o,12 ay müddətinə kreditorların tələb etdikləri məbləğin azı üçdə bir hissəsini ödəməlidir. Rusiyada bu məbləğ borcun 40 faizini təşkil edir. Sağlam­laşdırma müddəti başa çatmaqla bərabər bütün kreditor­ların tələblərini müəyyən olunmuş ardıcılıqla ödənilməlidir. Müəssisənin sağlamlaşdırılmasının biznes planının məqsədlərinə nail olduqda sağlamlaşdırma məhkəmənin qərarı ilə başa çatır və müəssisənin iflası haqqında işə xitam verilir.
Müəssisənin maliyyə vəziyyətinin sağlamlaşdırılması böh­ranlı vəziyyətlərin idarə edilməsinin mühüm tərkib hissəsi kimi çıxış edir. Böhranlı vəziyyəti olan hər bir müəssisə üçün ayrıca səmərəli sanasiya tədbirləri seçilməlidir. Lakin bununla belə bir çox müəssisələrin böhran şəraitindən çıxış yollarını öyrənməklə sanasiyanı ümumi qayda və tədbirləri müəyyənləşdirilmişdir. Sanasiyanın xarakterinə görə nəzərdə tutulan tədbirlər və qaydalar geniş yayılmış iki növ taktikada: müdafiə və hücum taktikasında cəmlənmişdir.

Müəssisənin sağlamlaşdırılmasında, habelə bütünlüklə antiböhranlı idarəetmədə müflisləşmə işləri üzrə dövlət orqanı vacib funksiyalar daşıyır. Lakin hələlik Azərbaycanda bu orqan yaradılmamışdır. Belə orqan sanasiya lahiyyəsinin qimətləndiril-məsində sanasiya müsabiqəsinin aparılmasında,  müsabiqə icrası-nın yerinə yetirilməsində, müsabiqə kütləsinin müəyyənləşdirilmə-si qaydalarının hazırlanmasında, kreditorların tələblərinin qorunmasında, kadraların hazırlanmasında  və müəssisələrin müflisləşməsi ilə bağlı digər metodik gösərişlərin hazırlanmasında əvəzsiz rol oynaya bilər.
Müflisləşmə sisteminin sivil tipinə borclu və kreditorlar deyil,həm də dövlət hakimiyyət orqanları daxildir. Lakin dövlət hakimiyyət orqanları müflisləşmə sistemində spesifik rol oynaya­raq müflisləşmə sisteminin təşkilati, hüquqi (məhkəmə) və sosial təminatı ilə məşğul olurlar.
Borclu müəssisənin sanasiyasında mühüm sənəd sağlam­laşdırma tədbirlərini əks etdirən biznes-planıdır.
Sanasiya biznes-planında müəssisədəki dəyişikliklər prosesi təhlil olunur, müəssisədə yaranmış böhranlı vəziyyətdən rəhbərli­yin necə çıxması və müflisləşməsinin qarşısının alınmasının kon­kret istiqamətləri göstərilir.
Qərb firmalarının iş təcrübəsində biznes-planda onun isteh­sal, maliyyə, marketinq və digər fəaliyyət sferalarında baş verən bütün dəyişiklik təsbit olunur. Sovet dövründə müəssisələrin isti­fadə etdiyi texniki-sənaye maliyyə planında planlı iqtisadiyyata uy­ğun funksiya və vəzifələr var idi. Hal-hazırda bizim sahib­karların biznes-planın hazırlanması və daima təshih olunması barədə iş təcrübələri olmamalarına baxmayaraq sahibkarlıq fəaliyyətində onlardan geniş şəkildə isifadə olunması vaxtı artıq gəlib çatmışdır.
Biznes-plan firmanın inkişafının kompleks planı olub, öz vəsaiti və kənardan cəlb olunan vəsait hesabın sərmaya qoyu­luşunu əlaqələndirməyə imkan verir. Adətən biznes-plan üç-beş il üçün hazırlanır. Müəssisənin sanasiya biznes-planı isə 18-24 ay müddətinə tərtib olunmalıdır. Sanasiya biznes-planı bir-birilə əlaqədar olan iki vəzifəni yerinə yetirir.
