Dörd şey
- Dörd şey xoşbəxtlik əmələ gətirir- təmiz əsl, təmiz ürək, təmiz əl və müstəqil rəy.
- Dörd şey xoşbəxtliyə sübutdur - düz danışmaq, sirri möhkəm saxlamaq, həmişə təvazökar olmaq və halallıq ilə kəsb eləmək.
- Dörd şey hamıya lazımdır- itaət, nəsihət, şəfqət və əmanət.
- Dörd şeyi geri qaytarmaq olmaz- deyilmiş sözü, keçmiş qəzanı, atılmış gülləni və ötmüş ömrü.
- Dörd şeyi dörd şeysiz eləmək olmaz-düşmən ilə dost olmasan onu məhv etmək olmaz, səbr etməsən arzuna cata bilməzsən, təvazökarlıq etməsən məhəbbət artıra bilməzsən və səy etməsən elm əldə edə bilməzsən.
- Dörd şey işləri tamamlayır-böyüklərə yaxınlıq, tarixi bilmək, düz adamların tədbiri və dostların rəvayətlərini eşitmək.
- Dörd şeydən ehtiyat etmək gərək- tələsməkdən, acıq və qəzəbdən, paxıllıq və pislikdən, təkəbbürdən.
- Dörd şey bədbəxtlik nişanəsidir- tənbəllik, cahillik, insaniyyətsizlik və kimsəsizlik.
- Dörd şəxsdə dörd şey olmaz- yalançıda mürvət, paxılda xoşbəxtlik, məsud adamlarda rahatlıq, bədxasiyyətdə böyüklük.
- Dörd şey bütün xalqlar üçün yaxşıdır- ədalət və doğruçuluq, ağıl və bilik, təkamül və səbr, həya və utanmaq.
14 şərh
Bəzən başqalarının gözündə xoşbəxtlik kimi görünən şey,insanın özü üçün bədbəxtlik olur.
Təmiz əsl,yəni,soyu-kökü.əsli-nəcabəti təmiz
- 4 şey səni dörd şeyə çatdırar: səbir istəyə, çalışmaq mətləbə, pəhrizkarlıq sağlamlığa, qənaət dövlətə.
- Kişilər dörd sifətə malikdir: kəramətli, səxavətli, paxıl və ləim. Kəramətli özü yeməz xalqa verər, səxavətli özü də yeyər, xalqa da verər, paxıl özü yeyər, xalqa verməz, ləim nə özü yeyər, nə xalqa verər.
- dörd nəfərlə dostluqdan çəkin: axmaqla, yalançı ilə, paxılla, fitnəkarla.
- dörd şey ömür artırar: bakirə qızla evlənmək, isti su ilə çimmək, sağ tərəfi üstə yatmaq, səhərlər alma yemək.
- dörd şeyin qədrini bilin: cavanlığın, sağlamlığın, əmin-amanlığın, ölülərin.
- dörd şeyi yadda saxla: ən böyük dövlət əqldir, ən böyük yoxsulluq axmaqlıqdı, dəhşət özünü bəyənməməkdir, ən böyük ünsiyyət gözəl rəftardır, yaxşı xasiyyətdir.
- dörd şey dörd şeydən doymaz: yer yağışdan, göz baxmaqdan, yar yardan, alim elmdən.
- dörd şey 4 şeyi gətirər. Sakit olmaq rahatlığı, uzun danışmaq rüsvayçılığı, səxavət ucalığı, şükür etmək bolluq gətirər.
Müdriklərin dediyindən