Biznes-planın yerinə yetirdiyi birinci vəzifə borclu müəssi­sənin heyətinə və rəhbərliyinə lazımdır. Bura məhsul istehsalı və satışı ilə bağlı vəzifələrin əsaslandırılmasına və satış bazarında sabit yerin tutulmasına kömək edən dəyişikliklər daxildir.
Biznes-planın yerinə yetirdiyi ikinci vəzifə isə müəsisənin böhran vəziyyətindən çıxarılmasına yönələn maliyyələşdirməyə investorları inandırmaqdır. Sanasiya biznes-planı tərtib edilərkən daha çox diqqət məhz bu vəzifənin yerinə yetirilməsinə yönəl­məlidir.
Qərb sahibkarlarının istifadə etdikləri biznes-planlar tərti­binə, strukturuna,yerinə yetirdiyi vəzifələrə və fəaliyyətlərin miq­ya­sına görə bir-birindən fəqlənirlər. Buna baxmayaraq elə stan­dart elementlər var ki,bunları hər bir biznes-planda görmək olar.
Biznes-planda göstəricilərin kəmiyyət tərəfi göstərilməklə yanaşı, onlar keyfiyyətcə də əsaslandırılmalıdır. Biznes-plan axırdan yəni xülasədən başlanır. O əlbəttə ki, işin lap axırında bütün bölmələr hazır olandan sonra yazılmalıdır. Xülasə üzərində iş çox vacibdir. Belə ki,əgər xülasə sanasiyada maraqlı olan tərəflərdə rəğbət doğurmasa ondan sanasiya lahiyyəsi müsa­biqədən keçə bilməyəcəkdir.
Xülasənin həcmi dörd çap səhifəsindən çox olmamalıdır.O sadə və lakonik olmalıdır. Burada minimum terminlər işlədilməlidir və maksimum dəqqət ona verilməlidir ki, məhz nəyə görə firmanın gələcək məhsulu və ya xidməti başqa məhsul və xidmətlərdən fəqlənir və nəyə görə alıcılar məhz həmin firmanın məhsul və ya xidmətini əldə etməyə çalışacaqlar.
Xülasənin axırıncı səhifəsi mütləq firmanın gələcəkdə lahiyyədən gözlədiyi maliyyə nəticələrinə həsr olunmalıdır. Burada firmanın satış həcmi,satışdan əldə etdikləri gəlirləri, istehsal xərcləri, ümumi mənfəəti və nəhayət borc aldığı vəsaitlərinin nə vaxt qaytarılacağı göstərilməlidir.
Firma fəaliyyətinin ümumi xüsusiyyətlərində biznes-planın digər bölmələrinin əsas göstəriciləri, bazara təklif edilən məhsul və ya xidmətin keyfiyyət parametrləri: etibarlığı, uzunömürlülüyü, erqonomokliyi, patent təmizliyi, güman edilən alıcıların vəziyyəti, istifadə ediləcək xammal və materiallar haqqında məlumatlar verilməlidir. Bundan başqa firmanın fəaliyyət göstərdiyi sahənin vəziyyəti, əsas rəqiblərinin iş təcrübəsi, satış və gəlirlərin artımı,bazara yeni daxil olan və çıxan subyektlər barədə də fikirlər söylənilə bilər.
Bazarın təhlilində əsas diqqət hər bir məhsul və xidmət növü natural və dəyər ifadəsində satışın həcminə, daha çox satıl­mış məhsulların ümumi satışındakı xüsusi çəkisinə, reklamasiya­ların və istehlakçılar tərəfindən qaytarılan məhsulların miqdarına, alıcılara müqavilədə göstərilən müddətə çatdırılmayan məhsulla­rın miqdarına və buna görə də firma tərəfindən ödənilən cərimə­lərin məbləğinə,hansı diler və distrebyuterlərin xidmətindən istifadə olunmasına, başlıca məhsul və xidmət alıcılarının kim olmasına,nə üçün onların bu məhsula üstünlük verməsinə diqqət yetirilir. Bazarı örənərkən firmanın məhsul və xidmətlərinə tələbin səviyyəsini müəyyənləşdirmək üçün “Boston məsləhət qrupunun matrisasından” istifadə etmək məqsədəuyğundur.
Marketinq strategiyası hazırlandıqda firmanın planlaşdır­dığı satış həcminə hansı yollarla çatacağı araşdırılır. Rəqib firmaların məhsul  və xidmətlərin güclü və zəif tərəflərinə real qiymət verilir. Firmanın məhsulları rəqib məhsulların qiymətinin səmərəliliyi, etibarlılığı, texniki xidmətin xüsusiyyətləri və sairə ilə müqaisə edilir. Ardıcıl olaraq bazarın seqmentləşdirilməsi, məqsədli bazarın seçilməsi, əmtəənin mövqeləşdirilməsi, satış kanallarının maliyyələşdirilməsi, satışın stimullaşdırılması, məhsulun reklam və təbliğatı yolları tapılmalıdır.
Marketinq strategiyası hazırlandıqda qiymətqoymaya xüsusi diqqət verilir. Bəzi firmalarda biznes-planda qiymətqoymaya ayrı­ca bölmə həsr edilir. Məhsul və xidmətə qoyulan qiymət bazarın konyukturasına cavab verməlidir. Qiymət firmada “təklifin” səviy­yəsini sabit saxlamağa və artırmağa, rəqabətin olmasına baxma­yaraq bazarda firmanın iştirakını saxlamağa və genişlən­dirməyə, bunların müqabilində mənfəət qazanmağa imkan verməlidir. Sahibkar bazarda möhkəmlənmək üçün hətta qiyməti də aşağı endirməlidir. Nəzərdə saxlamaq lazımdır ki, aşağı qiymət manevr etmək üçün firmaya az yer qoyur.
1) daxili maliyyə resursları vasitəsilə mövcud istehsal gücü­nün genişləndirilməsi,
2) digər firmalarla qovuşma,
3) lisenziya
4) müştərək müəssisənin yaradılması və şirkətlərin istehsal resurslarının birləşməsi,
5) lazım olan avadanlığın və ya istehsal sahəsinin icarəsi,
6) podrat müqaviləsi əsasında birgə tikintinin aparılması.
Bazara çıxmazdan qabaq hər hansı bir məhsulun yenidən işlənməsinə və dizayna ehtiyacı varsa onda bu iş tam həcmdə izah olunmalıdır. Adətən, belə işlər məhsulun cazibədarlığını, texniki xidmətini yüksəltmək üçün edilir. Biznes-planın bu bölməsində dizayn və yenidən işləməyə çəkilən xərclərin hesablanması uyğun sayılmalıdır.
Firmanı sağlamlaşdırmaq üçün onun idarə edilməsi sistemi də təkmilləşdirilməlidir. Menecmentin müasir tələblərinə uyğun olaraq təşkilati quruluşda müvafiq dəyişikliklər aparılmalı və hakimiyyət xətti dəqiqləşdirilməlidir.Yeni yaradılan istehsal və funksional bölmələrin fəaliyyətləri, vəzifələri və səlahiyyətləri açıqlanmalıdır. Kənardan cəlb edilən menecerlərin tutduğu vəzifə­lər və onların ixtisas bacarığı da burada göstərməlidir.
Biznes-planın maliyyə strategiyası bölməsində firmanın maliyyə potensialını mənfəət və zərərlər haqqında proqnozlarını, rentabelliyini, tədiyyə qabiliyyətini, borc alma qabiliyyətini izah edən göstəricilər təsvir edilir.